Dokʉ̈ Körɛ̂nte 16:13 - Mbëtï Ndjapä: TÄFO MADƗ̈

¹³ Nyë löäbô lô-ê, nyë rʉ̈ätə̂ su nyê ndə̂ nyë zâ rə̂ sə̈ Krîsiti, nyë mbö rə batə̂ aköchë, kə̂ kpokpo tə̂ nyê.

Dokʉ̈ Körɛ̂nte 16:13 Iomraidhean Croise

Matiyə̈ 25:13

La nyê gbö-ê, nyë löäbô lô-ê, bëte nyë wûn-âbo sə̂ lö nə̈ âdəndjë dalo nə̈-a.»

Matiyə̈ 26:41

Nyë löäbô lô-ê! Nyë tö pö sə̈ Ndjapä ndə̂kə̂ pa nyë teabô tê lə̂ rə ndə̂ âvu azü-î. Yingö kä la gbôgbô ndə̂kə̂ mbo rə̂, praâbalë tə̂ akrə wâbo la gbôgbô-a.»

Lûke 21:36

Nyë löäbô lô-ê, nyë tö pö sə̈ Ndjapä logbɛ̂, ndə̂kə̂ pa nyë wa la gbôgbô ânyë kə̂ wutu lə̂ rə ndə̂ âmbo lâme, ânyë kə̂ krʉ tchâtchu Modô ndə̂ Akrə.»

Dokʉ̈ Körɛ̂nte 14:20

Arə̂mä, äwäpä kə̂ za küma nyê wabô wâ batə̂ andə̂ abechë-ê, âdə andə̂ kə̂ mbo ngbongbo rə âdə rə̂, ɛn-ɛn! Äwäpä nyë wa batə̂ ayɛ̈yɛ̈ abechë. Praâbalë âdə ârə̂ âwa ndə̂kə̂ za küma, äwäpä nyë za küma nyê batə̂ adjêdjena azü.

Dokʉ̈ Körɛ̂nte 15:58

Käko arə̂mâ ndə̂ mê ndə̂ më nyîndə̂ nyê tə̂ gbölösə̂nə̈, nyë kpökpo tə̂ nyê logbɛ̂, kə̂ sə kpô tə̂kə̂ mbo kua ndə̂ Gbölö Gbïɛ̈ la su nyê gbɛ̂. Äwäpä nyë wunsə̂ nə̈ pä kua ndə̂ nyê mbo rə̂ bëte Gbölö Gbïɛ̈ lâme, tchêngbâ nə̈ wâbo ämbänə̈-a.

Bïchuû Körɛ̂nte 1:24

Ârâ wâbo ndə̂kə̂ za nyê la gbôgbô pâ su nyê ndə̂ nyë zâ rə̂ sə̈ Ndjapä lâme-a, bëte nyë kpôkpo tə̂ nyê lə̂kə̂ za su nyê sə̈ Ndjapä nə̂, praâbalë ârâ nyïndə̂ kə̂ mbo kua balë la nyê ndə̂kə̂ pa nyë wa la mômô.

Gälâte 5:1

Krîsiti jï azə̂ tchâtchâ ngbâa ndə̂kə̂ pa azə̈ sə ämbänə̈. Käko nyë kpökpo tə̂ nyê! Nyë kä nyî bata nyîndə̂ nə̈ pä a ka la nyê tchâtchâ ngbâa-ê.

Ëfêze 3:16

Më yü tchë ndə̂kə̂ pa, lə̂ köbosə̂ tchôtchô rə ndə̂ yê ndə̂ ârô masə̂nə̈, tche za gbôgbô sə̈ akrə dələ̂ nyê ndə̂kə̂ pa tche kpokpo tə̂ yê lə̂ köbosə̂ Kpɨ̂ki Yingö.

Ëfêze 6:10

Ndə̂kə̂ ka pö lâme, nyë kpökpo tə̂ nyê lə̂ Gbölö Gbïɛ̈, lə̂ gbölö gbôgbô ndə̂ yê.

Fïlîpe 1:27

Praâbalë äwäpä kə̂ sə ndə̂ nyê wa gundə̂sə̂ Tchôtchô Pö ndə̂ Krîsiti. Käko âdə mê âe ndə̂kə̂ wun nyê âdəndjë rə̂ ndə̂ më êâbô ê, äwäpä më dje rə̂ pä gbô nyê kä kpôtâ lakə̂ wa balë. Pö tə̂ su nyê wa balë, lakə̂ palatə̂ nyê ndə̂kə̂ mbo kʉ̈ʉ̈ bëte Tchôtchô Pö.

Fïlîpe 4:1

Arə̂mâ ndə̂ mê ndə̂ më nyîndə̂ nyê tə̂ gbölösə̂nə̈, më wä la gʉ ndə̂kə̂ ka wun nyê! Më wä la mômô lə̂ köbosə̂ nyê ânyë tə̂ mê krâ tə̂ gbölösə̂nə̈! Käko arə̂mâ ndə̂ mê ndə̂ më nyîndə̂ nyê tə̂ gbölösə̂nə̈, äwäpä nyë kpokpo tə̂ nyê lə̂ köbosə̂ nə̈ ndə̂ nyë wâ balë la Gbölö Gbïɛ̈.

Fïlîpe 4:13

Më wä ndə̂kə̂ mbo arə lâme gbɛ̂ bëte Krîsiti kä ndə̂ âzâ gbôgbô sə̈ mê.

