Dokʉ̈ Körɛ̂nte 15:58 - Mbëtï Ndjapä: TÄFO MADƗ̈

⁵⁸ Käko arə̂mâ ndə̂ mê ndə̂ më nyîndə̂ nyê tə̂ gbölösə̂nə̈, nyë kpökpo tə̂ nyê logbɛ̂, kə̂ sə kpô tə̂kə̂ mbo kua ndə̂ Gbölö Gbïɛ̈ la su nyê gbɛ̂. Äwäpä nyë wunsə̂ nə̈ pä kua ndə̂ nyê mbo rə̂ bëte Gbölö Gbïɛ̈ lâme, tchêngbâ nə̈ wâbo ämbänə̈-a.

Dokʉ̈ Körɛ̂nte 15:58 Iomraidhean Croise

Mâreke 3:3

Käko Jezü tô rə̂ sə̈ köchë ndə̂ könô yê ngêwele lâme päkëdə̂: «Alafô tchâtə, kə̈ krʉ̂ lə̂ gûtə̂ azü gbɛ̂.»

Lûke 19:19

Gbïɛ̈ nə̈ tô rə̂ sə̈ tchë päkëdə̂: ‹Momö, më zä mö tə̂ goverenëre pâ agö mïndûu.›

Dokʉ̈ Körɛ̂nte 16:10

Âdə Timotë âwutu bhâye, nyë mbö rə̂ ndə̂kə̂ pa tche səabô sə̂ lə̂ gbâtə̂ nyê la wa-ê, bëte tche mbö ndjë kua ndə̂ Gbölö Gbïɛ̈ batə̂ mê.

Dokʉ̈ Körɛ̂nte 3:8

Akrə ndə̂ tche lû rə̂ la akrə ndə̂ tche sû ngû tâ, andjë wä nyɛ̂ɛ̂ balë. Praâbalë Ndjapä zadje rə sə̈ akrə balë balë gundə̂sə̂ kua ndə̂ tche mbô rə̂.

Bïchuû Körɛ̂nte 7:1

Arə̂mâ ndə̂ mê ndə̂ më nyîndə̂ nyê tə̂ gbölösə̂nə̈, atchôtchô arə ndə̂ Ndjapä zâ bâlâ nə̈ lâme wä bëte azə̂. Käko, äwäpä azə̈ djutu angbongbo rə gbɛ̂ ndə̂ tə̂ azə̂ la andə̂ vrö azə̂ ndə̂kə̂ pa azə̈ daka gbɛ̂ lə̂ köbosə̂ kə̂ zatə̂ azə̂ gbɛ̂ lakə̂ kpe wa Ndjapä.

Gälâte 4:11

Wawa mbö mê bëte kua ndə̂ më mbô rə̂ bëte nyê lâme, tchêngbâ nə̈ âwa ämbänə̈?

Gälâte 6:9

Azə̈ zogoabô zôgo lakə̂ mbo dâkâ-ê, bëte lo nə̈ âtadje tâ ndə̂ azə̈ gboadje rə ngbânə̈, ndə̂ azə̈ gbôâbô gbôtâ-ê.

Fïlîpe 1:11

Nyê wadje tə̂ azü ndə̂ adjîrə̂ arə sɨ̂sɨ̈ lə̂ andjê, ndə̂ ânə̂ lə̂ köbosə̂ Jezü Krîsiti. Käko kä ndə̂ a voga Ndjapä lakə̂ lusə̂ yê.

Fïlîpe 1:9

Më tö pö sə̈ Ndjapä bëte nyê kâkë: Äwäpä kə̂ nyində̂ angâ nyê lə̂ gbâtə̂ nyê e kütû ë atə̂ tchâtchu nə̈, käko tchə̂lə̂ la nyê kra ndə̂kə̂ wunsə̂ rə djîrə̂,

Fïlîpe 2:16

lakə̂ mu pö ndə̂ âza tchîsûwu sə̈ azü, käko mê âwa la mômô tə̂ pö ndə̂ nyê lo kə̂ ka ndə̂ Krîsiti, bëte kua ndə̂ mê la yûkü ndə̂ më wûn rə̂ bëte nyê wâbo ämbänə̈-a.

