Dokʉ̈ Körɛ̂nte 15:56 - Mbëtï Ndjapä: TÄFO MADƗ̈

⁵⁶ Rə ndə̂ kuzü won azü la rə̂ lâme də̈ ngbongbo rə, ânyë rə ndə̂ âza gbôgbô sə̈ ngbongbo rə də̈ ndïɛ̈.

Dokʉ̈ Körɛ̂nte 15:56 Iomraidhean Croise

Jâan 8:21

Jezü kâ tô rə̂ sə̈ andjê päkëdə̂: «Mê âgûgü, nyê puadje mê, praâbalë nyê tchuadje lə̂ ngbongbo rə ndə̂ nyê. Nyë wâbo ndə̂kə̂ e atə̂sə̂ tchô ndə̂ mê e tâ âtə-a.»

Jâan 8:24

Bëte rə̂ kä ndə̂ më tô rə̂ sə̈ nyê pä nyê tchuadje lə̂ ngbongbo rə ndə̂ nyê. Bëte âdə nyë âgambabô rə̂ gâmba pä: ‹Më kä tâ›, nyê tchuadje lə̂ ngbongbo rə ndə̂ nyê.»

Rômo 4:15

Bëte kə̂ kosə̂ ndïɛ̈ mbö rə̂ pä su yê kʉ̈ tchë. Praâbalë âdə ndïɛ̈ âwabô wâ, kə̂ kosə̂ kə̂ dje ndïɛ̈ wâbo-a.

Rômo 5:15

Praâbalë rə ndə̂ Ndjapä za rə̂ sə̈ akrə ämbämbänə̈ wä ngbî tə̂ ngbongbo rə ndə̂ Adâme mbô rə̂. Tə̂ lëge nə̈, angbängbä azü tchü bëte kə̂ mbo ngbongbo rə ndə̂ akrə balë. Praâbalë rə ndə̂ âwâ gbölö ânyë kə̈ rô sə̂nə̈ də̈ anə̈ ndə̂ Ndjapä mbô tchôtchô su tə̂ gbölösə̂nə̈ tə̂ angbängbä azü. Tche zä rə̂ sə̈ andjê ämbänə̈ lə̂ köbosə̂ akrə balë, Jezü Krîsiti.

Rômo 5:17

Tə̂ lëge nə̈, lə̂ köbosə̂ akrə balë, bëte kə̂ mbo ngbongbo rə ndə̂ akrə balë, kuzü wâ la kümändëmä pâ azü gbɛ̂. Praâbalë lə̂ köbosə̂ akrə balë ndə̂ tche də̂ Jezü Krîsiti, azü gbö arə tə̂ gbölösə̂nə̈. Käko ndjë, ngâ rə balë wâbo ndə̂ âkitə̂ köbo tə̂ andjanə̈ ndə̂ andjë gbô arə lə̂ köbosə̂ tchôtchô su ndə̂ Ndjapä, la andjanə̈ ndə̂ andjë wâ djîrə̂ lə̂ la yê ndə̂kə̂ wa la tchîsûwu-a, ndjë ndə̂kə̂ mbo kümändëmä la tchë-a.

Rômo 5:20

Ndïɛ̈ nə̈ ndə̂kə̂ mbo rə̂ pä ngbongbo rə ndə̂ azü ro masə̂nə̈. Praâbalë sə̂ tchô ndə̂ ngbongbo rə ro masə̂nə̈, tchôtchô su ndə̂ Ndjapä rö masə̂nə̈ tə̂ gbölösə̂nə̈.

Rômo 6:23

Tə̂ lëge nə̈, rə ndə̂ akrə gbo rə̂ ngbâ ngbongbo rə ndə̂ tchê mbo rə̂ wätə̂ kuzü. Praâbalë rə ndə̂ Ndjapä za rə̂ sə̈ azü ämbänə̈ də̈ tchîsûwu ndə̂ logbɛ̂ logbɛ̂, lə̂ köbosə̂ nə̈ ndə̂ azə̈ wâ balë la Jezü Krîsiti, Gbölö Gbïɛ̈ ndə̂ azə̈.

Aheborö 9:27

Bëte a dɨ̈ rə̂ sə̈ azü gbɛ̂ ndə̂kə̂ tchu sûsunə̈ balë, pânə̈, kə̂ wa ngbanga kä tâ.