Kölôse 1:23

Praâbalë äwäpä su nyë ndə̂ nyë zâ rə̂ sə̈ Ndjapä ndəpo la gbôgbô ânyë kə̂ kpokpo tə̂ yê. Nyë ëäbô ê ngrɨ̈ tə̂ rə ndə̂ su nyê wâ pânə̈ ndə̂ nyë krʉ̂ bëte rə̂ lâme sə̂nə̈ ndə̂ nyë djê Tchôtchô Pö lâme, ndə̂ a mû rə̂ sə̈ azü pâ cho gbɛ̂, ndə̂ mëmê Pôlo, më mbôtə̂ mê tə̂ earə̂ kua ndə̂kə̂ mu Tchôtchô Pö nə̈.

Kölôse 4:12

Ëpäfrâse, ngâ akrə ndə̂ nyê, pô ndə̂ nyê nə̂, tche də̈ earə̂ kua ndə̂ Jezü Krîsiti, gbô tche kä lakə̂ mbo kʉ̈ʉ̈ tə̂ pö ndə̂ nyê. Tche kä lakə̂ yukû nə̈ sə̈ Ndjapä ndə̂kə̂ pa nyë krʉ ndjii-ï, kə̂ kpökpo tə̂ nyê, kə̂ daka gbɛ̂ lə̂ köbosə̂ Yingö ânyë kə̂ sə tchêtchêtchê logbɛ̂, ndə̂kə̂ mbo rə ndə̂ su Ndjapä nyîndə̂ nə̈.

Kölôse 4:2

Nyë tö pö sə̈ Ndjapä logbɛ̂. La nyê gbö lə̂ köbosə̂ kə̂ to pö sə̈ Ndjapä lakə̂ za ayîabâ sə̈ tchë.

Dokʉ̈ Tësälönîke 3:8

Angaâtə, tə̂ ârâ krâ nə̂ ngrôô bëte gbô nyê kä lə̂ köbo Gbölö Gbïɛ̈.

Dokʉ̈ Tësälönîke 5:6

Käko âwâbo pä azə̈ lo batə̂ adɨ̂ azü-a, praâbalë la azə̂ gbö-ê, azə̈ zɨ̈äbô rə zɨ̂ âro masə̂nə̈-ê.

Bïchuû Tësälönîke 2:15

Käko arə̂mä, nyë kpökpo tə̂ nyê, kə̂ bata pö ndə̂ ârâ mû rə̂ sə̈ nyê alême, lə̂ ma ârâ âdəndjë lə̂ mbëtï ndə̂ ârâ wân rə̂ sə̈ nyê.

Dokʉ̈ Timotë 6:12

Amö mbo tchôtchô kʉ̈ʉ̈ lə̂ köbosə̂ kə̂ za su sə̈ Krîsiti. Amö za tchîsûwu ndə̂ logbɛ̂ logbɛ̂ ndə̂ a ê mö ndə̂kə̂ gbo rə̂ lâme, ndə̂ mo gâmba pö ndə̂kə̂ za su zə̈ sə̈ Krîsiti kraâ alême lə̂ la angbängbä azü ndə̂ andjë sə̂ sə̂nə̈.

Bïchuû Timotë 2:1

Andə̂ zə nə̈, bechë ndə̂ mê, amö kpokpo tə̂ zə̈ lə̂ köbosə̂ tchôtchô su ndə̂ âwâ lə̂ Jezü Krîsiti.

Bïchuû Timotë 4:5

Praâbalë andə̂ zə nə̈, äwäpä lə̂ arə gbɛ̂ mo mbo rə âroabô masə̂nə̈ rô-ê, amö rʉatə̂ su zə̈ lə̂ arə yûkü, kə̂ mbo kua ndə̂kə̂ mu Tchôtchô Pö, kə̂ mbo kua ndə̂ zə̈ ndə̂ Ndjapä zâ rə̂ sə̈ mö.

Bïchuû Timotë 4:7

Më mbô tchôtchô kʉ̈ʉ̈ nə̂, kə̈ kpê la rö nə̈ âkâ nə̂, më bâta su mê ndə̂ më zâ rə̂ sə̈ Krîsiti lâme nə̂.

Dokʉ̈ Pîêre 4:7

Ma arə gbɛ̂ ndô tə̂kə̂ krʉ nə̂. Käko äwäpä nyë mbo rə batə̂ azü ndə̂ küma andjê wâ lanə̈, nyë zɨ̈äbô rə zɨ̂ lakə̂ ndjo rə âro masə̂nə̈-ê, ânyë kə̂ gbo köbo ndə̂kə̂ to pö sə̈ Ndjapä.

Dokʉ̈ Pîêre 5:8

Nyë kïtə̂ gʉ tə̂ nyê, kə̂ loabô lô-ê! Jâbolo, earə̂ kə̂ kosə̂ nyê wä batə̂ bämalä ndə̂ tche ngrɨ lakə̂ dombo ndə̂kə̂ pu ngâ akrə ndə̂kə̂ zɨ tchë.

Apökälîbïchi 16:15

«Gbölö Gbïɛ̈ tö rə̂ päkëdə̂: Amö dje rə̂, më âka batə̂ earə̂ ngbä! Mômô kä tə̂ akrə ndə̂ tche lôâbô lô-ê, ânyë kə̈ bâta lə̂ba ndə̂ yê, ndə̂kə̂ pa tche nəabô nə̂ kpâkpändëwä-ê, ânyë a wun-abô ganô ndə̂ yê wûn-î.»