Dokʉ̈ Körɛ̂nte 15:54 - Mbëtï Ndjapä: TÄFO MADƗ̈

⁵⁴ Âdə tə̂ ndə̂ âwâ ndə̂kə̂ ndɨ âyu tə̂ ndə̂ âwâ ndə̂kə̂ ndɨabô ndɨ̂-î, ânyë tə̂ ndə̂ âwâ ndə̂kə̂ tchu âyu tə̂ ndə̂ âwâ ndə̂kə̂ tchuabô tchû-î, käko pö ndə̂ Mbëtï Ndjapä tô rə̂ mbo gundə̂sə̂ nə̈. Mbëtï nə̈ tô rə̂ päkëdə̂: «Ndjapä ndɨ̂ kuzü nə̂ tratralë-ê, gbôgbô ndə̂ kuzü yû nə̂!»

Dokʉ̈ Körɛ̂nte 15:54 Iomraidhean Croise

Lûke 20:36

Andjê kä tchu bata tee-a, bëte andjë wä batə̂ aânje. Andjë wätə̂ abechë ndə̂ Ndjapä, bëte andjë jô lə̂ kuzü nə̂.

Rômo 1:23

Ndə̂kə̂ pa andjë voga gbölö ndə̂ Ndjapä ndə̂ tche wâ la tchîsûwu ndə̂ logbɛ̂ logbɛ̂, andjë gbôtâ kə̂ voga kütû anyîsɨ̂ arə ndə̂ âkʉ̂ akrə ndə̂ tche wâ ndə̂kə̂ tchu, rə ndə̂ âkʉ̂ nyïɛ̈nə̈ la agia ndə̂ da andjê gû voanə̈ la agia ndə̂ andjë hro bêche.

Rômo 2:7

Angâ azü rʉ̈ätə̂ su andjê lə̂ agbôgbô arə ndə̂kə̂ mbo tchôtchô rə ndə̂kə̂ pa Ndjapä voga andjê ânyë kə̂ lusə̂ andjê. Andjë pü tchîsûwu ndə̂ ândɨ̂âbô ndɨ̂-î. Ndjapä âzadje tchîsûwu ndə̂ logbɛ̂ logbɛ̂ sə̈ andjê.

Rômo 6:12

Bëte rə̂ kä ndə̂, äwäpä ngbongbo rə ka wâbô wâ la gbôgbô pâ tə̂ nyê ndə̂ âtchuadje lâme-ê. Käko ânyë nyê mboabô rə mbô gundə̂sə̂ angbongbo gʉ su nyê.

Rômo 8:11

Âdə Kpɨ̂ki Yingö ndə̂ tche jô Jezü lə̂ kuzü âsə lə̂ su nyê, käko Ndjapä ndə̂ tche jô Krîsiti lə̂ kuzü lâme, tchê zadje ndjë tchîsûwu sə̈ tə̂ nyê ndə̂ âwâ ndə̂kə̂ tchûtchü lâme, lə̂ köbosə̂ Yingö ndə̂ yê ndə̂ âsə̂ lə̂ su nyê.

Bïchuû Körɛ̂nte 4:11

Logbɛ̂ azə̈ ndə̂ azə̈ wâ la tchîsûwu, azə̈ wä ndə̂kə̂ tchu bëte Jezü ndə̂kə̂ pä tchîsûwu ndə̂ Jezü mbo ndjë kua lə̂ tə̂ azə̂ ndə̂ akrə ndə̂ âwâ ndə̂kə̂ tchu.

Bïchuû Körɛ̂nte 5:4

Bëte azəzə̂ ndə̂ azə̈ ndə̂po tchâtchâ ndokʉ̈ lâme, azə̈ sə̈ lakə̂ kɨ kɨ̈ kuzü tchâtchâ kʉ̂ngbô ndə̂ âlû. Azə̈ nyîâbo ndə̂kə̂ gbotə̂ tə̂ azə̂ ndə̂ akrə lâme-a, praâbalë azə̈ nyïndə̂ kə̂ li tchâtchâ ndokʉ̈ ndə̂ âwâ bhâ lafô, ânyë tchîsûwu ndə̂ azə̂ mera rə ndə̂ âwâ ndə̂kə̂ tchu lâme.

Bïchuû Tësälönîke 1:10

Lo nə̈ ndə̂ tche kangbâ yê, azü ndə̂ yê âvogadje tchë, azü ndə̂ andjë zâ su andjê sə̈ Krîsiti âwun-adje tchë la mômô. Nyënyê ndjë gbɛ̂ nyë âsə lə̂ gbâtə̂ azü nə̈ lâme bëte nyë gämba pö ndə̂ ârâ mû rə̂ sə̈ nyê.

Apökälîbïchi 20:14

A yî kuzü la tchô ndə̂ akuzü lə̂ gbölö tïmï wo. Tïmï wo nə̈ lâme də̈ bïchuû kuzü.

Apökälîbïchi 21:4

Tchê troadje ngûla andjê gbɛ̂. Kuzü kä wa bata tee-a, müä lakə̂ dɨ tchə̂lə̂ ma la yûkü kä wa bata tee-a, bëte abəndɨ arə âroadje.»