Dokʉ̈ Körɛ̂nte 2:14 - Mbëtï Ndjapä: TÄFO MADƗ̈

¹⁴ Akrə ndə̂ tche wâbô wâ la Yingö ndə̂ Ndjapä, tche wâbo ndə̂kə̂ gamba arə ndə̂ Kpɨ̂ki Yingö-a. Rə nə̈ wä batə̂ rə nyî lə̂ la yê, tche wâbo ndə̂kə̂ dje tchə̂lə̂ nə̈-a, bëte lə̂ köbosə̂ Kpɨ̂ki Yingö balë kä ndə̂ akrə wünsə̂ kə̂ krʉ tchə̂lə̂ tchôtchô rə la ngbongbo rə.

Dokʉ̈ Körɛ̂nte 2:14 Iomraidhean Croise

Matiyə̈ 16:23

Praâbalë Jezü djêtə̂ yê kə̈ tô rə̂ sə̈ Pîêre päkëdə̂: «Gitə̂ zə̈ tə̂ mê bhâchï Satäa! Mo wä batə̂ ngâ täme lə̂ köbo mê, bëte kə̂ wun tchô ndə̂ zə̈ wâbo batə̂ andə̂ Ndjapä-a, praâbalë äwä batə̂ andə̂ azü.»

Jâan 10:20

Angbängbä angânə̈ lə̂ gûtə̂ andjê tô rə̂ päkëdə̂: «Ngbongbo tchozö kä lə̂ yê, nyî âmbo tchë, bëte giamâ nyê dje tchë?»

Jâan 12:37

Ndə̂ Jezü mbô akpɨ̈ngbɨ̈ arə tchâtchu andjê lâme käko, praâbalë andjë zâbo su andjê sə̈ tchë-a.

Jâan 14:17

Tche wätə̂ Yingö ndə̂ tche to lëge pö, ânyë azü tchêbêche wâbo ndə̂kə̂ gamba pö ndə̂ yê-a, bëte andjë wûn-âbo tchë-a, ânyë kə̈ wûn-âbo sə̂ yê-a. Praâbalë nyënyê ndə̂ nye nə̈, nyë wûnsə̂ yê nə̂, bëte tche kä ndrotə̂ nyê ânyë tche kä lə̂ nyê.

Jâan 14:26

Praâbalë earə̂ kə̂ za könô sə̈ nyê, ndə̂ tche də̂ Kpɨ̂ki Yingö ndə̂ Bha wan-adje tchë la rə̈ mê, tchê nyiadje sə̂ arə gbɛ̂ sə̈ nyê, ânyë kə̂ mboadje rə̂ pä arə gbɛ̂ ndə̂ më nyîsə̂ nə̈ alême sə̈ nyê sə̂nə̈ te lə̂ nyê.

Jâan 15:26

«Tchanə̈ ndə̂ tche wâ ndə̂kə̂ za könô sə̈ nyê lâme, tchê nəadje. Tche də̈ Yingö ndə̂ tche to lëge pö ndə̂ tche tô bhândə̂ Bha mê ânyë kə̈ nə̂. Mê wan-adje tchë la rə̈ Bha mê sə̈ nyê, ânyë tchetchë kä ndə̂ âtoadje pö pâ mê sə̈ azü.

Jâan 5:44

Nyë nyïndə̂ nə̈ pä angâ nyê gamba nyê, nyê gamba ndjë andjê, ânyë kə̈ nyîâbô nyîndə̂ kə̂ pu köbo ndə̂kə̂ pa Ndjapä gamba nyê lâme, nyë âza su nyê sə̈ mê tchïtchïnə̈ atöko?

Jâan 8:43

Bëte giamâ kä ndə̂ nyë djêâbo tchə̂lə̂ pö ndə̂ mê to rə̂ sə̈ nyê djê-ê? Bëte nyë wâbo la gbôgbô ndə̂kə̂ dje pö ndə̂ mê-a.

Abadjângele 16:14

Ngâ ɛ̈chë gö ndə̂ Tïyätîre kä lə̂ gûtə̂ andjê ndə̂ rə̈ yê wû pä Lidï. Tche də̈ earə̂ kə̂ ka angbêngbê alə̂ba ndə̂ âfû tə̂ gbölösə̂nə̈, kə̈ də̂ akrə ndə̂ tche voga Ndjapä. Tche sə̂ lakə̂ dje ârâ, ânyë Gbölö Gbïɛ̈ jî tchə̂lə̂ su yê ndə̂kə̂ dje apö ndə̂ Pôlo.

