Dokʉ̈ Körɛ̂nte 16:11 - Mbëtï Ndjapä: TÄFO MADƗ̈

¹¹ Âwâbo pä ngâ akrə balë wun tchë batə̂ mbämbä akrə-a. Nyë kʉ̈ arə sə̈ tchë ndə̂kə̂ pa tche ka la zɨtɨ su pu mê, bëte mëmê la arə̂mâ, ârâ kä lakə̂ krʉ bëte tchë.

Dokʉ̈ Körɛ̂nte 16:11 Iomraidhean Croise

Lûke 10:16

Jezü kä tô rə̂ sə̈ adjisîpili ndə̂ yê päkëdə̂: «Âdə ngâ akrə âdje nyê, dëkë mëmê kä ndə̂ tche djê mê. Âdə ngâ akrə âkosə̂ nyê, dëkë mëmê kä ndə̂ tche kôsə̂ mê. Âdə akrə nə̈ âkosə̂ mê, dëkë tche kösə̂ akrə ndə̂ tche wän mê.»

Abadjângele 15:3

Azü ndə̂ Egilîze ndə̂ Äntïyôche kʉ̂ rə sə̈ andjê bëte wrʉ̂ ndə̂ andjê nə̈. Andjë rô də Fenisï la Samarï kə̈ sə̂ lakə̂ to rə̂ sə̈ azü, köbosə̂ nə̈ ndə̂ azü ndə̂ andjë wâbô wâtə̂ ajuîfu kâ pu Ndjapä. Pö lâme zâ mômô tə̂ su arə̂mâ nə̈ gbɛ̂.

Abadjângele 15:33

Andjë yâtə̂ andjê la andjê lə̂ angâ alö ânyë la tchêngbâ nə̈ azü ndə̂ Krîsiti ndə̂ Äntïyôche nə̈ zâ köbo sə̈ andjê ndə̂kə̂ pa andjë gu la zɨtɨ su pu azü ndə̂ andjë wân andjê. [

Dokʉ̈ Körɛ̂nte 16:10

Âdə Timotë âwutu bhâye, nyë mbö rə̂ ndə̂kə̂ pa tche səabô sə̂ lə̂ gbâtə̂ nyê la wa-ê, bëte tche mbö ndjë kua ndə̂ Gbölö Gbïɛ̈ batə̂ mê.

Dokʉ̈ Körɛ̂nte 16:6

Âdə köbo âwa, mê səadje la nyê lə̂ angâ alö, âdəndjë rə̂ mê sə lə̂ alö gbɛ̂ ndə̂ zɨ sə̂ lakə̂ mbo, ndə̂kə̂ pa nyë kʉ arə sə̈ mê bëte wrʉ̂ ndə̂ mê.

Bïchuû Körɛ̂nte 1:16

Pânə̈ mê to bhândə̂ nyê kə̂ e atə̂ Mäsëdöâne, ânyë la tchêngbâ nə̈ mê to bhâ Mäsëdöâne kə̂ ka pu nyê ndə̂kə̂ pa nyë kʉ rə sə̈ mê bëte wrʉ̂ ndə̂ mê atə̂ Judë.

Dokʉ̈ Tësälönîke 4:8

Bëte rə̂ kä ndə̂ akrə ndə̂ tche kôsə̂ apö âtə, dëkë akrə də̂âbo tchë ndə̂ tche kôsə̂ yê-a, praâbalë Ndjapä kä ndə̂ tche kôsə̂ yê, tchetchë ndə̂ tche zâ Kpɨ̂ki Yingö ndə̂ yê sə̈ nyê lâme.

Dokʉ̈ Timotë 4:12

Âwâbo pä ngâ akrə talusə̂ zə̈ tə̂ pö ndə̂nə̈ ndə̂ mo wâtə̂ bechë-ɛ̈köchɛ̈-a, praâbalë amö nyisə̂ köbo sə̈ andjê lə̂ köbosə̂ pö ndə̂ zə̈, kə̂ mbo rə ndə̂ zə̈, kə̂ nyində̂ ngâ ndə̂ zə̈, kə̂ za su zə̈ sə̈ Krîsiti lakə̂ wa la grôgrô su.

Tîte 2:15

Käko kä ndə̂ mo wâ ndə̂kə̂ to pö, kə̂ za wängö sə̈ azü, kə̂ gbɨtɨ tü azü la gbôgbô. Âwâbo pä ngâ akrə balë talusə̂ zə̈-a.

Vötaâ Jâan 1:6

Andjë tö pö ndə̂ köbo ndə̂ mo nyində̂ azü tchâtchu azü ndə̂ Egilîze ndə̂ ârâ. Më zä da zə̈, amö za könô sə̈ andjê ndə̂kə̂ pa andjë e la wrʉ̂ ndə̂ andjê, lə̂ köbosə̂ nə̈ ndə̂ âdâka tchâtchu Ndjapä.