Dokʉ̈ Körɛ̂nte 16:19 - Mbëtï Ndjapä: TÄFO MADƗ̈

¹⁹ Azü ndə̂ a-Egilîze lə̂ gö ndə̂ Azï pô ndə̂ nyê nə̂. Äkïlâse la Prïsîye pô ndə̂ nyê nə̂ la rə̈ Gbölö Gbïɛ̈, ndjë la azü ndə̂ Egilîze ndə̂ andjë pala tchê tə̂ andjê bhâ tchâalê ndə̂ arə̂mâ bïchuû lâme.

Dokʉ̈ Körɛ̂nte 16:19 Iomraidhean Croise

Abadjângele 16:6

Pôlo la Sïlâse rô kütû rö lə̂ gö ndə̂ Firijï la Gälâte bëte Kpɨ̂ki Yingö kïtə̂ köbo tə̂ andjê ndə̂kə̂ mu pö Ndjapä pâ cho ndə̂ Azï.

Abadjângele 18:18

Pôlo kâ sə̂ po lə̂ gö ndə̂ Körɛ̂nte ndə̂nə̈ gû. La tchêngbâ nə̈ tche gbôtə̂ arə̂mâ ndə̂ Krîsiti kə̈ â lə̂ batöo ndə̂kə̂ e atə̂ Sirï, tchetchë la Äkïlâse la Prïsîye. Dokʉ̈tchê ndə̂kə̂ pa tche ro, tche tchô su küma yê lə̂ gö ndə̂ Sankerë bëte tche dëba alême lə̂ la Ndjapä.

Abadjângele 18:2

Tche gbô ngâ juîfu bhâye ndə̂ rə̈ ê wû pä Äkïlâse, a zɨ̈ tchë bhâlə̂ gö ndə̂ Pôn-on. Tchetchë la ɛ̈chë ndə̂ yê Prïsîye, andjë tö bhâ Italï ânyë kə̈ wûtu anganga-ë. Bëte gbïɛ̈ Kölôde zâma ndə̂kə̂ pa ajuîfu gbɛ̂ wutu lə̂ gö ndə̂ Rômo. Pôlo ê kə̈ wûn Äkïlâse la ɛ̈chë ndə̂ yê.

Abadjângele 18:26

Tche ê bhâlə̂ nda kə̂ voga Ndjapä ndə̂ ajuîfu kə̈ sə̂ lakə̂ mu pö la gbôgbô. Ndə̂ Äkïlâse la Prïsîye djê tchë, andjë zâ tchë kə̈ kâ la tchë bhândə̂ andjê, ânyë kə̈ kâ sə̂ lakə̂ nyisə̂ apö pâ köbo Ndjapä sə̈ tchë la köbo nə̈.

Abadjângele 19:10

Rə nə̈ lâme mbô ngû bïchuû, âmbô rə̂ pä azü pâ cho ndə̂ Azï gbɛ̂, ajuîfu la agerêke gbô köbo ndə̂kə̂ dje pö ndə̂ Gbölö Gbïɛ̈.

Abadjângele 2:9

Lə̂ gbâtə̂ azə̂, angânə̈ tö lə̂ agö ndə̂ Pärëtêse la Medï la Ëlâme ânyë kə̈ nə̂. Angânə̈ də̈ azü gö ndə̂ Mezopotamï la Judë la Käpädôse la Pôn-on la Azï

Rômo 16:15

Nyë pö ndə̂ Fïlölôge la Julï la Nerë la nyînə̂ nə̈ sə̈ mê. Nyë pö ndjë ndə̂ Ölɛ̈npâse la azü ndə̂ Ndjapä gbɛ̂ ndə̂ andjë sə̂ la andjê.

Kölôse 4:15

Nyë pö ndə̂ arə̂mâ ndə̂ ârâ gbɛ̂ bhâ Laodisë sə̈ ârâ. Nyë pö ndjë ndə̂ Nɛnfä la azü ndə̂ Egilîze ndə̂ andjë palatə̂ andjê bhâ tchâalê ndə̂ yê.

Bïchuû Timotë 4:19

Amö po ndə̂ Prïsîye la Äkïlâse sə̈ mê, ndjë la azü lə̂ bûngrɨ̂ ndə̂ Önësïfôre.

Filemön 1:2

Mbëtï âtə wä ndjë bëte azü ndə̂ Krîsiti gbɛ̂ ndə̂ andjë pâlatə̂ andjê bhâ tchâalê ndə̂ zə̈. Äwä ndjë bëte nyînə̂ azə̂ Apiä, la Ärchîpe ndə̂ tche wâtə̂ agü azə̂ lə̂ kʉ̈ʉ̈.

Dokʉ̈ Pîêre 1:1

Mëmê Pîêre, badjângele ndə̂ Jezü Krîsiti, më mbö mbëtï âtə sə̈ nyê, nyënyê ndə̂ Ndjapä dɨ̂ nyê, ndə̂ nyë krʉ̂ tchə̂lə̂ tə̂ nyê katchôgbɛ̂, ânyë kə̈ sə̂ batə̂ ayirə lə̂ agö batə̂: Gö ndə̂ Pôn-on, la Gälâte, la Käpädôse, la Azï, ndjë la Bitinï.

Apökälîbïchi 1:11

Tchə̂lə̂ gɨ̈ ôn nə̈ tö rə̂ päkëdə̂: «Rə ndə̂ mo wun rə̂ âtə, amö mbo rə̂ lə̂ mbëtï, kə̈ wân rə̂ sə̈ a-Egilîze mïndûu manə̈ bïchuû batə̂: Egilîze ndə̂ Ëfêze la Sïmîrine la andə̂ Pêregâme la andə̂ Tïyätîre la andə̂ Sârede la andə̂ Filadelefï la andə̂ Laodisë.»