Abadjângele 17:18

Angâ a-earə̂ kə̂ nyisə̂ rə ndə̂ a ê rə̂ tə̂ andjê pä aepikurïɛ̈n la asotoyisïɛ̈n sə̂ lakə̂ to pö la tchë. Angânə̈ tö rə̂ päkëdə̂: «Ɛ̈mawû âtə nyîndə̂ kə̂ to rə̂ atöko?» Angânə̈ tô rə̂ päkëdə̂: «Tche wä batə̂ akrə ndə̂ tche mu pö ndə̂ andjapä ndə̂ angâ agö ngbî.» Bëte Pôlo mü Tchôtchô Pö ndə̂ Jezü lakə̂ jo ndə̂ azü lə̂ kuzü.

Abadjângele 17:32

Ndə̂ azü nə̈ djê pö ndə̂ Pôlo tô rə̂ pâ kə̂ jo ndə̂ azü lə̂ kuzü lâme, angânə̈ sə̂ lakə̂ mo tchë ânyë angânə̈ tô rə̂ päkëdə̂: «Ârâ djeadje mö pâ pö lâme tə̂ngâlo.»

Abadjângele 18:15

Praâbalë pö nə̈ wä pâ pö ndə̂kə̂ gama lə̂ gbâtə̂ nyê pâ rə̈ azü, la pö ndə̂ ndïɛ̈ ndə̂ nyê la tə̂ nyê. Käko pö nə̈ wün kütû nyê la tə̂ nyê! Më nyîâbo ndə̂kə̂ wa tchə̂lə̂ ngoa ngbanga käko-a.»

Abadjângele 25:19

Andjë sə̂ lakə̂ gama andjê lə̂ gbâtə̂ andjê kütû pâ köbo kə̂ voga Ndjapä ndə̂ andjê la tə̂ andjê, ndjë pâ ngâ köchë ndə̂ rə̈ yê wû pä Jezü. Tche tchû nə̂, praâbalë Pôlo tô rə̂ pä tche kä la tʉ̈rʉ̂ la yê.

Dokʉ̈ Körɛ̂nte 1:18

Tə̂ lëge nə̈ pö ndə̂ yö ndə̂ gba wätə̂ pö nyî lə̂ la azü ndə̂ andjë wâ ndə̂kə̂ tchu. Praâbalë andə̂ azə̂ ndə̂ azə̈ wâ lə̂ köbo ndə̂kə̂ tchâ lə̂ kuzü, pö nə̈ wätə̂ gbôgbô ndə̂ Ndjapä.

Dokʉ̈ Körɛ̂nte 1:21

Bëte azü pâ cho âtə, lə̂ köbosə̂ küma andjê ndə̂ âwâ lanə̈, andjë wûn-âbo sə̂ Ndjapä la küma yê ndə̂ âwâ lanə̈ lâme-a. Ädə̈ käko ânyë âdâka lə̂ la Ndjapä ndə̂kə̂ tcha andjanə̈ ndə̂ andjë zâ su andjê sə̈ tchë kütû lə̂ köbosə̂ pö ndə̂ ârâ mû rə̂, ndə̂ âwâ batə̂ pö nyî lâme.

Dokʉ̈ Körɛ̂nte 1:23

Praâbalë andə̂ ârâ, ârâ sə̈ lakə̂ mu pö päkëdə̂: A wôn Krîsiti pâ yö ndə̂ gba nə̂. Andə̂ ajuîfu, pö lâme zä gbölö mêrâ tə̂ su andjê bëte äwätə̂ pö ndə̂kə̂ dro Ndjapä, ânyë kə̈ wâtə̂ pö nyî lə̂ la azü ndə̂ andjë wâbô wâtə̂ ajuîfu-î.

Dokʉ̈ Körɛ̂nte 1:25

Bëte rə ndə̂ Ndjapä ndə̂ âwâ lə̂ la azü batə̂ rə nyî, rə nə̈ lâme zä küma ndə̂ âwa lanə̈ kə̈ rô andə̂ azü. Ânyë rə ndə̂ Ndjapä ndə̂ azü wûn rə̂ tə̂ mömö rə, äwä la gbôgbô kə̈ rô gbôgbô ndə̂ azü.

