Dokʉ̈ Körɛ̂nte 16:15 - Mbëtï Ndjapä: TÄFO MADƗ̈

¹⁵ Nyë wûnsə̂ nə̈ nə̂ pä Sëtëfänâse la azü lə̂ bûngrɨ̂ ndə̂ yê də̈ adokʉ̈ azü ndə̂ Akayï ndə̂ andjë zâ su andjê sə̈ Krîsiti, ânyë kə̈ zâtə̂ andjê gbɛ̂ ndə̂kə̂ mbo dâkâ tə̂ azü ndə̂ Ndjapä. Arə̂mä, më yükû nə̈ sə̈ nyê:

Dokʉ̈ Körɛ̂nte 16:15 Iomraidhean Croise

Abadjângele 18:12

Lo nə̈ ndə̂ Galiyön wâtə̂ gbïɛ̈ lə̂ gö ndə̂ Akayï, su ajuîfu gbɛ̂ âlafô tə̂ Pôlo, andjë ê la tchë atə̂lə̂ ngbanga.

Rômo 12:13

Nyë mbö rə̂ la azü ndə̂ Ndjapä ndə̂ andjë wâbô wâ la rə-ê. Äwäpä gbô nyê ndəpo lakə̂ mbo rə̂ la azü ndə̂ andjë nə pu nyê.

Rômo 15:25

Praâbalë angaâtə më âe atə̂ Jerûzalêmo ndə̂kə̂ mbo rə̂ la azü ndə̂ Ndjapä bhâye.

Rômo 15:31

Nyë tö pö sə̈ Ndjapä ndə̂kə̂ pa ajuîfu ndə̂ andjë sə̂ bhâ Judë, ndə̂ andjë kôsə̂ Ndjapä, andjë mboabô ngbongbo rə mbô tə̂ mê. Käko ânyë rə ndə̂ mê ro la rə̂ atə̂ Jerûzalêmo, azü ndə̂ Ndjapä ndə̂ andjë sə̂ bhâye gbo rə̂ la mômô.

Rômo 16:2

Äwäpä nyë za tchë la rə̈ Gbölö Gbïɛ̈, batə̂ rə̂ ndə̂ azü ndə̂ Ndjapä mbo tchê rə̂ logbɛ̂. Âdə tche âyu nyê tə̂ ngâ rə ndə̂ tche wabô wâ la rə̂-ê, äwäpä nyë za könô sə̈ tchë, bëte tche zä könô sə̈ azü tə̂ gbölösə̂nə̈. Mëmê ndjë gbɛ̂, tche zâ könô sə̈ mê nə̂.

Rômo 16:5

Nyë pö ndə̂ azü ndə̂ Egilîze ndə̂ andjë pâlatə̂ andjê lə̂ nda ndə̂ Prïsîye la Äkïlâse sə̈ mê. Nyë pö ndə̂ Ëpäyïnête ndə̂ më nyîndə̂ yê tə̂ gbölösə̂nə̈ sə̈ mê. Tche wätə̂ dokʉ̈ akrə gö ndə̂ Azï ndə̂ tche zâ su yê sə̈ Krîsiti.

Dokʉ̈ Körɛ̂nte 1:16

Yêê! Tə̂ lëge nə̈! Më zä batɛ̂me alême sə̈ azü lə̂ bûngrɨ̂ ndə̂ Sëtëfänâse. Pâ anə̈ lâme, më wûn-âbo sə̂nə̈ pä më kä zâ batɛ̂me sə̈ ngâ akrə nə̂-a.

Dokʉ̈ Körɛ̂nte 16:1

Âdə andə̂ pö ndə̂ kə̂ pala makətche bëte azü ndə̂ Ndjapä, äwäpä nyënyê ndjë gbɛ̂, nyë mbö rə̂ batə̂ rə̂ ndə̂ më nyîsə̂ köbo nə̈ sə̈ a-Egilîze ndə̂ Gälâte.

Dokʉ̈ Körɛ̂nte 16:17

Më wä la mômô bëte kə̂ nə ndə̂ Sëtëfänâse, Förötünätûse la Äkäyïkûse; andjë mbö rə̂ la mê lə̂ kpâlâ nyê,

Bïchuû Körɛ̂nte 8:4

Andjë yükû nə̈ sə̈ ârâ la nyonyo ndə̂kə̂ pa ârâ gbotə̂ köbo sə̈ anyê, anyë kʉ ndjë makətche bëte azü ndə̂ Ndjapä ndə̂ andjë sə̂ bhâ Judë.

Bïchuû Körɛ̂nte 9:1

Âdə pö ndə̂kə̂ kʉ rə sə̈ azü ndə̂ Ndjapä, âdə̂âbo ngâ rə ndə̂kə̂ pa më wan mbëtï sə̈ nyê pânə̈-a.

Dokʉ̈ Timotë 5:10

Äwäpä azü wunsə̂ yê la atchôtchô kua ndə̂ tche mbô rə̂: Tche də̈ akrə ndə̂ tchê bata abechë, kə̂ wunsə̂ kə̂ kʉ ayirə bhândə̂ yê, kə̂ djutu da azü ndə̂ Ndjapä, kə̂ za könô sə̈ azü ndə̂ andjë sə̂ lə̂ nyonyo. Tche də̈ akrə ndə̂ tche mbo tchôtchô rə balë balë gbɛ̂.

Filemön 1:7

Ngâ mê lə̂ Krîsiti, më kä la gbölö mômô, kə̈ gbô gbôgbô tə̂ su mê, tə̂ pö ndə̂ azü ndə̂ mo nyîndə̂ andjê, la rə̂ ndə̂ mo zâ gbôgbô tə̂ su azü ndə̂ Krîsiti lâme.

Aheborö 6:10

Bëte Ndjapä wä djîrə̂: Käko kua ndə̂ nyë mbô rə̂, âdəndjë kə̂ nyində̂ ngâ ndə̂ nyë nyîsə̂ nə̈ tə̂ azü ndə̂ Krîsiti alême, ndjë la andjanə̈ ndə̂ tchô angêta, sə̂nə̈ yûâbo tə̂ yê-a.

Dokʉ̈ Pîêre 4:10

Äwäpä akrə balë balë mbo kua la rə ndə̂ Yingö ndə̂ tche gbô rə̂ lə̂ köbosə̂ tchôtchô su ndə̂ Ndjapä bëte dâkâ ndə̂ angâ yê. Nyê wadje tə̂ atchôtchô a-earə̂ kə̂ bata arə ngbî ngbî ndə̂ Yingö, ndə̂ Ndjapä kʉ rə̂ sə̈ azü lə̂ köbosə̂ tchôtchô su yê.

Apökälîbïchi 14:4

Andjë də̈ azü ndə̂ andjë ndɨ̂âbô tə̂ andjê ndɨ̂ lə̂ köbosə̂ kə̂ pu aɛ̈chë-ê, andjë bäta tə̂ andjê ngbî. Andjë zä tchêngbâ Ngbavö Ɛ̈bro-ngbaga kusə̂ tchô gbɛ̂ ndə̂ tche e tâ. A tchä andjê lə̂ gbâtə̂ azü ndə̂kə̂ pa a kʉ andjê dokʉ̈tchê sə̈ Ndjapä ndjë sə̈ Ngbavö Ɛ̈bro-ngbaga.