Dokʉ̈ Körɛ̂nte 15:52 - Mbëtï Ndjapä: TÄFO MADƗ̈

⁵² kpro kâkë, batə̂ rə̂ ndə̂ akrə tchî la yê, sə̂nə̈ ndə̂ adɨ̂ tätälîtä kɨ. Bëte tätälîtä âkɨadje, akuzü joadje la tə̂ ndə̂ âkä ndɨabô ndɨ̂-î, ânyë azə̈ ndə̂ azə̈ nə̈, tə̂ azə̂ wadje ngbî.

Dokʉ̈ Körɛ̂nte 15:52 Iomraidhean Croise

Matiyə̈ 24:31

Ndə̂ gbölö tätälîtä âsə̈ kɨ, Modô ndə̂ akrə wan-dje aânje katchôgbɛ̂ lə̂ angongo cho voanə̈ ndə̂ tchêbêche ndə̂kə̂ pala azü ndə̂ tche dɨ̂ andjê.»

Jâan 5:25

Ɛn-ɛn, tə̂ lëge nə̈ më tö rə̂ sə̈ nyê, dalo nə̈ âwutuadje, praâbalë âwûtu nə̂, ndə̂ akuzü djeadje tchə̂lə̂ gɨ̈ Modô ndə̂ Ndjapä, ânyë andjanə̈ ndə̂ andjë djeadje tchə̂lə̂ gɨ̈ yê, andjê səadje la tʉ̈rʉ̂ la andjê.

Jâan 5:28

Käko äwäpä tchə̂lə̂ küma nyê djingɨliabô djîngɨli-î, bëte dalo nə̈ wutuadje ndə̂ azü gbɛ̂ ndə̂ a chî andjê bhâlə̂ cho akuzü, andjê djeadje tchə̂lə̂ gɨ̈ Modô ndə̂ Akrə,

Dokʉ̈ Körɛ̂nte 15:23

Praâbalë lö akrə balë balë âta tâ ânyë tche jo lə̂ kuzü: Dokʉ̈ akrə nə̈ də̈ Krîsiti, pânə̈ azü ndə̂ Krîsiti joadje kpô lo kə̂ ka ndə̂ yê.

Dokʉ̈ Körɛ̂nte 15:42

Rə nə̈ wä ndjë käko tə̂ pö ndə̂kə̂ jo ndə̂ akuzü: Tə̂ ndə̂ a chî rə̂ wätə̂ tə̂ ndə̂ ândɨ, tə̂ ndə̂ âjo lə̂ kuzü, âkä ndɨ bata tee-a.

Dokʉ̈ Körɛ̂nte 15:50

Arə̂mä, pö ndə̂ më nyîndə̂ kə̂ to rə̂ kä âtə: Tə̂ azə̂ ndə̂ akrə wâbo ndə̂kə̂ gbo tchô bhâlə̂ Gbölö gö-gbïɛ̈ ndə̂ Ndjapä-a, rə ndə̂ âwâ ndə̂kə̂ ndɨ wâbo ndə̂kə̂ sə̈ pïï ëtə̂-a.

Dokʉ̈ Tësälönîke 4:15

Pö ndə̂ ârâ nyîndə̂ kə̂ to rə̂ sə̈ nyê, ndə̂ Gbölö Gbïɛ̈ tô rə̂ sə̈ ârâ kä âtə: Azəzə̂ ndə̂ azə̈ sə la tʉ̈rʉ̂ la azə̂ ndjoa ëtə̂ lo kə̂ ka ndə̂ Gbölö Gbïɛ̈, andjanə̈ ndə̂ andjë tchû lâme, azə̂ roabô dokʉ̈tchê tə̂ andjê tee-a.

Bïchuû Pîêre 3:10

Käko lo kə̂ ka ndə̂ Gbölö Gbïɛ̈ wadje batə̂ earə̂ ngbä. Tə̂ lö nə̈ lâme tchêlafô âro me la ngâ gbölö wârə̂, wo âjuadje arə tchêlafô, sə̂nə̈ lâme tchêbêche la arə gbɛ̂ ndə̂ âwâ lə̂nə̈ âyu me yü.

Apökälîbïchi 8:13

Më kâ wûn tchô, kə̈ djê sɨ̈kɨ̈ ngâ kânda ndə̂ tche sə̂ lakə̂ wrʉ ngrɨ̈ bhâ lafô lakə̂ ta wârə̂ päkëdə̂: «Nyonyo! Nyonyo! Nyonyo kä tə̂ azü ndə̂ tchêbêche, bëte sɨ̈kɨ̈ atätälîtä vötaâ ndə̂ aânje vötaâ kä hrʉadje rə̂ lâme!»

Apökälîbïchi 8:2

Pânə̈ më wûn aânje mïndûu manə̈ bïchuû ndə̂ andjê krʉ̂ tchâtchu Ndjapä, ânyë a kʉ̂ atätälîtä mïndûu manə̈ bïchuû sə̈ andjê.