Dokʉ̈ Körɛ̂nte 15:42 - Mbëtï Ndjapä: TÄFO MADƗ̈

⁴² Rə nə̈ wä ndjë käko tə̂ pö ndə̂kə̂ jo ndə̂ akuzü: Tə̂ ndə̂ a chî rə̂ wätə̂ tə̂ ndə̂ ândɨ, tə̂ ndə̂ âjo lə̂ kuzü, âkä ndɨ bata tee-a.

Dokʉ̈ Körɛ̂nte 15:42 Iomraidhean Croise

Matiyə̈ 13:43

Pânə̈ adjîrə̂ azü tadje tä batə̂ lo lə̂ Gbölö gö-gbïɛ̈ ndə̂ Bha andjê. Akrə ndə̂ tche wâ la tü ndə̂kə̂ dje pö, äwäpä tche dje pö âtə.»

Abadjângele 2:27

Bëte mô gboabô tə̂ mê bhâsə̂ tchô ndə̂ akuzü tee-a, mô gboabô tə̂ akrə ndə̂ zə̈ ndə̂ tche dâka gbɛ̂, ndə̂kə̂ pa tche fo lə̂ cho akuzü tee-a.

Abadjângele 2:31

Davîdi wünsə̂ nə̈ dokʉ̈tchê pä Krîsiti joadje lə̂ kuzü, ârə̂ kä ndə̂ tche tô rə̂ päkëdə̂: ‹Ndjapä gboabô tə̂ anyë bhâsə̂ tchô ndə̂ akuzü tee-a, tchê gboabô tə̂ anyê, ânyë tə̂ anyê fo lə̂ cho akuzü tee-a.›

Rômo 1:23

Ndə̂kə̂ pa andjë voga gbölö ndə̂ Ndjapä ndə̂ tche wâ la tchîsûwu ndə̂ logbɛ̂ logbɛ̂, andjë gbôtâ kə̂ voga kütû anyîsɨ̂ arə ndə̂ âkʉ̂ akrə ndə̂ tche wâ ndə̂kə̂ tchu, rə ndə̂ âkʉ̂ nyïɛ̈nə̈ la agia ndə̂ da andjê gû voanə̈ la agia ndə̂ andjë hro bêche.

Rômo 2:7

Angâ azü rʉ̈ätə̂ su andjê lə̂ agbôgbô arə ndə̂kə̂ mbo tchôtchô rə ndə̂kə̂ pa Ndjapä voga andjê ânyë kə̂ lusə̂ andjê. Andjë pü tchîsûwu ndə̂ ândɨ̂âbô ndɨ̂-î. Ndjapä âzadje tchîsûwu ndə̂ logbɛ̂ logbɛ̂ sə̈ andjê.

Rômo 8:21

bëte rə̂ ndə̂ a jiadje andjê tchâtchâ rə ndə̂ âmbo andjê tə̂ ngbâa ânyë kə̂ ndɨ andjê lâme. Andjê liadje lə̂kə̂ wa gbölö ndə̂ abechë ndə̂ Ndjapä, ndə̂ andjë wûtu tchâtchâ ngbâa.

Dokʉ̈ Körɛ̂nte 15:41

Kə̂ ta ndə̂ lo wä ngbî, kə̂ ta ndə̂ nyîpï wâ ndjë ngbî, kə̂ ta ndə̂ akêkêrə̂ wä ngbî, ndjë lə̂ gbâtə̂ akêkêrə̂, kə̂ ta ndə̂ andjê wä ngbî ngbî tə̂ angâ andjê.

Gälâte 6:8

Âdə ngâ akrə âlu angbongbo arə ndə̂ gʉ su yê la tə̂ yê, ndjî rəgʉ ndə̂ tchê soadje rə̂ ngbânə̈, ädə̈ arə ndə̂ ngbongbo gʉ su yê mbô rə̂, ndə̂ ânyîndə̂ kə̂ to rə̂ pä kuzü. Praâbalë âdə tche âlu arə ndə̂ Yingö, ndjî rəgʉ ndə̂ tche soadje rə̂ ngbânə̈ ädə̈ ndjî rəgʉ ndə̂ Yingö, ndə̂ ânyîndə̂ kə̂ to rə̂ päkëdə̂: Tchîsûwu ndə̂ logbɛ̂ logbɛ̂.

Dokʉ̈ Pîêre 1:4

Azə̈ krʉ̈ bëte atchôtchô arə ndə̂ Ndjapä kʉ̂ rə̂ pra azə̂ bhâ lafô. Arə nə̈ lâme wâbo ndə̂kə̂ ndɨ̂ndɨ̈-a, ngâ ngbongbo rə grʉ̂âbo rə̂-a, kə̂ fu ndə̂nə̈ wâbo ndjë ndə̂kə̂ ro-a.