Dokʉ̈ Körɛ̂nte 15:36 - Mbëtï Ndjapä: TÄFO MADƗ̈

³⁶ Ngbɨ̈lə̈ akrə! Ndjî rəgʉ ndə̂ mo lu rə̂, ârə̂ âtchu ânyë kə̂ wutu tə̂ täfo nə̈.

Dokʉ̈ Körɛ̂nte 15:36 Iomraidhean Croise

Lûke 11:40

Nyënyê ndə̂ küma nyê wâbô wâ lanə̈ âtə! Ndjapä ndə̂ tche mbô tchô də sûwu, tche mbôâbo ndjë tchô dələ̂nə̈?

Lûke 12:20

Praâbalë Ndjapä tô rə̂ sə̈ tchë päkëdə̂: ‹Köchë ndə̂ küma zə̈ wâbô wâ lanə̈ âtə! Lə̂ bütchî âtə, a âyuadje kû vrö zə̈. Ânyë arə ndə̂ zə̈ gbɛ̂ ndə̂ mo bâta rə̂ lâme, mo bäta rə̂ bëte tchabâ?›»

Lûke 24:25

Käko Jezü tô rə̂ sə̈ andjê päkëdə̂: «Nyënyê ndə̂ azü ndə̂ küma nyê wâbô wâ lanə̈ âtə, pö gbɛ̂ ndə̂ a-earə̂ ndə̂ma Ndjapä tô rə̂ alême, nyë gâmbabô rə̂ gasa-a!

Jâan 12:24

Ɛn-ɛn, tə̂ lëge nə̈ më tö rə̂ sə̈ nyê: Âdə ngâ ndjî rəgʉ balë âte lə̂ cho ânyë kə̈ tchûâbô tchû-ê, ârə̂ âwa la kütû yê. Âdə ndjî rəgʉ lâme âtchu, ârə̂ âkä le alêlê nə̈ tə̂ gbölösə̂nə̈.

Rômo 1:22

Andjë wüntî pä anyë wätə̂ azü ndə̂ küma andjê wâ lanə̈, dëkë andjë wätə̂ a-earə̂ nyî.

Dokʉ̈ Körɛ̂nte 15:37

Rə ndə̂ mo lu rə̂ də̂âbo yö rəgʉ nə̈ ndə̂ âkʉ-a, praâbalë ädə̈ kütû mbämbä ndjî rəgʉ nə̈, ndjî blë âdəndjë ngâ ndjî rəgʉ ngbî.

Ëfêze 5:15

Äwäpä la nyê gbo pâ kə̂ sə ndə̂ nyê: Nyë mböäbô rə mbô batə̂ angbɨ̈lə̈ azü-î, praâbalë nyë mbö rə batə̂ azü ndə̂ küma andjê wâ lanə̈.

Jâke 2:20

Momö ndə̂ küma zə̈ wâbô wâ lanə̈ âtə, mo nyïndə̂ nə̈ pä më nyisə̂ nə̈ sə̈ mö pä kə̂ za su zə̈ sə̈ Krîsiti ndə̂ âwâbô wâ la kua ndə̂ yê tâ lâme wä kütû bhuu-ë?