Dokʉ̈ Körɛ̂nte 16:9 - Mbëtï Ndjapä: TÄFO MADƗ̈

⁹ Bëte ngâ gbölö köbo jî sə̈ mê nə̂ ndə̂kə̂ mbo ngâ kua bhâye, praâbalë a-earə̂ kə̂ kitə̂ köbo tə̂ kua ndə̂ mê ngbä tə̂ gbölösə̂nə̈.

Dokʉ̈ Körɛ̂nte 16:9 Iomraidhean Croise

Abadjângele 14:27

Ndə̂ andjë wûtu bhâ Äntïyôche, andjë pâla azü ndə̂ Egilîze kə̈ nyîsə̂ tchêngbâ arə gbɛ̂ ndə̂ Ndjapä mbô rə̂ lə̂ köbosə̂ andjê sə̈ azü ndə̂ Egilîze nə̈. Andjë nyîsə̂ köbosə̂ nə̈ ndə̂ Ndjapä jî köbo sə̈ azü ndə̂ andjë wâbô wâtə̂ ajuîfu ânyë andjë zâ su andjê sə̈ Jezü.

Dokʉ̈ Körɛ̂nte 15:32

Âdə mê âza su mê kütû pâ pö ndə̂ azü, dju kʉ̈ʉ̈ ndə̂ mê mbô rə̂ la azü ndə̂ Ëfêze ndə̂ andjë wâ batə̂ agia güsü lâme də̈ nə̈bâ? Âdə azü âjoabô jô lə̂ kuzü, käko batə̂ rə̂ ndə̂ azü to rə̂, «azə̈ zɨ̈ rə, kə̂ ndjo rə, bëte lâmbo azə̂ âtchû tchü.»

Bïchuû Körɛ̂nte 1:6

Âdə ârâ âsə̈ wun yûkü, ämbö rə̂ pä nyë gbo gbôgbô tə̂ su nyê, ânyë kə̂ tcha lə̂ kuzü. Âdə ârâ âgbo gbôgbô tə̂ su ârâ, âmboadje rə̂ pä nyë gbo gbôgbô tə̂ su nyê, ânyë nyê rʉatə̂ su nyê lə̂ arə yûkü ndə̂ ârâ wun ndjë rə̂ âtə.

Bïchuû Körɛ̂nte 2:12

Ndə̂ më âsə̈ wutu bhâ Tröwâse ndə̂kə̂ mu Tchôtchô Pö ndə̂ Krîsiti, më wûnsə̂ nə̈ nə̂ pä Gbölö Gbïɛ̈ jî köbo sə̈ mê nə̂ ndə̂kə̂ mbo kua.

Fïlîpe 3:18

Bëte angbängbä azü mbö rə ndə̂ ânyîsə̂ nə̈ pä andjë kôsə̂ pö ndə̂ yö ndə̂ gba ndə̂ Krîsiti nə̂. Më tô pö lâme sə̈ nyê nə̂ ëngbâ ngânə̈ ëngbâ ngânə̈, ânyë kə̂ kä to rə̂ la ngûla sə̈ nyê âtə.

Kölôse 4:3

Kə̂ to pö tə̂ gbölösə̂nə̈ sə̈ Ndjapä bëte ârâ, käko kä ndə̂ Ndjapä za köbo sə̈ ârâ ndə̂kə̂ mu pö ndə̂ yê, kə̂ nyisə̂ pö Ndjapä pâ Krîsiti ndə̂ gbô rə̂ wâ lə̂ küwû nə̈. Bëte pö lâme kä ndə̂ më sə̂ lə̂ nda kânga.

Jâke 5:16

Äwäpä nyë tosə̂ angbongbo rə ndə̂ nyê lə̂ gbâtə̂ nyê la angâ nyê, kə̂ to pö sə̈ Ndjapä bëte angâ nyê lə̂ gbâtə̂ nyê, ânyë Ndjapä tcha nyê lə̂ tə̂kömbô ndə̂ nyê. Akrə ndə̂ tche wâ djîrə̂ lə̂ la Ndjapä, ânyë kə̈ tô pö sə̈ tchë, pö nə̈ ndə̂ tche to rə̂ sə̈ Ndjapä nə̈ lâme âwa la gbôgbô ndə̂kə̂ mbo rə tə̂ gbölösə̂nə̈.