Dokʉ̈ Körɛ̂nte 15:47 - Mbëtï Ndjapä: TÄFO MADƗ̈

⁴⁷ Dokʉ̈ akrə ndə̂ Ndjapä zâ cho ânyë kə̈ mbô tchë la rə̂, də̈ akrə tchêbêche. Bïchuû akrə nə̈ tö bhâ lafô ânyë kə̈ nə̂.

Dokʉ̈ Körɛ̂nte 15:47 Iomraidhean Croise

Matiyə̈ 1:23

«Bechë-ɛ̈chë ndə̂ tche wûn-âbô sə̂ aköchë wûn zadje güzu, kə̂ zɨadje bechë tə̂ köchë, a eadje rə̂ tə̂ yê pä Emanuwɛ̈le, ndə̂ âtô rə̂ pä Ndjapä kä la azə̂.»

Lûke 2:11

Angêta âtə lə̂ gö ndə̂ Davîdi, a zɨ̂ earə̂ kə̂ tcha nyê nə̂. Tche də̈ Krîsiti, Gbölö Gbïɛ̈.

Jâan 3:31

Akrə ndə̂ tche tô bhâ lafô ânyë kə̈ jrê, tche sə̈ pâ arə gbɛ̂. Akrə tchêbêche wätə̂ akrə tchêbêche, tche tö pö ndə̂ arə tchêbêche. [Akrə ndə̂ tche tô bhâ lafô, tche sə̈ pâ arə gbɛ̂].

Jâan 6:33

Bëte mâpa ndə̂ Ndjapä də̈ anə̈ ndə̂ âtô bhâ lafô ânyë kə̈ jrê ndə̂kə̂ za tchîsûwu sə̈ azü tchêbêche âtə.»

Abadjângele 10:36

Ndjapä wän pö ndə̂ yê sə̈ azü ndə̂ Isarayële: Pö nə̈ də̈ Tchôtchô Pö ndə̂ âza zɨtɨ su sə̈ akrə lə̂ köbosə̂ Jezü Krîsiti, tchetchë ndə̂ tche də̂ Gbölö Gbïɛ̈ ndə̂ azü gbɛ̂.

Dokʉ̈ Körɛ̂nte 15:45

Bëte rə̂ kä ndə̂ Mbëtï Ndjapä tô rə̂ päkëdə̂: «Adâme ndə̂ tche də̂ dokʉ̈ akrə, Ndjapä mbö rə̂ ânyë tche wâ la tʉ̈rʉ̂ la yê.» Bïchuû Adâme nə̈ də̈ Yingö ndə̂ tche za tchîsûwu sə̈ azü.

Dokʉ̈ Körɛ̂nte 15:46

Akrə ndə̂ tche nə̂ dokʉ̈tchê, tche də̂âbo akrə ndə̂ Yingö-a, tche də̈ mbämbä akrə, praâbalë akrə ndə̂ Yingö nə̈ la tchêngbâ nə̈.

Bïchuû Körɛ̂nte 5:1

Ârâ wünsə̂ nə̈ tə̂ lëge nə̈ pä pâ cho âtə, tə̂ azə̂ ndə̂ akrə kʉ̂tə̂ yê la ndokʉ̈ ndə̂ âwâ ndə̂kə̂ ndɨ̂ndɨ̈. Azə̈ kä la ngâ nda bhâ lafô ndə̂ Ndjapä mbô rə̂ ndə̂ âwâ logbɛ̂ ndə̂ âdə̂âbo könô azü kä ndə̂ âmbô rə̂-a.

Dokʉ̈ Timotë 3:16

Ɛn-ɛn, pö ndə̂ âwâ lə̂ küwû nə̈ pâ kə̂ zatə̂ andjê gbɛ̂ sə̈ Ndjapä, ndə̂ a wûtu la pö ndə̂nə̈ wä gbölö, ngâ akrə ndə̂kə̂ kosə̂ nə̈ sə̂âbo-a. Pö nə̈ wä kâkë: Krîsiti mätə̂ yê lə̂ tə̂ akrə, Kpɨ̂ki Yingö tô pö ndə̂ yê pä tche wä djîrə̂, aânje chêko tchë, a mu pö ndə̂ yê sə̈ azü ndə̂ andjë wâbô wâtə̂ ajuîfu, angbängbä azü pâ cho zä su andjê sə̈ tchë, Ndjapä kênga tchë lə̂ golowäre ndə̂ yê.