Dokʉ̈ Körɛ̂nte 15:45 - Mbëtï Ndjapä: TÄFO MADƗ̈

⁴⁵ Bëte rə̂ kä ndə̂ Mbëtï Ndjapä tô rə̂ päkëdə̂: «Adâme ndə̂ tche də̂ dokʉ̈ akrə, Ndjapä mbö rə̂ ânyë tche wâ la tʉ̈rʉ̂ la yê.» Bïchuû Adâme nə̈ də̈ Yingö ndə̂ tche za tchîsûwu sə̈ azü.

Dokʉ̈ Körɛ̂nte 15:45 Iomraidhean Croise

Jâan 1:4

Tchîsûwu kä lə̂ yê, tchîsûwu nə̈ lâme wätə̂ ngbänga ndə̂ âta bëte azü.

Jâan 10:10

Earə̂ ngbä nə̈ kütû ndə̂kə̂ zɨ ngbä, kə̂ won akrə, kə̂ ndɨ rə. Mëmê, më nə̈ ndə̂kə̂ pa azü wa la tchîsûwu, kə̂ wa la rə̂ âro masə̂nə̈.

Jâan 10:28

Më zä tchîsûwu ndə̂ logbɛ̂ logbɛ̂ sə̈ andjê, andjê tchuabô balë tee-a, ânyë ngâ akrə balë krʉabô andjê tchânə̂ mê tee-a.

Jâan 14:19

Lə̂ kpîɛ̂kpîɛ̂ lö, azü tchêbêche kä wun-abô mê tee-a. Praâbalë andə̂ nye nə̈, nyê wun-adje mê. Bëte më kä la tchîsûwu, nyënyê ndjë gbɛ̂, nyê wadje la tchîsûwu.

Jâan 14:6

Jezü tô rə̂ sə̈ tchë päkëdə̂: «Më wätə̂ köbo nə̈ la lëge pö la tchîsûwu. Ngâ akrə balë wâbo ndə̂kə̂ e pu Bha mê lə̂ ngâ köbo ngbî-a, kütû lə̂ köbosə̂ mê.

Jâan 4:10

Jezü tô rə̂ ndə̂nə̈ sə̈ tchë päkëdə̂: «Âdə mo âwunsə̂ rə ndə̂ Ndjapä za rə̂ sə̈ azü, ânyë kə̈ wûnsə̂ akrə ndə̂ tche yûkû ngû tchânə̂ zə̈ ndə̂kə̂ ndjo rə̂ âtə, dëkë momö kä ndə̂ âyukû ngû nə̈, ânyë tche za ngû ndə̂ âza tchîsûwu sə̈ mö.»

Jâan 4:14

Praâbalë akrə ndə̂ tche ndjô ngû ndə̂ mê zadje rə̂ sə̈ tchë, gʉ ngû âkä nyu bata tchë tee-a. Ngû ndə̂ mê zadje rə̂ sə̈ tchë wadje lə̂ yê batə̂ küma ngû, ndə̂ tchîsûwu ndə̂ logbɛ̂ logbɛ̂ wutu lə̂nə̈.»

Jâan 5:21

Bëte Bha jö akuzü, kə̈ mbô rə̂ ndə̂kə̂ pa andjë sə la tʉ̈rʉ̂ la andjê. Modô nə̈ ndjë gbɛ̂ zä tchîsûwu sə̈ akrə batə̂ rə̂ ndə̂ su yê nyîndə̂ nə̈.

Jâan 6:33

Bëte mâpa ndə̂ Ndjapä də̈ anə̈ ndə̂ âtô bhâ lafô ânyë kə̈ jrê ndə̂kə̂ za tchîsûwu sə̈ azü tchêbêche âtə.»

Jâan 6:54

Akrə ndə̂ tche zɨ̂ mbë mê ânyë kə̈ ndjô jï mê, tche âwa la tchîsûwu ndə̂ logbɛ̂ logbɛ̂. Käko mëmê, mê joadje tchë lə̂ kuzü lə̂ adɨ̂ alö.

Jâan 6:57

Bha mê ndə̂ tche wân mê kä la tchîsûwu, ânyë më kä la tchîsûwu lə̂ köbosə̂ yê. Käko ndjë, akrə ndə̂ tche zɨ̂ mbë mê, tche kä la tchîsûwu lə̂ köbosə̂ mê.

Jâan 6:63

Yingö kä ndə̂ âmbo rə̂ pä akrə wa la tchîsûwu. Mbë akrə wâbo ndə̂kə̂ mbo ngâ rə-a. Apö ndə̂ më tô rə̂ sə̈ nyê lâme wätə̂ apö ndə̂ Yingö la apö ndə̂ âza tchîsûwu.

Jâan 6:68

Chemôn-Pîêre tô rə̂ ndə̂nə̈ sə̈ tchë päkëdə̂: «Gbölö Gbïɛ̈, ârâ âe pu tchabâ? Apö ndə̂ âza tchîsûwu ndə̂ logbɛ̂ logbɛ̂ kä lə̂ ma zə̈.

Abadjângele 3:15

Nyë wön makündji ndə̂ tche za tchîsûwu sə̈ akrə, praâbalë Ndjapä jô tchë lə̂ kuzü, azə̈ wûn rə̂ la la azə̂ nə̂ gbɛ̂.

