Dokʉ̈ Körɛ̂nte 2:13 - Mbëtï Ndjapä: TÄFO MADƗ̈

¹³ Käko ârâ tôâbo pö lə̂ köbosə̂ küma azü ndə̂ âwa lanə̈ pâ cho âtə-a, praâbalë ârâ tö rə̂ lə̂ köbosə̂ nə̈ ndə̂ Kpɨ̂ki Yingö nyîsə̂ nə̈ sə̈ ârâ. Ädə̈ käko ânyë ârâ nyisə̂ rə ndə̂ Kpɨ̂ki Yingö la apö ndə̂ âtô bhândə̂ Yingö lâme.

Dokʉ̈ Körɛ̂nte 2:13 Iomraidhean Croise

Lûke 12:12

bëte kpôsə̂nə̈ lâme, Kpɨ̂ki Yingö ânyiadje sə̂ pö ndə̂ âwâ ndə̂kə̂ pa nyë to rə̂.»

Abadjângele 2:4

Kpɨ̂ki Yingö sɨ̂ andjê gbɛ̂, ânyë andjë jêtə̂ kə̂ to pö la angâ ama gö ngbî ngbî batə̂ rə̂ ndə̂ Yingö nə̈ zâ rə̂ sə̈ andjê ndə̂kə̂ to rə̂.

Dokʉ̈ Körɛ̂nte 1:17

Bëte Krîsiti wân-âbo mê ndə̂kə̂ pa më za batɛ̂me sə̈ azü-a, praâbalë tche wän mê ndə̂kə̂ mu Tchôtchô Pö. Âwâbo lə̂ köbosə̂ küma ndə̂ âwa lanə̈ kä ndə̂ mê mu pö nə̈ la rə̂-a, ânyë kuzü Krîsiti pâ yö ndə̂ gba wabô wâtə̂ mbämbä rə-a.

Dokʉ̈ Körɛ̂nte 14:2

Bëte akrə ndə̂ tche to pö la ama gö ngbî ngbî, tche tôâbo pö nə̈ sə̈ azü-a, praâbalë tche to rə̂ sə̈ Ndjapä. Ngâ akrə balë djêâbo tchə̂lə̂ pö nə̈-a, tche tö pö ndə̂ arə ndə̂ gbô rə̂ wâ lə̂ küwû nə̈ lə̂ köbosə̂ Kpɨ̂ki Yingö.

Dokʉ̈ Körɛ̂nte 2:1

Arə̂mä, mëmê la tə̂ mê ndə̂ më ê atə̂ndə̂ nyê alême ndə̂kə̂ mu apö ndə̂ Ndjapä ndə̂ âwâ lə̂ küwû nə̈, më mûâbo pö nə̈ lə̂ köbosə̂ agbôgbô pö âdəndjë lə̂ köbosə̂ küma mê ndə̂ âwâ lanə̈-a.

Dokʉ̈ Körɛ̂nte 2:14

Akrə ndə̂ tche wâbô wâ la Yingö ndə̂ Ndjapä, tche wâbo ndə̂kə̂ gamba arə ndə̂ Kpɨ̂ki Yingö-a. Rə nə̈ wä batə̂ rə nyî lə̂ la yê, tche wâbo ndə̂kə̂ dje tchə̂lə̂ nə̈-a, bëte lə̂ köbosə̂ Kpɨ̂ki Yingö balë kä ndə̂ akrə wünsə̂ kə̂ krʉ tchə̂lə̂ tchôtchô rə la ngbongbo rə.

Dokʉ̈ Körɛ̂nte 2:4

Pö ndə̂ mê lakə̂ nyisə̂ rə ndə̂ mê wâbo tə̂ atchôtchô pö lə̂ köbosə̂ küma akrə ndə̂ âwâ lanə̈-a. Praâbalë Kpɨ̂ki Yingö kä ndə̂ ânyîsə̂ nə̈ la gbôgbô pä pö nə̈ wätə̂ lëge nə̈.

Dokʉ̈ Körɛ̂nte 9:11

Ârâ lü atchôtchô arə ndə̂ Yingö lə̂ nyê. Âdə ârâ âgbo ndjë ngâ tchâkalâ atchôtchô arə ndə̂ nyê, dëkë ârâ yükû rə tə̂ gbölösə̂nə̈ kä lâme?

Ëfêze 5:19

Nyë ngbötə̂ nyê kə̂ pa adüwü ndə̂ Mbëtï Ndjapä, adüwü ndə̂kə̂ za voga sə̈ Ndjapä la adüwü ndə̂ Kpɨ̂ki Yingö za rə̂ sə̈ nyê, nyë pä düwü kə̂ voga Gbölö Gbïɛ̈ la su nyê gbɛ̂.

Kölôse 3:16

Äwäpä Tchôtchô Pö ndə̂ Krîsiti ndə̂ atchôtchô arə sɨ̂sɨ̈ lə̂nə̈ wa lə̂ tchîsûwu ndə̂ nyê. Nyë nyisə̂ rə, kə̂ to tchôtchô pö sə̈ angâ nyê lə̂ gbâtə̂ nyê, lə̂ köbosə̂ küma ndə̂ âwâ lanə̈ gbɛ̂. Nyë pä düwü sə̈ Ndjapä la su nyê gbɛ̂ ndə̂kə̂ za ayîabâ sə̈ tchë, nyë pä adüwü ndə̂ Mbëtï Ndjapä, adüwü ndə̂kə̂ dɨ tchə̂lə̂ ma sə̈ Ndjapä, ndə̂ Yingö kʉ rə̂ sə̈ nyê.

Dokʉ̈ Pîêre 1:12

Ndjapä nyïsə̂ nə̈ sə̈ andjê pä, pö nə̈ wâbo bëte andjê la tə̂ andjê-a, praâbalë äwä bëte nyê. Pö nə̈ kä ndə̂ a-earə̂ kə̂ mu Tchôtchô Pö sə lakə̂ to rə̂ sə̈ nyê angaâtə, lə̂ köbosə̂ Kpɨ̂ki Yingö bhâ lafô ndə̂ a wân tchë. Pö nə̈ lâme, aânje wä la gʉ ndə̂kə̂ wunsə̂ nə̈.

Bïchuû Pîêre 1:16

Tə̂ lëge nə̈, âwâbo lə̂ köbosə̂ ndə̂ma tro, la apö ndə̂kə̂ rɨ̈ tchə̂lə̂ küma azü kä ndə̂ ârâ nyîsə̂ kə̂ ka ndə̂ Gbölö Gbïɛ̈ ndə̂ azə̂ Jezü Krîsiti la gbôgbô-a, praâbalë ârâ wün kə̂ wa gbölö ndə̂ yê la lala ârâ.