Fïlîpe 2:30

bëte tche wä tchêtchêtchê ndə̂kə̂ tchu bëte kua ndə̂ Krîsiti. Atchâklêtchâ tche tchû bëte kua ndə̂ Krîsiti. Tche yösə̂ tə̂ yê sə̈ kuzü, ânyë kə̈ mbô rə̂ la mê lə̂ kpâlâ nyê, ndə̂ köbo wâbô wâ ndə̂kə̂ pa nyë mbo rə̂-ê.

Fïlîpe 4:17

Ânyîâbo ndə̂kə̂ to rə̂ pä më sə̈ lakə̂ gro tchêngbâ rə ndə̂ azü kʉ rə̂ sə̈ azü-a. Rə ndə̂ mê pu rə̂ wä ndə̂kə̂ pa azü gbo rə tə̂ gbölösə̂nə̈ ngbâ rə ndə̂ andjë mbô rə̂.

Kölôse 1:23

Praâbalë äwäpä su nyë ndə̂ nyë zâ rə̂ sə̈ Ndjapä ndəpo la gbôgbô ânyë kə̂ kpokpo tə̂ yê. Nyë ëäbô ê ngrɨ̈ tə̂ rə ndə̂ su nyê wâ pânə̈ ndə̂ nyë krʉ̂ bëte rə̂ lâme sə̂nə̈ ndə̂ nyë djê Tchôtchô Pö lâme, ndə̂ a mû rə̂ sə̈ azü pâ cho gbɛ̂, ndə̂ mëmê Pôlo, më mbôtə̂ mê tə̂ earə̂ kua ndə̂kə̂ mu Tchôtchô Pö nə̈.

Kölôse 2:5

Bëte më sə̂âbo lə̂ gbâtə̂ nyê-a, praâbalë më kä la nyê sə̂nə̈ balë lə̂ yingö. Më wä la mômô ndə̂kə̂ wun rə̂ pä gbô nyê kä lakə̂ mbo rə la köbo nə̈ ânyë gbô su nyê ndə̂ nyë zâ rə̂ sə̈ Krîsiti lâme kä pâ yê.

Kölôse 2:7

Äwäpä nyë krʉ la gbôgbô pâ Krîsiti batə̂ chëchë da yö ndə̂ âlî cho, ânyë kə̈ wâ ndjë batə̂ nda ndə̂ âkrʉ̂ la gbôgbô pâ da yê. Nyë kpökpo tə̂ nyê lə̂ köbosə̂ kə̂ za su nyê sə̈ Krîsiti batə̂ rə̂ ndə̂ a nyîsə̂ nə̈ sə̈ nyê, nyë zä ayîabâ tə̂ gbölösə̂nə̈ sə̈ Ndjapä.

Dokʉ̈ Tësälönîke 1:3

Lə̂ la Ndjapä, kua ndə̂ nyê mbo rə̂ lə̂kə̂ za su nyê ndə̂ nyë zâ rə̂ sə̈ Ndjapä lâme, sə̂nə̈ yûâbo tə̂ ârâ-a. Kə̂ nyində̂ angâ nyê ndə̂ âmbo rə̂ pä nyë mbo kua tə̂ gbölösə̂nə̈ lâme, sə̂nə̈ yûâbo tə̂ ârâ-a. Rə ndə̂ nyë krʉ̂ bëte rə̂ la su nyê ndə̂ gbô rə̂ ndə̂po pâ Gbölö Gbïɛ̈ ndə̂ azə̂ Jezü Krîsiti lâme, sə̂nə̈ yûâbo tə̂ ârâ-a.

Dokʉ̈ Tësälönîke 3:12

Äwäpä Gbölö Gbïɛ̈ mbo rə̂ pä köbo ndə̂ nyê nyində̂ angâ nyê lə̂ gbâtə̂ nyê, la köbo ndə̂ nyê nyində̂ azü gbɛ̂ ârô masə̂nə̈ lâme sə lakə̂ êë atə̂ tchâtchu nə̈, batə̂ rə̂ ndə̂ ârâ nyîndə̂ nyê! Amin!

Dokʉ̈ Tësälönîke 3:3

ânyë ngâ akrə balë teabô tê lə̂ köbosə̂ yûkü ndə̂ azə̈ wun rə̂ angêta lâme-ê. Bëte nyënyê la tə̂ nyê, nyë wûnsə̂ nə̈ nə̂ pä yûkü ndə̂ ârâ sə̂ lakə̂ wun rə̂ âtə, Ndjapä nyïkrə rə̂ dokʉ̈tchê bëte ârâ.

