Dokʉ̈ Körɛ̂nte 15:5 - Mbëtï Ndjapä: TÄFO MADƗ̈

⁵ Tche wütu ëtə̂ Pîêre, pânə̈ tche wûtu ëtə̂ abadjângele lə̂ könô gbɛ̂ tchêpâ nə̈ bïchuû.

Dokʉ̈ Körɛ̂nte 15:5 Iomraidhean Croise

Mâreke 16:14

Pânə̈ gbɛ̂, Jezü mâtə̂ yê sə̈ adjisîpili lə̂ könô gbɛ̂ tchêpâ nə̈ balë, sə̂nə̈ ndə̂ andjë sə̂ lakə̂ zɨ kɨ̈zɨ̂. Jezü hrô la andjê päkëdə̂: «Nyë wä la gbôgbô su, kə̈ nyîâbo ndə̂kə̂ za su nyê sə̈ Ndjapä-a! Nyë gâmbabô pö ndə̂ andjanə̈ ndə̂ andjë wûn mê la tʉ̈rʉ̂ la mê ânyë kə̈ tô rə̂ sə̈ nyê-a.»

Jâan 1:42

La tchêngbâ nə̈ tche zâ Chemön kə̈ ê la tchë sə̈ Jezü. Jezü wûn Chemön kə̈ tô rə̂ sə̈ tchë päkëdə̂: «Mo də̈ Chemön modô ndə̂ Jâan. Azü â-eadje rə̂ tə̂ zə̈ pä Sëfâse. Rə̈ lâme nyïndə̂ kə̂ to rə̂ pä «Pîêre.»

Abadjângele 10:41

Tche mâbo tə̂ yê tə̂ azü gbɛ̂-a, praâbalë tche mätə̂ yê tə̂ ârâ ndə̂ Ndjapä ê ârâ dokʉ̈tchê ndə̂kə̂ pa ârâ sə sə̂ arə ndə̂ tche mbô rə̂. Ârâ ndə̂ ârâ zɨ̂ rə, kə̈ ndjô rə la tchë la tchêngbâ nə̈ ndə̂ tche jô lə̂ kuzü.

Dokʉ̈ Körɛ̂nte 1:12

Pö ndə̂ më nyîndə̂ kə̂ to rə̂ wä kâkë: Akrə balë balë lə̂ gbâtə̂ nyê tö pö ngbî ngbî. Ngânə̈ tö rə̂ päkëdə̂: «Më də̈ akrə ndə̂ Pôlo.» Ngânə̈ tô rə̂ päkëdə̂: «Më də̈ tchandə̂ Äpölôse.» Ngânə̈ tô andə̂ ye nə̈ päkëdə̂: «Më də̈ tchandə̂ Pîêre.» Ânyë ngânə̈ tô ndjë rə̂ päkëdə̂: «Më də̈ tchandə̂ Krîsiti.»

Dokʉ̈ Körɛ̂nte 3:22

Pôlo âdəndjë Äpölôse âdəndjë Pîêre âdəndjë tchêpâ cho gbɛ̂ âdəndjë kə̂ sə la tʉ̈rʉ̂ la âdəndjë kuzü âdəndjë tchô angêta âdəndjë tchêlâmbo, rə lâme gbɛ̂ də̈ andə̂ nye nə̈.

Dokʉ̈ Körɛ̂nte 9:5

Ârâ wâbo ndə̂kə̂ za ngâ ɛ̈chë ndə̂ tche wâtə̂ akrə ndə̂ Krîsiti po tə̂ ârâ, kə̂ nə la tchë batə̂ rə̂ ndə̂ angâ ârâ abadjângele la arə̂mâ ndə̂ Gbölö Gbïɛ̈ la Pîêre mbo rə̂ lâme?