Dokʉ̈ Körɛ̂nte 15:3 - Mbëtï Ndjapä: TÄFO MADƗ̈

³ Dokʉ̈ rə ndə̂ më nyîsə̂ nə̈ sə̈ nyê də̈ pö ndə̂ mëmê la tə̂ mê më gbô rə̂: Krîsiti tchü bëte ngbongbo rə ndə̂ azə̂, batə̂ rə̂ ndə̂ Mbëtï Ndjapä tô rə̂,

Dokʉ̈ Körɛ̂nte 15:3 Iomraidhean Croise

Matiyə̈ 26:24

Modô ndə̂ akrə âtchuadje batə̂ rə̂ ndə̂ a mbô rə̂ lə̂ Mbëtï Ndjapä pâ yê. Praâbalë nyonyo kä tə̂ akrə ndə̂ tche yosə̂ Modô ndə̂ Akrə! Äkʉ̈sə̂ nə̈ pä akrə käko, a zɨabô tchë zɨ̂-î.»

Matiyə̈ 26:28

bëte rə âtə də̈ jï mê, jï madɨ̈ ndə̂ âtû bëte kə̂ ko pö lə̂ küma angbängbä azü.

Lûke 24:25

Käko Jezü tô rə̂ sə̈ andjê päkëdə̂: «Nyënyê ndə̂ azü ndə̂ küma nyê wâbô wâ lanə̈ âtə, pö gbɛ̂ ndə̂ a-earə̂ ndə̂ma Ndjapä tô rə̂ alême, nyë gâmbabô rə̂ gasa-a!

Jâan 1:29

Ndə̂ tchô krâ pânə̈, Jâan wûn Jezü ndə̂ tche nə pu tchë, kə̈ tô rə̂ päkëdə̂: «Wunsa Ngbavö Ɛ̈bro-ngbaga ndə̂ Ndjapä ndə̂ tche ji angbongbo rə ndə̂ azü tchêbêche âtə.

Abadjângele 17:2

Pôlo ê kə̈ gbô ajuîfu ndə̂ andjë sə̂ bhâye, batə̂ rə̂ ndə̂ tche mbo tchê rə̂. Lə̂ alö sabäa sûsunə̈ vötaâ gbɛ̂, tche gâma yê la andjê pâ Mbëtï Ndjapä.

Abadjângele 3:18

Praâbalë Ndjapä mbö rə gundə̂sə̂ nə̈ ndə̂ tche tô rə̂ lə̂ ma a-earə̂ ndə̂ma yê alême. Tche tö rə̂ päkëdə̂: Krîsiti wun-adje yûkü.

Abadjângele 8:32

Pö ndə̂ earə̂ ndə̂ma Ndjapä Ezayï ndə̂ tche sə̂ lakə̂ dɨ rə̂ lâme tö rə̂ päkëdə̂: «A ë la tchë batə̂ ngâ ɛ̈bro-ngbaga ndə̂ azü ê la tchë atə̂ sə̂nə̈ ndə̂ a won agia tâ, batə̂ ngâ ngbavö ɛ̈bro-ngbaga ndə̂ tche kɨ̂âbô kɨ̂ tchâtchâ akrə ndə̂ tche wa su kʉ̂tê yê. Tche sə̈ gii, kə̈ ôn-âbo ma yê balë-a.

Rômo 3:25

Ndjapä zä Jezü Krîsiti batə̂ ngela ânyë lə̂ köbosə̂ jï yê, Krîsiti jî ngbongbo rə ndə̂ azü ndə̂ andjë zâ su andjê sə̈ tchë. Ndjapä mbö rə̂ käko ndə̂kə̂ nyisə̂ nə̈ pä tche wä djîrə̂: Angbongbo rə ndə̂ azü mbo rə̂ alême, tche gʉ̈ä la yê pânə̈,

Rômo 4:25

Bëte ngbongbo rə ndə̂ azə̂ kä ndə̂ Ndjapä gbôtə̂ yê tchânə̂ azü ânyë andjë wôn tchë. Tche jö lə̂ kuzü ndə̂kə̂ mbo rə̂ ânyë azə̈ watə̂ adjîrə̂ azü lə̂ la Ndjapä.