Dokʉ̈ Tësälönîke 3:5

Bëte rə̂ kä ndə̂ më kä wâbo ndə̂kə̂ rʉatə̂ su mê ndə̂kə̂ krʉ zoo, ânyë kə̈ wân Timotë ndə̂kə̂ pa tche e kə̂ dje pö pâ su nyê ndə̂ nyë zâ rə̂ sə̈ Krîsiti lâme-a. Wawa mbö mê ndə̂kə̂ pa Jâbolo vuabô nyê vû-ê ânyë kua ndə̂ ârâ mbô rə̂ wabô wâ ämbänə̈-ê.

Dokʉ̈ Tësälönîke 4:1

Ndə̂kə̂ ka ndə̂nə̈, arə̂mä, ârâ nyïsə̂ köbo ndə̂ nyê sə la rə̂ ânyë âfu tə̂ Ndjapä alême nə̂. Tə̂ lëge nə̈, nyë sə̂ käko nə̂. Praâbalë angaâtə, ârâ yükû nə̈ sə̈ nyê lakə̂ za wängö sə̈ nyê la rə̈ Gbölö Gbïɛ̈ Jezü; nyë mbö rə̂ âkä ro anə̈ dokʉ̈tchê.

Bïchuû Tësälönîke 1:3

Arə̂mä, äwäpä ârâ za ayîabâ sə̈ Ndjapä logbɛ̂ tə̂ pö ndə̂ nyê. Äwä lə̂ köbo nə̈ ndə̂kə̂ mbo rə̂ käko, bëte su nyê ndə̂ nyë zâ rə̂ sə̈ Krîsiti sə̈ lakə̂ êë atə̂ lafô tə̂ gbölösə̂nə̈, ânyë kə̂ nyində̂ tə̂ nyê la angâ nyê sə̂ lakə̂ gêgë.

Tîte 2:14

Tche zätə̂ yê la tə̂ yê sə̈ kuzü bëte azə̂, ndə̂kə̂ ji azə̂ lə̂ angbongbo rə gbɛ̂, kə̂ djutu azə̂ ânyë azə̈ gro ndə̂kə̂ watə̂ azü ndə̂ yê. Ndə̂kə̂ pa azə̈ watə̂ azü ndə̂ tchə̂lə̂ su andjê sɨ̂sɨ̈ la gʉ ndə̂kə̂ mbo atchôtchô kua.

Aheborö 13:21

Äfü pä Ndjapä nə̈ mbo rə̂ pä nyë watə̂ azü ndə̂ andjë mbo tchôtchô arə gbɛ̂ ndə̂ su yê nyîndə̂ nə̈! Äfü pä lə̂ köbosə̂ Jezü Krîsiti, Ndjapä mbo rə̂ pä azə̈ mbo rə ndə̂ âfû tə̂ su yê! Voga wätə̂ andə̂ yê nə̈ logbɛ̂ logbɛ̂! Amin.

Aheborö 3:14

Angaâtə, azə̈ la Krîsiti kä lakə̂ mbo kua balë, ndə̂ gbô azə̂ sə̂ lakə̂ za su azə̂ tâ la gbôgbô zoo âwutu ëtə̂ manə̈ batə̂ rə̂ ndə̂ azə̈ zâ su azə̂ tâ lə̂ dokʉ̈ nə̈.

Aheborö 6:10

Bëte Ndjapä wä djîrə̂: Käko kua ndə̂ nyë mbô rə̂, âdəndjë kə̂ nyində̂ ngâ ndə̂ nyë nyîsə̂ nə̈ tə̂ azü ndə̂ Krîsiti alême, ndjë la andjanə̈ ndə̂ tchô angêta, sə̂nə̈ yûâbo tə̂ yê-a.

Bïchuû Pîêre 3:14

Bëte rə̂ kä, arə̂mâ ndə̂ mê ndə̂ më nyîndə̂ nyê tə̂ gbölösə̂nə̈, ndə̂ nyê âsə̈ krʉ bëte lö nə̈ lâme, äwäpä nyë mbo rə̂ gbɛ̂ ndə̂kə̂ pa nyë daka gbɛ̂ ânyë ngâ pö balë wabô wâ lə̂ küma nyê-ê, ndjë äwäpä nyë sə la zɨtɨ su la Ndjapä.