Dokʉ̈ Körɛ̂nte 15:9 - Mbëtï Ndjapä: TÄFO MADƗ̈

⁹ Bëte më wä kpîɛ̂kpîɛ̂ rə̂ tə̂ abadjângele gbɛ̂, më kʉ̂âbo ndjë sə̂nə̈ pä a e rə̂ tə̂ mê pä badjângele-a, bëte më mbö gbôgbô tə̂ Egilîze ndə̂ Ndjapä.

Dokʉ̈ Körɛ̂nte 15:9 Iomraidhean Croise

Abadjângele 8:3

Andə̂ Sôlo, tche sə̈ logbɛ̂ lakə̂ ndrɨndrɨ Egilîze. Tche lï kulə̂ anda ndə̂kə̂ kʉ aköchë la aɛ̈chë ânyë kə̂ yi andjê atə̂lə̂ nda kânga.

Dokʉ̈ Körɛ̂nte 10:32

Nyë mböäbô rə̂ mbô ndə̂kə̂ pa ngâ juîfu balë te lə̂ ngbongbo rə-ê, âdəndjë ngâ akrə ndə̂ tche wâbô wâtə̂ juîfu, âdəndjë ngâ akrə ndə̂ Egilîze ndə̂ Ndjapä-ê.

Bïchuû Körɛ̂nte 11:5

Âdə andə̂ agbölö abadjângele ndə̂ nyê lâme, më wün rə̂ pä andjë rôâbo mê la ngâ rə-a.

Bïchuû Körɛ̂nte 12:11

Më wä batə̂ earə̂ nyî! Nyënyê kä ndə̂ âmbô rə̂ pä më wa käko. Nyënyê âme kä ndə̂ âwâ ndə̂kə̂ to tchôtchô pö pâ mê. Âdə më âwabô wâtə̂ ngâ rə-ê, agbögbölö abadjângele ndə̂ nyê lâme rôâbo mê la ngâ rə balë-a.

Gälâte 1:13

Bëte nyë djê pö pâ köbo kə̂ mbotə̂ mê ndə̂ gbô mê ndə̂po alême lakə̂ voga Ndjapä batə̂ rə̂ ndə̂ ajuîfu mbo rə̂. Nyë wûnsə̂ nə̈ nə̂ pä më mbö gbôgbô alême tə̂ gbölösə̂nə̈ tə̂ Egilîze ndə̂ Ndjapä, kə̈ pû köbo ndə̂kə̂ ndɨ rə̂.

Gälâte 1:23

Andjë djë kütû apö ndə̂ azü to rə̂ päkëdə̂: «Köchë ndə̂ tche mbô gbôgbô tə̂ azə̂ alême, angaâtə tchetchë kä ndə̂ âmu pö pâ köbo ndə̂kə̂ za su sə̈ Jezü ndə̂ tche nyîndə̂ kə̂ ndɨ rə̂ alême.»

Fïlîpe 3:6

Lə̂ köbosə̂ kə̂ mbo kua ndə̂ më zâ su mê gbɛ̂ ëtâ, më mbö arə gbôgbô tə̂ a-Egilîze. Âdə andə̂ pö ndə̂ ndïɛ̈ lakə̂ mbo rə djîrə̂ gundə̂sə̂ nə̈, ngâ akrə ndə̂ tche yi pö lə̂ küma mê bëte rə̂ wâbo-a.