Dokʉ̈ Körɛ̂nte 11:2

Më gämba nyê bëte logbɛ̂ sə̂ mê kä lakə̂ te lə̂ nyê, ânyë nyë kä lakə̂ mbo rə gundə̂sə̂ apö ndə̂ mê nyisə̂ nə̈ sə̈ nyê.

Dokʉ̈ Körɛ̂nte 11:23

Käko pö ndə̂ më gbô rə̂ tchânə̂ Gbölö Gbïɛ̈ ânyë kə̂ to rə̂ sə̈ nyê kä âtə: Lə̂ bütchî ndə̂ a yôsə̂ Gbölö Gbïɛ̈ Jezü, tche zâ mâpa,

Bïchuû Körɛ̂nte 5:21

Krîsiti ndə̂ tche wûn-âbô sə̂ ngbongbo rə wûn-î, Ndjapä mbô rə̂ pä ngbongbo rə ndə̂ azə̂ te pâ yê. Käko lə̂ köbosə̂ Krîsiti, azə̈ wätə̂ adjîrə̂ azü lə̂ la Ndjapä.

Gälâte 1:12

Âdə̂âbo ngâ akrə kä ndə̂ âmû pö nə̈ âdəndjë ndə̂kə̂ nyisə̂ nə̈ sə̈ mê-a. Praâbalë Jezü Krîsiti la tə̂ yê kä ndə̂ âmbô rə̂ pä më wunsə̂ nə̈.

Gälâte 1:4

Gbölö Gbïɛ̈ Jezü yösə̂ tə̂ yê la tə̂ yê ndə̂kə̂ ji azə̂ lə̂ angbongbo arə ndə̂ tchîsûwu âtə batə̂ rə̂ ndə̂ su Ndjapä Bha azə̂ nyîndə̂ nə̈.

Gälâte 3:13

Krîsiti yösə̂ azə̂ ndə̂kə̂ ji azə̂ tchâtchâ ngbongbo pö ndə̂ ndïɛ̈, lə̂ köbosə̂ nə̈ ndə̂ tche zâ ngbongbo pö nə̈ ëpâ yê bëte azə̂. Mbëtï Ndjapä tö rə̂ päkëdə̂: «Ngbongbo pö kä lə̂ küma akrə ndə̂ a î tchë tə̂ yö lafô.»

Ëfêze 1:7

Lə̂ köbosə̂ nə̈ ndə̂ azə̈ wâ balë la Krîsiti, a jï azə̂ lə̂ ngbongbo rə lə̂ köbosə̂ jï yê, kə̈ kô pö lə̂ küma azə̂, lə̂ köbosə̂ tchôtchô rə ndə̂ tchôtchô su yê.

Ëfêze 5:2

Nyë sə̈ lakə̂ nyində̂ angâ nyê, batə̂ rə̂ ndə̂ Krîsiti nyîndə̂ azə̂ ânyë kə̈ zâtə̂ yê la tə̂ yê la ngela sə̈ Ndjapä bëte azə̂, batə̂ ngâ gia ndə̂ a zô tchë pâ gbalâka sə̈ Ndjapä ndə̂ tchâfo yê fô djîrə̂ ânyë kə̈ fû tə̂ su yê.

Aheborö 5:1

Bëte agbölö earə̂ kə̂ wa ngela sə̈ Ndjapä gbɛ̂ ndə̂ a ê andjê lə̂ gbâtə̂ azü, a kʉ̈ andjê ndə̂kə̂ pa andjë mbo kua ndə̂ Ndjapä tə̂ pö ndə̂ azü nə̈. Kua ndə̂ andjê wä ndə̂kə̂ kʉ arə ndə̂ azü nə la rə̂ sə̈ Ndjapä, ndjë kə̂ wa ngela sə̈ Ndjapä bëte ngbongbo rə ndə̂ andjê.

