Dokʉ̈ Körɛ̂nte 16:16 - Mbëtï Ndjapä: TÄFO MADƗ̈

¹⁶ Nyë djë ma azü käko, kə̂ dje ndjë ma azü ndə̂ andjë mbo kua la andjê balë lakə̂ wun yûkü lâme.

Dokʉ̈ Körɛ̂nte 16:16 Iomraidhean Croise

Rômo 16:12

Nyë pö ndə̂ Tïrïfêne la Tïrïfôso sə̈ mê, ndə̂ andjë zâ su andjê gbɛ̂ ndə̂kə̂ mbo kua bëte Gbölö Gbïɛ̈. Nyë pö ndə̂ Peresidï sə̈ mê, ndə̂ më nyîndə̂ yê tə̂ gbölösə̂nə̈. Tche zä su yê gbɛ̂ ndə̂kə̂ mbo kua bëte Gbölö Gbïɛ̈.

Rômo 16:3

Nyë pö ndə̂ Prïsîye la Äkïlâse sə̈ mê, angâ mê ndə̂ ârâ mbô kua ndə̂ Jezü Krîsiti la andjê.

Rômo 16:6

Nyë pö ndə̂ Malê sə̈ mê, ndə̂ tche mbô kua tə̂ gbölösə̂nə̈ bëte nyê.

Rômo 16:9

Nyë pö ndə̂ Urubɛ̈n sə̈ mê, ngâ azə̂ ndə̂ azə̈ la tchë mbô kua ndə̂ Krîsiti, la Sätäkîse ngâ mê ndə̂ më nyîndə̂ yê tə̂ gbölösə̂nə̈.

Dokʉ̈ Körɛ̂nte 12:28

Ädə̈ käko ânyë azü ndə̂ Ndjapä kʉ̂ andjê lə̂ Egilîze tə̂ dokʉ̈ nə̈ də̈ abadjângele. Abïchuû nə̈ də̈ a-earə̂ ndə̂ma Ndjapä. Avötaâ azü nə̈ də̈ a-earə̂ kə̂ nyisə̂ rə, pânə̈ azü ndə̂ tche zâ gbôgbô sə̈ andjê ndə̂kə̂ mbo akpɨ̈ngbɨ̈ rə, pânə̈ azü ndə̂ tche zâ gbôgbô sə̈ andjê ndə̂kə̂ tcha a-earə̂ tə̂kömbô, azü ndə̂ tche zâ gbôgbô sə̈ andjê ndə̂kə̂ za könô sə̈ angâ andjê, azü ndə̂ tche zâ gbôgbô sə̈ andjê ndə̂kə̂ sə tə̂ küma angâ andjê, azü ndə̂ tche zâ gbôgbô sə̈ andjê ndə̂kə̂ to pö la ama gö ngbî ngbî ndə̂ andjë wûn-âbô sə̂nə̈ wûn-î.

Dokʉ̈ Körɛ̂nte 3:9

Bëte ârâ mbö kua balë la Ndjapä, ânyë nyë də̂ andə̂ nye nə̈ kɨ̈ndɨ̈ ndə̂ Ndjapä. Nyë wä ndjë tə̂ nda ndə̂ Ndjapä.

Ëfêze 5:21

Nyënyê ndə̂ nyê kpe wa Krîsiti, äwäpä nyë dje ma angâ nyê lə̂ gbâtə̂ nyê.

Fïlîpe 4:3

Momö ndjë gbɛ̂, mo də̈ ngâ mê djîrə̂ earə̂ kua, më yükû nə̈ sə̈ mö ndə̂kə̂ pa mo za könô sə̈ andjê, bëte andjë zä könô sə̈ mê lə̂ kua ndə̂kə̂ mu Tchôtchô Pö sə̈ azü, andjendjê la Kelemän la adɨ̂ angâ mê a-earə̂ kua ndə̂ a mbô rə̈ andjê bhâlə̂ mbëtï ndə̂ tchîsûwu ndə̂ logbɛ̂ logbɛ̂.

Dokʉ̈ Tësälönîke 1:3

Lə̂ la Ndjapä, kua ndə̂ nyê mbo rə̂ lə̂kə̂ za su nyê ndə̂ nyë zâ rə̂ sə̈ Ndjapä lâme, sə̂nə̈ yûâbo tə̂ ârâ-a. Kə̂ nyində̂ angâ nyê ndə̂ âmbo rə̂ pä nyë mbo kua tə̂ gbölösə̂nə̈ lâme, sə̂nə̈ yûâbo tə̂ ârâ-a. Rə ndə̂ nyë krʉ̂ bëte rə̂ la su nyê ndə̂ gbô rə̂ ndə̂po pâ Gbölö Gbïɛ̈ ndə̂ azə̂ Jezü Krîsiti lâme, sə̂nə̈ yûâbo tə̂ ârâ-a.

