Dokʉ̈ Körɛ̂nte 16:14 - Mbëtï Ndjapä: TÄFO MADƗ̈

¹⁴ Rə gbɛ̂ ndə̂ nyê mbo rə̂, nyë mbö rə̂ lakə̂ nyïndə̂ angâ nyê.

Dokʉ̈ Körɛ̂nte 16:14 Iomraidhean Croise

Jâan 15:17

Käko rə ndə̂ më zâma sə̈ nyê tâ wä ndə̂kə̂ nyində̂ angâ nyê lə̂ gbâtə̂ nyê.»

Rômo 14:15

Âdə ngâ kɨ̈zɨ̂ ndə̂ mo zɨ̂ rə̂ lə̂ la ngâ zə̈ ânyë âzâ nyonyo tə̂ su yê, änyïsə̂ nə̈ pä mo mbôâbo rə lə̂ köbosə̂ kə̂ nyində̂ ngâ-a. Akrə ndə̂ Krîsiti tchû bëte tchë, âwâbo pä mo ndɨ köbo yê bëte pö ndə̂ kɨ̈zɨ̂-a.

Dokʉ̈ Körɛ̂nte 12:31

Nyë pü köbo ndə̂kə̂ gbo gbôgbô ndə̂ Yingö za rə̂ sə̈ akrə ndə̂ âdâka kə̈ rô adɨ̂ nə̈ gbɛ̂. Praâbalë angaâtə, më ânyisə̂ ngâ köbo sə̈ nyê ndə̂ âdâka kə̈ rô adɨ̂ nə̈ gbɛ̂.

Dokʉ̈ Körɛ̂nte 14:1

Nyë pü köbo dokʉ̈tchê ndə̂kə̂ nyində̂ angâ nyê. Nyë wä ndjë la gʉ ndə̂kə̂ gbo arə ndə̂ Kpɨ̂ki Yingö, praâbalë nyë pü köbo tə̂ gbölösə̂nə̈ ndə̂kə̂ to ndə̂ma Ndjapä.

Dokʉ̈ Körɛ̂nte 16:15

Nyë wûnsə̂ nə̈ nə̂ pä Sëtëfänâse la azü lə̂ bûngrɨ̂ ndə̂ yê də̈ adokʉ̈ azü ndə̂ Akayï ndə̂ andjë zâ su andjê sə̈ Krîsiti, ânyë kə̈ zâtə̂ andjê gbɛ̂ ndə̂kə̂ mbo dâkâ tə̂ azü ndə̂ Ndjapä. Arə̂mä, më yükû nə̈ sə̈ nyê:

Dokʉ̈ Körɛ̂nte 8:1

Âdə andə̂ gûsû ndə̂ a wâ rə̂ la ngela sə̈ angakʉ̈lä: Tə̂ lëge nə̈, «azə̂ gbɛ̂ də̈ a-earə̂ kə̂ wunsə̂ rə», batə̂ rə̂ ndə̂ nyê to tchê rə̂. Kə̂ wunsə̂ rə lâme mbö rə̂ pä azü bhi gogo andjê, praâbalë kə̂ nyində̂ ngâ mbö rə̂ ânyë akrə ndə̂ Krîsiti ge lə̂ Yingö.

Gälâte 5:22

Praâbalë arə ndə̂ Kpɨ̂ki Yingö mbo rə̂ wä kâkë: Kə̂ nyində̂ ngâ, mômô, zɨtɨ su, kə̂ rʉatə̂ su, kə̂ mbo tchôtchô rə, kə̂ mbo dâkâ tə̂ azü, kə̂ za su sə̈ Ndjapä,

Dokʉ̈ Tësälönîke 3:12

Äwäpä Gbölö Gbïɛ̈ mbo rə̂ pä köbo ndə̂ nyê nyində̂ angâ nyê lə̂ gbâtə̂ nyê, la köbo ndə̂ nyê nyində̂ azü gbɛ̂ ârô masə̂nə̈ lâme sə lakə̂ êë atə̂ tchâtchu nə̈, batə̂ rə̂ ndə̂ ârâ nyîndə̂ nyê! Amin!

Dokʉ̈ Tësälönîke 3:6

Angaâtə, Timotë tô bhândə̂ nyê kə̈ kâ nə̂. Tche kä la tchôtchô pö pâ su nyê ndə̂ nyë zâ rə̂ sə̈ Ndjapä, la köbo ndə̂ nyê nyində̂ angâ nyê. Tche tö ndjë rə̂ pä gbô nyê kä lakə̂ to tchôtchô pö ndə̂ ârâ, kə̈ wâ la gʉ ndə̂kə̂ kä wun ârâ, batə̂ rə̂ ndə̂ ârâ wâ ndjë la gʉ ndə̂kə̂ kä wun nyê.

Bïchuû Tësälönîke 1:3

Arə̂mä, äwäpä ârâ za ayîabâ sə̈ Ndjapä logbɛ̂ tə̂ pö ndə̂ nyê. Äwä lə̂ köbo nə̈ ndə̂kə̂ mbo rə̂ käko, bëte su nyê ndə̂ nyë zâ rə̂ sə̈ Krîsiti sə̈ lakə̂ êë atə̂ lafô tə̂ gbölösə̂nə̈, ânyë kə̂ nyində̂ tə̂ nyê la angâ nyê sə̂ lakə̂ gêgë.

Dokʉ̈ Timotë 1:5

Dju kə̂ zama ndə̂ më zâ rə̂ sə̈ mö lâme wä ndə̂kə̂ pa andjë nyində̂ angâ andjê lə̂ köbosə̂ grôgrô su, la tchôtchô kə̂ rɨ tchə̂lə̂ su, la lëge kə̂ za su sə̈ Ndjapä.

Aheborö 13:4

Äwäpä azü gbɛ̂ lusə̂ kə̂ totə̂ ndə̂ köchë la ɛ̈chë. Äwäpä aköchë la aɛ̈chë bata tə̂ andjê lə̂ gbâtə̂ andjê. Bëte Ndjapä âwadje ngbanga pâ azü ndə̂ andjë pu aɛ̈chë âdəndjë aköchë katchôgbɛ̂, la andjanə̈ ndə̂ andjë pu aköchë âdəndjë aɛ̈chë ndə̂ azü.

Dokʉ̈ Pîêre 4:8

Dokʉ̈ nə̈ wä ndə̂kə̂ pa nyë nyində̂ angâ nyê lə̂ gbâtə̂ nyê la su nyê gbɛ̂, bëte kə̂ nyində̂ ngâ vüsə̂ angbängbä angbongbo rə.

Bïchuû Pîêre 1:7

Nyë zä kə̂ mbo la sə̂ angâ nyê ëpâ kə̂ zatə̂ nyê gbɛ̂ sə̈ Ndjapä, nyë zä kə̂ nyïndə̂ ngâ ëpâ kə̂ mbo la sə̂ angâ nyê.