Rômo 5:17

Tə̂ lëge nə̈, lə̂ köbosə̂ akrə balë, bëte kə̂ mbo ngbongbo rə ndə̂ akrə balë, kuzü wâ la kümändëmä pâ azü gbɛ̂. Praâbalë lə̂ köbosə̂ akrə balë ndə̂ tche də̂ Jezü Krîsiti, azü gbö arə tə̂ gbölösə̂nə̈. Käko ndjë, ngâ rə balë wâbo ndə̂ âkitə̂ köbo tə̂ andjanə̈ ndə̂ andjë gbô arə lə̂ köbosə̂ tchôtchô su ndə̂ Ndjapä, la andjanə̈ ndə̂ andjë wâ djîrə̂ lə̂ la yê ndə̂kə̂ wa la tchîsûwu-a, ndjë ndə̂kə̂ mbo kümändëmä la tchë-a.

Rômo 5:21

Dokʉ̈tchê alême, ngbongbo rə wä la kümändëmä ndə̂kə̂ won azü. Käko ndjë, tchôtchô su ndə̂ Ndjapä wä angaâtə la kümändëmä ndə̂kə̂ mbo rə̂ ânyë azü wa djîrə̂. Käko azə̈ wä la tchîsûwu ndə̂ logbɛ̂ logbɛ̂ lə̂ köbosə̂ Jezü Krîsiti, Gbölö Gbïɛ̈ ndə̂ azə̂.

Rômo 8:2

Bëte ndïɛ̈ ndə̂ Yingö zä tchîsûwu sə̈ akrə lə̂ köbosə̂ nə̈ ndə̂ akrə wâ balë la Jezü Krîsiti. Ndïɛ̈ ndə̂ Yingö nə̈ jî mê tchâtchâ ndïɛ̈ ndə̂ ngbongbo rə la andə̂ kuzü nə̂.

Dokʉ̈ Körɛ̂nte 15:46

Akrə ndə̂ tche nə̂ dokʉ̈tchê, tche də̂âbo akrə ndə̂ Yingö-a, tche də̈ mbämbä akrə, praâbalë akrə ndə̂ Yingö nə̈ la tchêngbâ nə̈.

Fïlîpe 3:21

Tchê mboadje rə̂ pä tə̂ azə̂ ndə̂ ganô âtə wa batə̂ tə̂ yê ndə̂ tchêlafô. Lə̂ köbosə̂ gbôgbô ndə̂ yê, ndə̂ âmbo rə̂ pä tche kʉ arə gbɛ̂ tchâtchâ kümändëmä ndə̂ yê.

Kölôse 3:4

Krîsiti wätə̂ tchîsûwu ndə̂ nyê. Tə̂ lo nə̈ ndə̂ tche ka, nyê wutuadje la tchë balë ndə̂kə̂ sə la tchë lə̂kə̂ wa gbölö ndə̂ yê.

Aheborö 9:14

Âdə rə nə̈ âwa käko, jï Krîsiti âwa la gbôgbô tə̂ gbölösə̂nə̈ ndə̂kə̂ mbo kua kə̂ ro adɨ̂ arə lâme gbɛ̂! Lə̂ köbosə̂ Kpɨ̂ki Yingö ndə̂ âwâ logbɛ̂ logbɛ̂, Krîsiti zâtə̂ yê batə̂ ngela ndə̂ âdâka gbɛ̂. Jï yê djutuadje kə̂ rɨ tchə̂lə̂ su azə̂ ndə̂ âwâ la kâkpö ânyë kə̂ ka la azə̂ pu kuzü lâme. Käko azə̂ mboadje rə̂ la Ndjapä ndə̂ tche wâ la tʉ̈rʉ̂ la yê.

Apökälîbïchi 16:3

Bïchuû ânje nə̈ sû arə ndə̂ âwâ lə̂ kangûchi ndə̂ yê lə̂ gbölö ngû ngbro. Ngû nə̈ dôtə̂ yê batə̂ jï krʉkrʉ akrə, ânyë agia gbɛ̂ ndə̂ andjë wâ la tʉ̈rʉ̂ la lə̂ gbölö ngû ngbro tchû-ê.

Apökälîbïchi 21:6

Tche kâ tô rə̂ sə̈ mê päkëdə̂: «A mbô rə̂ nə̂! Më wätə̂ kêsâ nə̈, kə̈ wâtə̂ kə̂ ka ndə̂nə̈, më wä dokʉ̈tchê tə̂ arə gbɛ̂, kə̂ wâtə̂ adɨ̂ arə gbɛ̂. Akrə ndə̂ tchə̂lə̂ gɨ̈ yê hrô la gʉ ngû, mê zadje küma ngû ndə̂ âza tchîsûwu sə̈ tchë ndə̂kə̂ pa tche ndjo rə̂ ämbämbänə̈.

Apökälîbïchi 22:1

Ânje nə̈ nyîsə̂ gbölö ngû ndə̂ âza tchîsûwu sə̈ azü sə̈ mê, ndə̂ âsə̂ lakə̂ tcho batə̂ krïstâle, ndə̂ âsə̂ lakə̂ bro jîi tə̂ ngendë-gbïɛ̈ ndə̂ Ndjapä la andə̂ Ngbavö Ɛ̈bro-ngbaga nə̈.

Apökälîbïchi 22:17

Yingö la Ɛ̈chë ndə̂ köchë lâme tö rə̂ päkëdə̂: «Nə atâ!» Äwäpä akrə ndə̂ tche djê pö âtə to ndjë rə̂ päkëdə̂: «Nə atâ!» Akrə ndə̂ gʉ ngû nyû tchë, äwäpä tche nə atâ; akrə ndə̂ tche nyîndə̂ ngû ndə̂ âza tchîsûwu sə̈ akrə, äwäpä tche nə kə̂ ndjo rə̂ ämbämbänə̈.