Dokʉ̈ Tësälönîke 2:9

Arə̂mä, äwäpä su nyê te pâ yûkü ndə̂ ârâ wûn rə̂ alême lakə̂ mbo kua, ânyë gbâdâ kâ tə̂ ârâ. Ârâ mbö kua dalobiî ânyë kə̈ wâbô wâtə̂ kʉ̂ngbô pâ ngâ akrə balë-ê. Käko kä ndə̂ ârâ mû Tchôtchô Pö ndə̂ Ndjapä.

Dokʉ̈ Tësälönîke 5:12

Arə̂mä, ârâ yükû nə̈ sə̈ nyê ndə̂kə̂ pa nyë lusə̂ andjanə̈ ndə̂ andjë mbo kua lə̂ gbâtə̂ nyê, ndə̂ andjë nyisə̂ köbo sə̈ nyê la rə̈ Gbölö Gbïɛ̈, lakə̂ gbɨtɨ tü nyê.

Dokʉ̈ Timotë 5:17

Akpôkpô azü ndə̂ andjë nyisə̂ köbo sə̈ azü lə̂ Egilîze la köbo nə̈, äwäpä a lusə̂ andjê, sûsunə̈ bïchuû, tə̂ gbogbôsə̂nə̈, andjanə̈ ndə̂ andjë wun yûkü la kua ndə̂kə̂ mu pö lakə̂ nyisə̂ rə.

Aheborö 13:17

Nyë djë ma azü tə̂ küma nyê lə̂ Egilîze, nyë mbö rə ndə̂ andjë yukû nə̈ sə̈ nyê, bëte andjë kä ndə̂ âwun tchô pâ nyê, andjê toadje pö pâ nyê sə̈ Ndjapä. Âdə nyê âsə lakə̂ dje ma azü tə̂ küma nyê lə̂ Egilîze, azü nə̈ səadje lakə̂ mbo kua ndə̂ Ndjapä la mômô, praâbalë âdə̂âbo lakə̂ dɨ tchə̂lə̂ ma-a, praâbalë âdə andjê âdɨ tchə̂lə̂ ma andjê, nyê gboabô ngâ rə ngbânə̈ tee-a.

Aheborö 13:24

Nyë pö ndə̂ azü tə̂ küma Egilîze ndə̂ nyê gbɛ̂ ndjë la azü ndə̂ Ndjapä gbɛ̂. Arə̂mâ ndə̂ azə̂ ndə̂ Krîsiti ndə̂ andjë sə̂ lə̂ gö ndə̂ Italï pô ndə̂ nyê nə̂.

Aheborö 6:10

Bëte Ndjapä wä djîrə̂: Käko kua ndə̂ nyë mbô rə̂, âdəndjë kə̂ nyində̂ ngâ ndə̂ nyë nyîsə̂ nə̈ tə̂ azü ndə̂ Krîsiti alême, ndjë la andjanə̈ ndə̂ tchô angêta, sə̂nə̈ yûâbo tə̂ yê-a.

Dokʉ̈ Pîêre 5:5

Nyënyê ndjë gbɛ̂, abechë-ɛ̈köchë la abechë-ɛ̈chë, nyë djë ndjë ma akpôkpô azü ndə̂ Egilîze. Nyënyê gbɛ̂, äwäpä nyë mbotə̂ nyê kpîɛ̂kpîɛ̂ rə̂ lə̂kə̂ sə ndə̂ nyê lə̂ gbâtə̂ nyê, bëte Mbëtï Ndjapä tö rə̂ päkëdə̂: «Ndjapä kösə̂ azü ndə̂ andjë nyisə̂ tə̂ andjê, praâbalë tche mbö tchôtchô su tə̂ azü ndə̂ andjë mbotə̂ andjê kpîɛ̂kpîɛ̂ rə̂.»

Vötaâ Jâan 1:8

Äwäpä azəzə̂ ndə̂ azü ndə̂ Ndjapä, azə̈ mbo rə̂ la azü käko lâme, ânyë azə̈ la andjê gbɛ̂, azə̈ watə̂ a-earə̂ kua ndə̂kə̂ nyisə̂ lëge pö sə̈ azü.

Apökälîbïchi 2:3

Mo wünsə̂ kə̂ rʉatə̂ su zə̈, mo wün yûkü bëte rə̈ mê, kə̈ zôgoabô-a.