Dokʉ̈ Körɛ̂nte 15:33 - Mbëtï Ndjapä: TÄFO MADƗ̈

³³ Nyë böloabô tə̂ nyê bôlo-ê: «Mo âmbo agü la ngbongbo akrə, kə̂ wadje tə̂ ngbongbo akrə.»

Dokʉ̈ Körɛ̂nte 15:33 Iomraidhean Croise

Matiyə̈ 24:11

Akpûlû a-earə̂ ndə̂ma Ndjapä ndə̂ yepa ânəadje ndə̂kə̂ bolo azü tə̂ gbölösə̂nə̈.

Matiyə̈ 24:24

Bëte angâ amesï ndə̂ yepa la a-earə̂ ndə̂ma Ndjapä ndə̂ yepa nəadje. Andjê mboadje asɨ̂nyî rə la arə ndə̂ âropâ küma azü, ndə̂kə̂ bolo azü, âdə köbo âwa, andjë bolo ndjë azü ndə̂ Ndjapä dɨ̂ andjê.

Matiyə̈ 24:4

Jezü tô rə̂ ndə̂nə̈ sə̈ andjê päkëdə̂: «La nyê gbö-ê, ngâ akrə böloabô nyê bôlo-ê.

Dokʉ̈ Körɛ̂nte 5:6

Rə ndə̂ nyê bhi gogo nyê tə̂ pö ndə̂nə̈ lâme dâkabô-a! Nyë wûn-âbo sə̂nə̈ pä kütû kpîɛ̂kpîɛ̂ djëvö ndə̂ âwâ lə̂ zûwü farîni kä ndə̂ âmbo rə̂ pä farîni nə̈ suku?

Dokʉ̈ Körɛ̂nte 6:9

Nyë wûn-âbo sə̂nə̈ pä azü ndə̂ andjë mbo ngbongbo rə gbôâbo tchô bhâlə̂ Gbölö gö-gbïɛ̈ ndə̂ Ndjapä? Nyë böloabô tə̂ nyê bôlo-ê: A-earə̂ kə̂ pu aɛ̈chë âdəndjë aköchë katchôgbɛ̂, azü ndə̂ andjë voga angakʉ̈lä, azü ndə̂ andjë pu aɛ̈chë âdəndjë aköchë ndə̂ angâ andjê, aköchë ndə̂ andjë lo la angâ andjê aköchë,

Gälâte 6:7

Nyë böloabô tə̂ nyê bôlo-ê: Akrə wâbo ndə̂kə̂ mo Ndjapä-a, bëte rə ndə̂ akrə lû rə̂, tchê soadje ndjî nə̈.

Ëfêze 5:6

Âwâbo pä azü bolo nyê la ambämbä pö-a: Arə käko lâme gbɛ̂ kä ndə̂ ânə la mêrâ ndə̂ Ndjapä pâ azü ndə̂ andjë kôsə̂ pö ma yê.

Bïchuû Tësälönîke 2:10

Tchê mboadje angbongbo arə ngbî ngbî ndə̂kə̂ bolo azü ndə̂ andjë wâ lə̂ köbo kuzü, andjë wä ndə̂kə̂ tchu bëte andjë kösə̂ kə̂ gbo lëge pö ndə̂ âwâ âme ndə̂kə̂ tcha andjê, kə̈ nyîâbo ndə̂nə̈-a.

Aheborö 12:15

La nyê gbö-ê, ânyë ngâ akrə dodoabô tə̂ yê dôdo tə̂ tchôtchô su ndə̂ Ndjapä-ê. Âwâbo pä ngâ akrə wa batə̂ soabe, ndə̂ ndôngâ yê wutu ânyë kə̂ ndɨ angbängbä azü-a.

Bïchuû Pîêre 2:2

Angbängbä azü âzadje tchêngbâ a-earə̂ kə̂ nyisə̂ rə ndə̂ yepa lâme la ngbongbo kə̂ mbotə̂ andjê, tə̂ pö ndə̂ azü käko kä ndə̂ azü âdroadje köbo lëge pö.

Apökälîbïchi 12:9

A yî gbölö gia ndə̂ tche wâ batə̂ mbölëngä lâme atə̂ bêche. Tchetchë kä ndə̂ âwâtə̂ bəndɨ ɛ̈krʉ̂ ndə̂ a ê rə̂ tə̂ yê pä Jâbolo, Satäa earə̂ kə̂ bolo azü pâ cho gbɛ̂. A yî tchë atə̂ bêche, tchetchë la aânje ndə̂ yê.