Dokʉ̈ Körɛ̂nte 16:22 - Mbëtï Ndjapä: TÄFO MADƗ̈

²² Âdə ngâ akrə ânyiabô nyîndə̂ Gbölö Gbïɛ̈, äwäpä ngbongbo pö wa pâ yê. Maranatä! Gbölö Gbïɛ̈ amö nə!

Dokʉ̈ Körɛ̂nte 16:22 Iomraidhean Croise

Matiyə̈ 10:37

Akrə ndə̂ tche nyîndə̂ bha nə̈ âdəndjë anyï nə̈ ârô mê, tche wâbo ndə̂kə̂ watə̂ djisîpili ndə̂ mê-a. Akrə ndə̂ tche nyîndə̂ modô ndə̂ yê âdəndjë ɛ̈wünrə ndə̂ yê ârô mê, tche wâbo ndə̂kə̂ watə̂ djisîpili ndə̂ mê-a.

Jâan 14:15

«Âdə nyê ânyində̂ mê, kə̂ batadje andïɛ̈ ndə̂ mê.

Jâan 14:21

Akrə ndə̂ tche nyîndə̂ mê, tche də̈ akrə ndə̂ tchê bata andïɛ̈ ndə̂ mê, ânyë kə̂ mbo rə gundə̂sə̂ nə̈. Bha mê nyiadje ndə̂ akrə ndə̂ tche nyîndə̂ mê. Mëmê ndjë gbɛ̂ mê nyiadje ndə̂ yê, kə̂ madje tə̂ mê sə̈ tchë.»

Jâan 14:23

Jezü tô rə̂ sə̈ tchë päkëdə̂: «Âdə ngâ akrə ânyində̂ mê, tchê mboadje rə gundə̂sə̂ pö ndə̂ mê. Bha mê ndjë gbɛ̂ nyiadje ndə̂ yê, mëmê la Bha mê, ârâ eadje ndə̂kə̂ sə bhândə̂ yê.

Jâan 15:24

Âdə mê âmboabô arə alême mbô lə̂ gûtə̂ andjê, ndə̂ ngâ akrə ngbî mbôâbô rə̂ mbô-ê, andjê wabô la ngbongbo rə lə̂ küma andjê tee-a. Angaâtə, andjë wûn arə ndə̂ më mbô rə̂ nə̂, praâbalë gbô andjê kä lakə̂ kosə̂ mê ndjë la Bha mê.

Jâan 16:14

Tchê luadje sə̂ mê, bëte tchê gboadje arə dəndə̂ mê ânyë kə̂ mu rə̂ sə̈ nyê.

Jâan 8:42

Jezü tô rə̂ sə̈ andjê päkëdə̂: «Âdə Ndjapä âwa alême tə̂ Bha nyê, nyê nyiadje ndə̂ mê, bëte më tö lə̂ Ndjapä ânyë kə̈ nə̂. Mëmê, më nə̂âbo la tə̂ mê-a, praâbalë tchetchë kä ndə̂ âwân mê.

Abadjângele 23:14

Andjë ê kə̈ wûn agbölö a-earə̂ kə̂ wa ngela sə̈ Ndjapä la akpôkpô azü, kə̈ tô rə̂ päkëdə̂: «Ârâ dëba lə̂ la Ndjapä pä ârâ zɨ bata kɨ̈zɨ̂ tee-a, âdəndjë ndə̂kə̂ ndjo ngû-a, zoo kə̂ won Pôlo ânyë.

Rômo 9:3

Bhâtə̂ su mê, më nyïndə̂ nə̈ pä Ndjapä dra ndə̂ mê, ânyë tchə̂lə̂ mê la Krîsiti krʉ bëte arə̂mâ ndə̂ mê ndə̂ ârâ wâ la andjê pâ mawo balë.