Aheborö 5:3

Batə̂ rə̂ ndə̂ angâ arə rôpâ andjê lâme, andjë wâbo ndə̂kə̂ wa ngela sə̈ Ndjapä kütû bëte azü gö nə̈-a, praâbalë andjë wä ndjë ngela bëte ngbongbo rə ndə̂ andjê la tə̂ andjê.

Dokʉ̈ Pîêre 1:11

Yingö ndə̂ Krîsiti kä lə̂ a-earə̂ ndə̂ma Ndjapä ânyë andjë nyïsə̂ nə̈ dokʉ̈tchê, pö ndə̂ yûkü ndə̂ Krîsiti wun-adje rə̂, ndjë lakə̂ lusə̂tə̂ ndə̂ tchê gboadje rə̂ ngbâ yûkü nə̈. Ädə̈ käko ânyë andjë sə̂ lakə̂ pu köbo gbɛ̂ ndə̂kə̂ wunsə̂ lö ndə̂kə̂ wutu ndə̂ arə nə̈ ndə̂ Yingö tô pö ndə̂nə̈ lâme, kə̈ pû ndjë köbo ndə̂kə̂ wunsə̂ nə̈ pä atöko kä ndə̂ arə nə̈ wûtu la rə̂?

Dokʉ̈ Pîêre 2:24

Tchetchë la tə̂ yê tche zä ngbongbo rə ndə̂ azə̂ lə̂ tə̂ yê pâ yö ndə̂ gba, ndə̂kə̂ pa azə̈ tchu ndə̂kə̂ gbotə̂ ngbongbo rə, kə̂ sə la tʉ̈rʉ̂ la azə̂ ndə̂kə̂ mbo djîrə̂ rə. Lə̂ köbosə̂ aku ndə̂ yê kä ndə̂ nyê tchâ lə̂ tə̂kömbô.

Dokʉ̈ Pîêre 3:18

Käko Krîsiti la tə̂ yê wün yûkü sûsunə̈ balë tratralë bëte ngbongbo rə ndə̂ azü. Tchetchë ndə̂ tche wâ djîrə̂, tche tchü bëte azü ndə̂ andjë wâbô wâ djîrə̂ ânyë kə̂ e la nyê atə̂ tchâtchu Ndjapä. Tchetchë ndə̂ azü wôn kütû tə̂ yê ndə̂ akrə, praâbalë Ndjapä kä zâ tchîsûwu ndə̂ yê ëngbânə̈ sə̈ tchë lə̂ köbosə̂ Kpɨ̂ki Yingö.

Dokʉ̈ Jâan 2:2

Tche zätə̂ yê la tə̂ yê la ngela, ndə̂kə̂ pa Ndjapä ko pö lə̂ küma azə̂. Âdə̂âbo kütû angbongbo rə ndə̂ azə̂ la kütû azə̂-a, praâbalë andə̂ azü ndə̂ tchêbêche ndjë gbɛ̂.

Apökälîbïchi 1:5

Äfü pä Jezü Krîsiti kʉ arə lâme sə̈ nyê, tchetchë ndə̂ tche to tchêngbâ apö djîrə̂, tche wätə̂ dokʉ̈ Modô, kə̈ wâtə̂ dokʉ̈ akrə ndə̂ tche jô lə̂ gûtə̂ akuzü. Tche wätə̂ makündji ndə̂ agbïɛ̈ ndə̂ tchêbêche! Krîsiti nyïndə̂ azə̂, ânyë kə̈ jî azə̂ lə̂ ngbongbo rə ndə̂ azə̂ lə̂ köbosə̂ jï yê,