Dokʉ̈ Körɛ̂nte 15:50 - Mbëtï Ndjapä: TÄFO MADƗ̈

⁵⁰ Arə̂mä, pö ndə̂ më nyîndə̂ kə̂ to rə̂ kä âtə: Tə̂ azə̂ ndə̂ akrə wâbo ndə̂kə̂ gbo tchô bhâlə̂ Gbölö gö-gbïɛ̈ ndə̂ Ndjapä-a, rə ndə̂ âwâ ndə̂kə̂ ndɨ wâbo ndə̂kə̂ sə̈ pïï ëtə̂-a.

Dokʉ̈ Körɛ̂nte 15:50 Iomraidhean Croise

Matiyə̈ 16:17

Jezü tô rə̂ ndə̂nə̈ sə̈ tchë päkëdə̂: «Mômô kä tə̂ zə̈ Chemön, modô ndə̂ Jönâse! Bëte pö ndə̂ mo tô rə̂ lâme âtôâbo bhândə̂ azü-a, praâbalë ätö bhândə̂ Bha ndə̂ tche sə̂ bhâ lafô.

Matiyə̈ 25:34

Käko gbïɛ̈ âtoadje rə̂ sə̈ andjanə̈ ndə̂ andjë sə̂ də ndôkö päkëdə̂: ‹Nyë nə̈ atâ, nyënyê ndə̂ tchôtchô pö ndə̂ Bha mê wâ pâ nyê, nyë də̈ azü gö ndə̂ Gbölö gö-gbïɛ̈ ndə̂ tchêlafô, ndə̂ tche nyîkrə rə̂ alême bëte nyê dokʉ̈tchê ndə̂kə̂ pa a nyikrə tchîsûwu.

Rômo 2:7

Angâ azü rʉ̈ätə̂ su andjê lə̂ agbôgbô arə ndə̂kə̂ mbo tchôtchô rə ndə̂kə̂ pa Ndjapä voga andjê ânyë kə̂ lusə̂ andjê. Andjë pü tchîsûwu ndə̂ ândɨ̂âbô ndɨ̂-î. Ndjapä âzadje tchîsûwu ndə̂ logbɛ̂ logbɛ̂ sə̈ andjê.

Dokʉ̈ Körɛ̂nte 1:12

Pö ndə̂ më nyîndə̂ kə̂ to rə̂ wä kâkë: Akrə balë balë lə̂ gbâtə̂ nyê tö pö ngbî ngbî. Ngânə̈ tö rə̂ päkëdə̂: «Më də̈ akrə ndə̂ Pôlo.» Ngânə̈ tô rə̂ päkëdə̂: «Më də̈ tchandə̂ Äpölôse.» Ngânə̈ tô andə̂ ye nə̈ päkëdə̂: «Më də̈ tchandə̂ Pîêre.» Ânyë ngânə̈ tô ndjë rə̂ päkëdə̂: «Më də̈ tchandə̂ Krîsiti.»

Dokʉ̈ Körɛ̂nte 15:42

Rə nə̈ wä ndjë käko tə̂ pö ndə̂kə̂ jo ndə̂ akuzü: Tə̂ ndə̂ a chî rə̂ wätə̂ tə̂ ndə̂ ândɨ, tə̂ ndə̂ âjo lə̂ kuzü, âkä ndɨ bata tee-a.

Dokʉ̈ Körɛ̂nte 15:44

Tə̂ ndə̂ a chî rə̂ də̈ mbämbä tə̂ akrə, tə̂ ndə̂ âjo lə̂ kuzü də̈ tə̂ ndə̂ Yingö za tchîsûwu sə̈ rə̂. Mbämbä tə̂ akrə kä tâ, ânyë tə̂ ndə̂ Yingö za tchîsûwu sə̈ rə̂ kä tâ.

Dokʉ̈ Körɛ̂nte 6:10

a-earə̂ ngbä, azü ndə̂ andjë wâ la gbölö gʉ ndə̂kə̂ gbo arə gbɛ̂, azü ndə̂ andjë wâtə̂ angbâa ndə̂ pî, azü ndə̂ andjë to angbongbo pö tə̂ angâ andjê, azü ndə̂ andjë kʉ rə tə̂ angâ andjê la gbôgbô, azü käko gbɛ̂ gboabô tchô bhâlə̂ Gbölö gö-gbïɛ̈ ndə̂ Ndjapä tee-a.