Dokʉ̈ Körɛ̂nte 12:3

Bëte rə̂ kä ndə̂ më nyîndə̂ kə̂ to rə̂ sə̈ nyê päkëdə̂: Akrə ndə̂ Yingö ndə̂ Ndjapä to pö lə̂ yê, tche tôâbo rə̂ päkëdə̂: «Ngbongbo pö kä pâ Jezü-a!» Ndjë akrə ndə̂ Kpɨ̂ki Yingö wâbô wâ lə̂ yê, tche tôâbo rə̂ päkëdə̂: «Jezü də̈ Gbölö Gbïɛ̈-a.»

Gälâte 5:6

Bëte âdə ngâ akrə âwa balë la Jezü Krîsiti, ânyë a wâ tchë la gasa, âdəndjë rə̂ ndə̂ a wâbô tchë wâ la gasa, tchôtchô rə nə̈ də̂âbo rə̂ lâme-a! Tchôtchô rə nə̈ wä ndə̂kə̂ pa akrə za su yê sə̈ Krîsiti. Kə̂ za su sə̈ Krîsiti nə̈ lâme kä ndə̂ âmbo rə̂ pä azü nyində̂ angâ andjê.

Ëfêze 6:24

Äfü pä tchôtchô su ndə̂ Ndjapä wa pâ azü gbɛ̂ ndə̂ andjë nyîndə̂ Gbölö Gbïɛ̈ ndə̂ azə̂ Jezü Krîsiti lakə̂ nyində̂ yê ndə̂ âwâ pïï etə̂.

Fïlîpe 4:5

Äwäpä azü gbɛ̂ wun dâkâ ndə̂ nyê. Gbölö Gbïɛ̈ ndô tə̂kə̂ ka nə̂.

Aheborö 6:10

Bëte Ndjapä wä djîrə̂: Käko kua ndə̂ nyë mbô rə̂, âdəndjë kə̂ nyində̂ ngâ ndə̂ nyë nyîsə̂ nə̈ tə̂ azü ndə̂ Krîsiti alême, ndjë la andjanə̈ ndə̂ tchô angêta, sə̂nə̈ yûâbo tə̂ yê-a.

Dokʉ̈ Pîêre 1:8

Tchetchë ndə̂ nyë wûn-âbô tchë wûn, praâbalë nyë nyîndə̂ yê, tchetchë ndə̂ nyë wûn-âbô tchë wûn, praâbalë nyë zâ su nyê sə̈ tchë, bëte rə̂ kä ndə̂ su nyê sɨ̂sɨ̈ la gbölö mômô, ndə̂ a wûn-âbo sə̂ pö ndə̂ a to rə̂ pânə̈-a.

Dokʉ̈ Pîêre 2:7

Âdə andə̂ nye nə̈ azü ndə̂ Ndjapä, täme nə̈ lü lə̂ la nyê, praâbalë andə̂ andjanə̈ ndə̂ andjë kôsə̂ Ndjapä, «täme ndə̂ a-earə̂ kə̂ mbo nda gbôtâ, ârə̂ kä âkə̈ mbôtə̂ yê tə̂ gbôgbô täme da nda nə̈.»

Dokʉ̈ Jâan 4:19

Andə̂ azə̈ nə̈, azə̈ nyïndə̂ azü bëte Ndjapä nyïndə̂ azə̂ tə̂ dokʉ̈ nə̈.

Dokʉ̈ Jâan 5:1

Akrə ndə̂ tche nyîndə̂ nə̈ la su yê pä Jezü wätə̂ Krîsiti, akrə lâme də̈ bechë ndə̂ Ndjapä. Akrə ndə̂ tche nyîndə̂ ngâ bha, dëkë tche nyï ndjë ndə̂ abechë ndə̂ yê.

Apökälîbïchi 22:20

Akrə ndə̂ tche tô pö ndə̂ arə lâme, tche tö rə̂ päkëdə̂: «Ɛn-ɛn, më âka angaâtə!» Amin! Nə atâ Gbölö Gbïɛ̈ Jezü!