Dokʉ̈ Körɛ̂nte 15:32 - Mbëtï Ndjapä: TÄFO MADƗ̈

³² Âdə mê âza su mê kütû pâ pö ndə̂ azü, dju kʉ̈ʉ̈ ndə̂ mê mbô rə̂ la azü ndə̂ Ëfêze ndə̂ andjë wâ batə̂ agia güsü lâme də̈ nə̈bâ? Âdə azü âjoabô jô lə̂ kuzü, käko batə̂ rə̂ ndə̂ azü to rə̂, «azə̈ zɨ̈ rə, kə̂ ndjo rə, bëte lâmbo azə̂ âtchû tchü.»

Dokʉ̈ Körɛ̂nte 15:32 Iomraidhean Croise

Lûke 12:19

Käko më âto rə̂ sə̈ mê la tə̂ mê päkëdə̂: Momö, rə ndə̂ zə̈ kä tâ tə̂ gbölösə̂nə̈, ârə̂ âmbo angbängbä ngû. Amö yatə̂ zə̈, kə̂ zɨ rə, kə̂ ndjo rə, kə̂ vu ngɨ̈.›

Lûke 9:25

Âdə ngâ akrə âgbo arə tchêbêche âtə gbɛ̂, ânyë kə̈ tchû, âdəndjë rə̂ ndə̂ tchîsûwu ndə̂ yê ndɨ̂, giamâ kä ndə̂ tche gbo rə̂ ngbânə̈?

Abadjângele 18:19

Andjë wûtu bhâ Ëfêze, Pôlo gbôtə̂ Äkïlâse la Prïsîye tchâme. Tche ê atə̂lə̂ nda kə̂ voga Ndjapä ndə̂ ajuîfu kə̈ sə̂ lakə̂ to pö sə̈ ajuîfu.

Abadjângele 18:21

Ndə̂ tche gbôtə̂ andjê ndə̂kə̂ ro, tche tô rə̂ sə̈ andjê päkëdə̂: «Âdə Ndjapä ânyində̂ nə̈, mê kadje tə̂ngâlo ndə̂kə̂ wun nyê.» Tche â lə̂ batöo bhâ Ëfêze kə̈ rô etə̂.

Abadjângele 19:1

Tə̂ lo nə̈ ndə̂ Äpölôse ndə̂po bhâ Körɛ̂nte, Pôlo rô lə̂ köbo ndə̂ aga wâ tâ, kə̈ wûtu bhâ Ëfêze, tche gbô angâ adjisîpili bhâye.

Rômo 3:5

Praâbalë âdə kə̂ mbo ngbongbo rə ndə̂ azə̂ ânyisə̂ kə̂ wa djîrə̂ ndə̂ Ndjapä lə̂ la azü gbɛ̂ ësûwu, azə̂ âto rə̂ atöko? Azə̈ âtoadje rə̂ pä, Ndjapä wâbo djîrə̂ bëte mêrâ ndə̂ yê ndə̂ âtê pâ azə̂ lâme? (Më tö pö lâme batə̂ rə̂ ndə̂ azü to rə̂.)

Rômo 6:19

Pö ndə̂ mê to rə̂ âtə, më tö rə̂ batə̂ rə̂ ndə̂ azü to rə̂ bëte kə̂ dje tchə̂lə̂ pö ndə̂ nyê kâkä. Dokʉ̈tchê alême, nyë zätə̂ nyê la ngbâa ndə̂kə̂ mbo arə ganô la arə ndə̂ âwâbô wâ lə̂ köbo nə̈-ê. Arə nə̈ lâme mbö rə̂ pä nyë kôsə̂ pö ma Ndjapä. Angaâtə, äwäpä nyë za ndjë tə̂ nyê la ngbâa ndə̂kə̂ mbo adjîrə̂ rə ndə̂ âmbo rə̂ pä kə̂ sə ndə̂ nyê wa ngbî bëte Ndjapä.

Dokʉ̈ Körɛ̂nte 16:8

Praâbalë mê âsə ndjë bhâ Ëfêze zoo ëtə̂ lö kpülü ndə̂ Päntëkôte.

Gälâte 3:15

Arə̂mä, më nyïndə̂ kə̂ to rə̂ kâkë pâ kə̂ mbo rə ndə̂ azü: Âdə ngâ akrə âdro madɨ̈ lə̂ köbosə̂ ndïɛ̈, ngâ akrə balë ndə̂ tche kosə̂ nə̈ âdəndjë rə̂ ndə̂ tche zâ ngâ pö ëpânə̈ wâbo balë-a.

Bïchuû Pîêre 2:12

Praâbalë andjë mbö rə batə̂ andə̂ agia ndə̂ andjë wûn-âbo sə̂ rə wûn-î, ânyë a dɨ̂ tchîsûwu ndə̂ andjê dokʉ̈tchê nə̂ ndə̂kə̂ pa a kʉ andjê kə̂ won andjê. Andjë drö rə ndə̂ andjë wûn-âbô sə̂nə̈ wûn-î, andjê foadje batə̂ aföfö agia.

Jûde 1:10

Praâbalë azü lâme, andjë drö arə ndə̂ andjë wûn-âbô sə̂nə̈ wûn-î. Anə̈ ndə̂ andjë wûnsə̂ nə̈, andjë wünsə̂ nə̈ batə̂ agia ndə̂ andjë wûn-âbô sə̂ rə wûn-î. Rə lâme ndjë gbɛ̂ wä kütû ndə̂kə̂ ndɨ andjê.