Dokʉ̈ Körɛ̂nte 16:12 - Mbëtï Ndjapä: TÄFO MADƗ̈

¹² Âdə andə̂ Äpölôse ngâ azə̂, më zä wängö sə̈ tchë tə̂ gbölösə̂nə̈ ndə̂kə̂ pa tchetchë la arə̂mâ, andjë e atə̂ndə̂ nyê, praâbalë tche nyîâbo ndə̂kə̂ e angaâtə-a. Lo nə̈ âta tâ nə̂, tchê eadje.

Dokʉ̈ Körɛ̂nte 16:12 Iomraidhean Croise

Mâreke 6:21

Dëkë Hërödîâde gbô ngâ tchôtchô köbo nə̂, lə̂ köbosə̂ lö kə̈ zɨ Hërôde. Tə̂ lö nə̈ lâme, Hërôde mbô kpülü bëte agbölö azü kua ndə̂ yê, agbölö amakündji ndə̂ aturûgu ndjë la agbölö azü gö ndə̂ Galilë.

Abadjângele 15:34

Praâbalë Sïlâse nyîndə̂ kə̂ sə po bhâye.]

Abadjângele 18:24

Ngâ juîfu ndə̂ a zɨ̂ tchë bhâlə̂ gö ndə̂ Alegezandirï, ndə̂ rə̈ yê wû pä Äpölôse, wûtu bhâ Ëfêze. Tche tö pö la köbo nə̈ kə̈ wûnsə̂ apö lə̂ Mbëtï Ndjapä tə̂ gbölösə̂nə̈.

Abadjângele 19:1

Tə̂ lo nə̈ ndə̂ Äpölôse ndə̂po bhâ Körɛ̂nte, Pôlo rô lə̂ köbo ndə̂ aga wâ tâ, kə̈ wûtu bhâ Ëfêze, tche gbô angâ adjisîpili bhâye.

Abadjângele 24:25

Praâbalë ndə̂ Pôlo sə̂ lakə̂ to pö pâ kə̂ mbo rə djîrə̂, lakə̂ kitə̂ gʉ su, la pö ndə̂kə̂ wa ngbanga ndə̂ Ndjapä ndə̂ ânəadje tə̂ngâlo, wawa mbô Fëlîkese ânyë tche tô rə̂ sə̈ Pôlo päkëdə̂: «Andə̂ tchô angêta wä käko, âdə mê âgbo ngâ lö ânyë kə̂ kä eadje mö.»

Dokʉ̈ Körɛ̂nte 1:12

Pö ndə̂ më nyîndə̂ kə̂ to rə̂ wä kâkë: Akrə balë balë lə̂ gbâtə̂ nyê tö pö ngbî ngbî. Ngânə̈ tö rə̂ päkëdə̂: «Më də̈ akrə ndə̂ Pôlo.» Ngânə̈ tô rə̂ päkëdə̂: «Më də̈ tchandə̂ Äpölôse.» Ngânə̈ tô andə̂ ye nə̈ päkëdə̂: «Më də̈ tchandə̂ Pîêre.» Ânyë ngânə̈ tô ndjë rə̂ päkëdə̂: «Më də̈ tchandə̂ Krîsiti.»

Dokʉ̈ Körɛ̂nte 3:22

Pôlo âdəndjë Äpölôse âdəndjë Pîêre âdəndjë tchêpâ cho gbɛ̂ âdəndjë kə̂ sə la tʉ̈rʉ̂ la âdəndjë kuzü âdəndjë tchô angêta âdəndjë tchêlâmbo, rə lâme gbɛ̂ də̈ andə̂ nye nə̈.

Dokʉ̈ Körɛ̂nte 3:5

Äpölôse də̈ tchabâ? Ânyë Pôlo də̂ tchabâ? Ârâ də̈ kütû a-earə̂ kua ndə̂ Ndjapä. Lə̂ köbosə̂ ârâ kä ndə̂ nyë zâ su nyê sə̈ Krîsiti. Akrə balë balë lə̂ gbâtə̂ ârâ mbö kua gundə̂sə̂ arə ndə̂ Gbölö Gbïɛ̈ zâ rə̂ sə̈ tchë.

Tîte 3:13

Amö mbo rə̂ gbɛ̂ ndə̂kə̂ nyikrə wrʉ̂ ndə̂ Zënâse earə̂ kə̂ za kokô lâme, tchetchë la Äpölôse, ânyë tchânə̂ andjê wabô wâ kênê ämbänə̈-ê.

Tîte 3:4

Praâbalë sə̂nə̈ ndə̂ Ndjapä, Earə̂ kə̂ tcha azə̂ nyîsə̂ dâkâ ndə̂ yê, la rə̂ ndə̂ tche nyində̂ azü,