Dokʉ̈ Körɛ̂nte 16:1 - Mbëtï Ndjapä: TÄFO MADƗ̈

¹ Âdə andə̂ pö ndə̂ kə̂ pala makətche bëte azü ndə̂ Ndjapä, äwäpä nyënyê ndjë gbɛ̂, nyë mbö rə̂ batə̂ rə̂ ndə̂ më nyîsə̂ köbo nə̈ sə̈ a-Egilîze ndə̂ Gälâte.

Dokʉ̈ Körɛ̂nte 16:1 Iomraidhean Croise

Abadjângele 11:28

Ngânə̈ balë lə̂ gûtə̂ andjê ndə̂ rə̈ yê wû pä Ägäbûse, Kpɨ̂ki Yingö nyîsə̂ nə̈ sə̈ tchë, ânyë tche tô rə̂ päkëdə̂: «Ngâ gbölö gʉ âzadje tchêpâ cho gbɛ̂.» Gʉ nə̈ zä tchô alême gbɛ̂ sə̂nə̈ ndə̂ Kölôde wâtə̂ gbölö gbïɛ̈ pâ Rômo.

Abadjângele 11:30

Andjë mbô tâ käko. Andjë wân arə nə̈ sə̈ akpôkpô azü ndə̂ Judë, tchânə̂ Bärnäbâse la Sôlo.

Abadjângele 16:6

Pôlo la Sïlâse rô kütû rö lə̂ gö ndə̂ Firijï la Gälâte bëte Kpɨ̂ki Yingö kïtə̂ köbo tə̂ andjê ndə̂kə̂ mu pö Ndjapä pâ cho ndə̂ Azï.

Abadjângele 18:23

Tche sə̂ tchâme lə̂ angâ alö, ânyë kə̈ ê kə̈ rô lə̂ agö ndə̂ Gälâte la andə̂ Firijï, lakə̂ za wängö ndə̂ âza gbôgbô tə̂ su adjisîpili gbɛ̂.

Abadjângele 24:17

«Pâ angbängbä angû ndə̂ më kâ wûtu bata wûtu bhâ Jerûzalêmo, më kângbâ mê la arə ndə̂kə̂ kʉ rə̂ sə̈ a-earə̂ yûkü pâ mawo ndə̂ mê. Më nə̈ ndjë ndə̂kə̂ wa ngela sə̈ Ndjapä.

Abadjângele 9:13

Änänîâse tô rə̂ ndə̂nə̈ päkëdə̂: «Gbölö Gbïɛ̈, më djë pö ndə̂ angbängbä azü tô rə̂ tə̂ köchë âtə, andjë tö ndjë pö ndə̂ angbongbo arə gbɛ̂ ndə̂ tche mbô rə̂ tə̂ azü ndə̂ zə̈ ndə̂ andjë sə̂ bhâ Jerûzalêmo.

Abadjângele 9:41

Pîêre zâ könô yê, kə̈ kênga tchë ëlafô. La tchêngbâ nə̈ tche ê azü ndə̂ Krîsiti la aɛ̈chë lə̂ ndavrö, kə̈ mâ Tabïta tə̂ andjê la tʉ̈rʉ̂ la yê.

Rômo 12:13

Nyë mbö rə̂ la azü ndə̂ Ndjapä ndə̂ andjë wâbô wâ la rə-ê. Äwäpä gbô nyê ndəpo lakə̂ mbo rə̂ la azü ndə̂ andjë nə pu nyê.

Dokʉ̈ Körɛ̂nte 11:34

Âdə gʉ ânyu ngâ akrə, äwäpä tche zɨ rə bhândə̂ yê, käko ânyë ngbanga ndə̂ Ndjapä teabô tê pâ nyê sə̂nə̈ ndə̂ nyê palatə̂ nyê-ê. Âdə andə̂ adɨ̂ apö nə̈, më âwutu bhâye ânyë kə̂ nyikrəadje rə̂.

Dokʉ̈ Körɛ̂nte 16:15

Nyë wûnsə̂ nə̈ nə̂ pä Sëtëfänâse la azü lə̂ bûngrɨ̂ ndə̂ yê də̈ adokʉ̈ azü ndə̂ Akayï ndə̂ andjë zâ su andjê sə̈ Krîsiti, ânyë kə̈ zâtə̂ andjê gbɛ̂ ndə̂kə̂ mbo dâkâ tə̂ azü ndə̂ Ndjapä. Arə̂mä, më yükû nə̈ sə̈ nyê:

Dokʉ̈ Körɛ̂nte 4:17

Tə̂ pö ndə̂nə̈ kä ndə̂ më wân Timotë sə̈ nyê, modô ndə̂ mê ndə̂ më nyîndə̂ yê tə̂ gbölösə̂nə̈, ndə̂ gbô tchë sə̂ lə̂ köbo Gbölö Gbïɛ̈. Tche kä ndə̂ ânyiadje sə̂ köbo ndə̂ më sə̂ la rə̂ la tchêngbâ nə̈ ndə̂ më wâ balë la Krîsiti, batə̂ rə̂ ndə̂ më nyîsə̂ nə̈ katchôgbɛ̂, kulə̂ a-Egilîze.

Gälâte 1:2

Arə̂mâ gbɛ̂ ndə̂ andjë sə̂ bhâtə la mëmê, ârâ wän mbëtï âtə sə̈ azü ndə̂ a-Egilîze ndə̂ Gälâte.

Gälâte 2:10

Rə balë ndə̂ andjë yûkû nə̈ sə̈ ârâ də̈ rə̂ ndə̂kə̂ pa sə̂ a-earə̂ yûkü te lə̂ ârâ. Më mbö rə nə̈ lâme la su mê gbɛ̂.

Filemön 1:5

Bëte më djë rə̂ pä mo nyïndə̂ azü ndə̂ Ndjapä gbɛ̂, kə̈ zâ ndjë su zə̈ gbɛ̂ sə̈ Gbölö Gbïɛ̈ Jezü.

Filemön 1:7

Ngâ mê lə̂ Krîsiti, më kä la gbölö mômô, kə̈ gbô gbôgbô tə̂ su mê, tə̂ pö ndə̂ azü ndə̂ mo nyîndə̂ andjê, la rə̂ ndə̂ mo zâ gbôgbô tə̂ su azü ndə̂ Krîsiti lâme.

Aheborö 6:10

Bëte Ndjapä wä djîrə̂: Käko kua ndə̂ nyë mbô rə̂, âdəndjë kə̂ nyində̂ ngâ ndə̂ nyë nyîsə̂ nə̈ tə̂ azü ndə̂ Krîsiti alême, ndjë la andjanə̈ ndə̂ tchô angêta, sə̂nə̈ yûâbo tə̂ yê-a.

Dokʉ̈ Jâan 3:17

Praâbalë âdə ngâ akrə âwa la arə tchêbêche âtə tə̂ gbölösə̂nə̈, ânyë kə̈ gʉ̂â la yê tə̂ ngâ yê, ndə̂ tche wûn tchë la gʉ ngâ rə, akrə käko lâme nyïndə̂ Ndjapä tchïtchïnə̈ atöko?