Dokʉ̈ Körɛ̂nte 15:4 - Mbëtï Ndjapä: TÄFO MADƗ̈

⁴ a chï tchë, lə̂ lö vötaâ, tche jô lə̂ kuzü, batə̂ rə̂ ndə̂ Mbëtï Ndjapä tô rə̂.

Dokʉ̈ Körɛ̂nte 15:4 Iomraidhean Croise

Matiyə̈ 12:40

Käko batə̂ rə̂ ndə̂ Jönâse mbô lö vötaâ la tchə̂lə̂ bütchî vötaâ bhâlə̂ gbölö giangû lâme. Modô ndə̂ Akrə âmboadje ndjë lö vötaâ la tchə̂lə̂ bütchî vötaâ lə̂ cho.

Matiyə̈ 16:21

Tə̂ lo nə̈ lâme, Jezü jêtə̂ kə̂ to rə̂ kraâ sə̈ adjisîpili ndə̂ yê päkëdə̂: «Äwäpä më e atə̂ Jerûzalêmo ndə̂kə̂ wun yûkü tə̂ gbölösə̂nə̈ tchânə̂ akpôkpô azü la agbölö a-earə̂ kə̂ wa ngela sə̈ Ndjapä la a-earə̂ kə̂ nyisə̂ ndïɛ̈. Andjê won-adje mê, lə̂ lö vötaâ la tchêngbâ nə̈, mê joadje.»

Matiyə̈ 20:19

Andjê gboadje tə̂ yê tchânə̂ azü ndə̂ andjë wâbô wâtə̂ ajuîfu ndə̂kə̂ pa andjë mo tchë, kə̂ bhi tchë la föröngbö, kə̂ won tchë pâ yö ndə̂ gba. Lö vötaâ la tchêngbâ nə̈ tchê joadje lə̂ kuzü.»

Mâreke 9:31

Bëte tche sə̈ lakə̂ nyisə̂ rə sə̈ adjisîpili ndə̂ yê, lakə̂ to rə̂ sə̈ andjê päkëdə̂: «A âgboadje tə̂ Modô ndə̂ Akrə ëtchânə̂ azü, andjê won-adje tchë, lö vötaâ la tchêngbâ nə̈, tchê joadje lə̂ kuzü.»

Lûke 24:26

Âwâbo la köbo nə̈ pä Krîsiti wun yûkü dokʉ̈tchê ânyë kə̂ gbo voga ndə̂ yê?»

Lûke 24:46

Tche tô rə̂ sə̈ andjê päkëdə̂: «A mbö rə̂ lə̂ Mbëtï Ndjapä alême päkëdə̂: Äwäpä Krîsiti wun yûkü ânyë kə̂ jo lə̂ kuzü lə̂ lö vötaâ nə̈.

Lûke 9:22

Tche kä tô rə̂ päkëdə̂: «Äwäpä Modô ndə̂ Akrə wun yûkü tə̂ gbölösə̂nə̈. Akpôkpô azü la agbölö a-earə̂ kə̂ wa ngela sə̈ Ndjapä la a-earə̂ kə̂ nyisə̂ ndïɛ̈ koadje sə̂ yê. A âwon-adje tchë, ânyë pâ lö vötaâ tchê joadje lə̂ kuzü.»

Jâan 19:38

Pânə̈ Jozêfu akrə gö ndə̂ Arimatë ê kə̈ yû Pïlâte ndə̂kə̂ za krʉkrʉ Jezü. Jozêfu wätə̂ ngâ djisîpili ndə̂ tche zâ tchêngbâ Jezü lə̂ küwû nə̈, bëte tche mbö wawa ajuîfu. Pïlâte gâmba rə̂. Käko Jozêfu ê kə̈ zû krʉkrʉ Jezü nə̈.

Abadjângele 1:3

La tchêngbâ kuzü yê, tche mätə̂ yê alême sə̈ andjê lə̂ aköbo ngbî ngbî, ânyë kə̈ nyîsə̂ nə̈ sə̈ andjê pä anyë kä la tʉ̈rʉ̂ la anyê. Lə̂ alö tə̂ azü bïchuû, tche mâtə̂ yê tə̂ andjê, ânyë kə̈ sə̂ lakə̂ to pö pâ Gbölö gö-gbïɛ̈ ndə̂ Ndjapä sə̈ andjê.

Abadjângele 17:31

Tche nyîkrə ngâ lö nə̂ ndə̂ tchê wadje ngbanga ndə̂ azü gbɛ̂ djîrə̂ lə̂ köbosə̂ akrə ndə̂ tche nyîsə̂ yê. Tche nyïsə̂ nə̈ sə̈ azü lə̂ köbosə̂ nə̈ ndə̂ tche jô tchë lə̂ kuzü.»

Rômo 6:4

Käko, lə̂ köbosə̂ batɛ̂me, a chï azə̂ balë la Krîsiti, ânyë azə̈ wâ balë la tchë lə̂ köbosə̂ kuzü ndə̂ tche tchû rə̂. Praâbalë Krîsiti jö lə̂ kuzü lə̂ köbosə̂ gbôgbô ndə̂ Bha ndə̂kə̂ pa azəzə̂ ndjë gbɛ̂, azə̈ sə la täfo tchîsûwu.

Kölôse 2:12

Lə̂ köbosə̂ batɛ̂me ndə̂ nyë gbô rə̂, a chî nyê la Krîsiti nə̂, ânyë nyë jô lə̂ kuzü balë la tchë nə̂, bëte rə̂ ndə̂ nyë zâ su nyê pâ gbôgbô ndə̂ Ndjapä ndə̂ tche jô Krîsiti lə̂ kuzü.

Aheborö 13:20

Ndjapä ndə̂ tche za zɨtɨ su sə̈ akrə, tche mbö rə̂ pä Gbölö Gbïɛ̈ ndə̂ azə̂ Jezü jo lə̂ kuzü ânyë kə̈ wâtə̂ gbölö earə̂ kə̂ bata aɛ̈bro-ngbaga, lə̂ köbosə̂ jï yê ndə̂ tche zâ rə̂ la ngela, ânyë âbâta madɨ̈ ndə̂ âwâ pïï etə̂.

Dokʉ̈ Pîêre 1:11

Yingö ndə̂ Krîsiti kä lə̂ a-earə̂ ndə̂ma Ndjapä ânyë andjë nyïsə̂ nə̈ dokʉ̈tchê, pö ndə̂ yûkü ndə̂ Krîsiti wun-adje rə̂, ndjë lakə̂ lusə̂tə̂ ndə̂ tchê gboadje rə̂ ngbâ yûkü nə̈. Ädə̈ käko ânyë andjë sə̂ lakə̂ pu köbo gbɛ̂ ndə̂kə̂ wunsə̂ lö ndə̂kə̂ wutu ndə̂ arə nə̈ ndə̂ Yingö tô pö ndə̂nə̈ lâme, kə̈ pû ndjë köbo ndə̂kə̂ wunsə̂ nə̈ pä atöko kä ndə̂ arə nə̈ wûtu la rə̂?