Dokʉ̈ Körɛ̂nte 6:13

Angâ azü tö ndjë rə̂ päkëdə̂: «Kɨ̈zɨ̂ wä bëte tchə̂lə̂, ânyë tchə̂lə̂ wâ bëte kɨ̈zɨ̂.» Ɛn-ɛn, praâbalë Ndjapä ândɨadje kɨ̈zɨ̂ la tchə̂lə̂. Käko tə̂ akrə wâbo ndə̂kə̂ pa tche za rə̂ sə̈ ɛ̈chë âdəndjë köchë katchôgbɛ̂-a. Tə̂ akrə wä bëte Gbölö Gbïɛ̈, ânyë Gbölö Gbïɛ̈ wâ bëte tə̂ akrə.

Dokʉ̈ Körɛ̂nte 6:9

Nyë wûn-âbo sə̂nə̈ pä azü ndə̂ andjë mbo ngbongbo rə gbôâbo tchô bhâlə̂ Gbölö gö-gbïɛ̈ ndə̂ Ndjapä? Nyë böloabô tə̂ nyê bôlo-ê: A-earə̂ kə̂ pu aɛ̈chë âdəndjë aköchë katchôgbɛ̂, azü ndə̂ andjë voga angakʉ̈lä, azü ndə̂ andjë pu aɛ̈chë âdəndjë aköchë ndə̂ angâ andjê, aköchë ndə̂ andjë lo la angâ andjê aköchë,

Dokʉ̈ Körɛ̂nte 7:29

Arə̂mä, pö ndə̂ më nyîndə̂ kə̂ to rə̂ wä kâkë: Adɨ̂ alö ngbâbo-a, angaâtə azü ndə̂ andjë wâ la ɛ̈chë, äwäpä andjë sə̈ âwûntî pä andjë wâbo la ɛ̈chë-a.

Bïchuû Körɛ̂nte 5:1

Ârâ wünsə̂ nə̈ tə̂ lëge nə̈ pä pâ cho âtə, tə̂ azə̂ ndə̂ akrə kʉ̂tə̂ yê la ndokʉ̈ ndə̂ âwâ ndə̂kə̂ ndɨ̂ndɨ̈. Azə̈ kä la ngâ nda bhâ lafô ndə̂ Ndjapä mbô rə̂ ndə̂ âwâ logbɛ̂ ndə̂ âdə̂âbo könô azü kä ndə̂ âmbô rə̂-a.

Bïchuû Körɛ̂nte 9:6

Äwäpä nyë wunsə̂ nə̈ päkëdə̂: Akrə ndə̂ tche lû andjî rəgʉ kpîɛ̂kpîɛ̂ rə̂, tche âsoa ndjë rə̂ kütû kpîɛ̂kpîɛ̂ rə̂. Akrə ndə̂ tche lû andjî rəgʉ tə̂ gbölösə̂nə̈, tche âsoa ndjë rə̂ tə̂ gbölösə̂nə̈!

Gälâte 3:17

Pö ndə̂ më nyîndə̂ kə̂ to rə̂ wä kâkë: Ndïɛ̈ ndə̂ âwûtu ngû ngbangbo voanə̈ la tchêpâ nə̈ tə̂ akrə gbɛ̂ la lə̂ könô gbɛ̂ (430) dəngbânə̈, wâbo la gbôgbô ndə̂kə̂ wrʉ madɨ̈ ndə̂ Ndjapä drô rə̂ dokʉ̈tchê alême-a. Âdə ârə̂ âwrʉ rə̂, dëkë bâlâ ndə̂ Ndjapä zâ rə̂ lə̂ madɨ̈ nə̈ lâme âwâ nə̂ ämbänə̈.

Gälâte 5:16

Nyë djë mê: Nyë gbötə̂ köbo sə̈ Yingö tche nyisə̂ köbo sə̈ nyê, käko nyê kä mbo bata rə lə̂ köbosə̂ ngbongbo gʉ su nyê tee-a.

Ëfêze 4:17

Më tö pö atə̂ sə̈ nyê, kə̈ nyîndə̂ nə̈ tə̂ lëge nə̈ la rə̈ Gbölö Gbïɛ̈ päkëdə̂: Nyë kä mbôâbô rə mbô batə̂ azü ndə̂ andjë wûn-âbo sə̂ Ndjapä wûn lâme-ê, ndə̂kə̂ wunsə̂ rə ndə̂ andjê wâ ämbämbänə̈ lâme-a.

Kölôse 2:4

Më tö apö âtə sə̈ nyê ndə̂kə̂ pa akrə balë boloabô nyê bôlo la ngâ tchôtchô pö-ê.

Bïchuû Timotë 4:18

Gbölö Gbïɛ̈ jiadje mê lə̂ angbongbo arə gbɛ̂, kə̂ tchadje mê bëte Gbölö gö-gbïɛ̈ ndə̂ yê ndə̂ âwâ bhâ lafô. Voga wätə̂ andə̂ ye nə̈ tə̂ logbɛ̂ logbɛ̂! Amin.