Dokʉ̈ Körɛ̂nte 15:44

Tə̂ ndə̂ a chî rə̂ də̈ mbämbä tə̂ akrə, tə̂ ndə̂ âjo lə̂ kuzü də̈ tə̂ ndə̂ Yingö za tchîsûwu sə̈ rə̂. Mbämbä tə̂ akrə kä tâ, ânyë tə̂ ndə̂ Yingö za tchîsûwu sə̈ rə̂ kä tâ.

Dokʉ̈ Körɛ̂nte 15:46

Akrə ndə̂ tche nə̂ dokʉ̈tchê, tche də̂âbo akrə ndə̂ Yingö-a, tche də̈ mbämbä akrə, praâbalë akrə ndə̂ Yingö nə̈ la tchêngbâ nə̈.

Dokʉ̈ Körɛ̂nte 2:12

Âdə andə̂ azə̈ nə̈, azə̈ gbôâbo yingö ndə̂ tchêbêche âtə-a, praâbalë azə̈ gbö Yingö ndə̂ âtô bhândə̂ Ndjapä, ndə̂ âmbô rə̂ pä azə̈ wunsə̂ atchôtchô arə ndə̂ Ndjapä kʉ rə̂ sə̈ azü lə̂ köbosə̂ tchôtchô su yê.

Dokʉ̈ Körɛ̂nte 3:1

Arə̂mä, andə̂ me nə̈ më gbôâbo köbo ndə̂kə̂ to pö sə̈ nyê batə̂ rə̂ ndə̂ a to pö sə̈ azü ndə̂ andjë wâ la Kpɨ̂ki Yingö-a, praâbalë më tö pö sə̈ nyê kütû batə̂ rə̂ ndə̂ a to rə̂ sə̈ azü ndə̂ andjë wûn-âbô sə̂ Ndjapä wûn-î, la azü ndə̂ Krîsiti ndə̂ gbô andjê wâtə̂ abechë lə̂kə̂ za su sə̈ Ndjapä.

Jâke 3:15

Ngoa küma ndə̂ âwa lanə̈ käko lâme tôâbo bhâ lafô-a, ätö kpô bêche âtə, ätö lə̂ köbosə̂ akrə, ätö bhândə̂ Jâbolo.

Dokʉ̈ Jâan 2:20

Âdə andə̂ nye nə̈, nyë gbô Kpɨ̂ki Yingö ndə̂ Krîsiti zâ tchë sə̈ nyê nə̂, ânyë nyënyê gbɛ̂, nyë wûnsə̂ lëge pö nə̂.

Dokʉ̈ Jâan 2:27

Âdə andə̂ nye nə̈, Kpɨ̂ki Yingö ndə̂ Krîsiti zâ rə̂ sə̈ nyê lâme kä lə̂ su nyê. Äkä wâbo ndə̂kə̂ pa ngâ akrə kä ndə̂ ânyisə̂ rə sə̈ nyê-a, praâbalë Kpɨ̂ki Yingö ndə̂ yê lâme kä ndə̂ ânyisə̂ arə gbɛ̂ sə̈ nyê. Tche nyîâbo sə̂ yepa-a, praâbalë tche nyïsə̂ lëge pö. Bëte rə̂ kä ndə̂, äwäpä nyë wa balë la Krîsiti batə̂ rə̂ ndə̂ Kpɨ̂ki Yingö nyîsə̂ nə̈ sə̈ nyê.

Dokʉ̈ Jâan 5:20

Azə̈ wûnsə̂ nə̈ nə̂ pä Modô ndə̂ Ndjapä nə̈, kə̈ zâ kə̂ wunsə̂ rə sə̈ azə̂ ndə̂kə̂ wunsə̂ lëge Ndjapä. Azə̈ wä balë la lëge Ndjapä lə̂ köbosə̂ Modô ndə̂ yê Jezü Krîsiti. Tchetchë kä ndə̂ âwâtə̂ lëge Ndjapä, kə̈ wâtə̂ tchîsûwu ndə̂ logbɛ̂ logbɛ̂.

Jûde 1:19

Andjendjê kä âkə̂ krʉ tchə̂lə̂ azü ndə̂ Krîsiti, apö lə̂ su andjê də̈ andə̂ azü tchêbêche, andjë wâbo la Kpɨ̂ki Yingö-a.