Dokʉ̈ Körɛ̂nte 15:24 - Mbëtï Ndjapä: TÄFO MADƗ̈

²⁴ Pânə̈, rə gbɛ̂ âka sə̂nə̈ ndə̂ Krîsiti ndɨadje angbongbo atchozö ndə̂ andjë wâ la kümändëmä la gbôgbô pâ azə̂, ânyë kə̂ gboadje tə̂ mbätä-gbïɛ̈ ndə̂ yê nə̈ sə̈ Ndjapä Bha.

Dokʉ̈ Körɛ̂nte 15:24 Iomraidhean Croise

Matiyə̈ 10:22

Azü gbɛ̂ koadje sə̂ nyê bëte rə̈ mê. Praâbalë akrə ndə̂ tche rʉ̂âtə̂ su yê ndjoa ëtə̂ manə̈ tchê tchadje lə̂ kuzü.

Matiyə̈ 11:27

«Bha mê gbötə̂ rə gbɛ̂ ëtchânə̂ mê. Ngâ akrə balë wûn-âbo sə̂ Modô nə̈-a, kütû Bha nə̈ balë. Ngâ akrə balë wûn-âbo sə̂ Bha nə̈-a, kütû Modô nə̈ la andjanə̈ ndə̂ Modô nə̈ nyîndə̂ kə̂ nyisə̂ Bha nə̈ sə̈ andjê.

Matiyə̈ 24:13

Praâbalë akrə ndə̂ tche rʉatə̂ su yê ndjoa tə̂ manə̈, tchê tchadje lə̂ kuzü.

Matiyə̈ 28:18

Jezü gîtə̂ yê ndola andjê kə̈ tô rə̂ sə̈ andjê päkëdə̂: «Ndjapä zä gbôgbô sə̈ mê pâ tchêlafô la tchêbêche.

Lûke 10:22

«Bha mê gbötə̂ rə gbɛ̂ ëtchânə̂ mê. Ngâ akrə balë wûn-âbo sə̂ Modô nə̈-a, kütû Bha nə̈ balë. Ngâ akrə balë wûn-âbo sə̂ Bha nə̈-a, kütû Modô nə̈ la andjanə̈ ndə̂ Modô nə̈ nyîndə̂ kə̂ nyisə̂ Bha nə̈ sə̈ andjê.»

Jâan 13:3

Jezü wünsə̂ nə̈ pä Bha nə̈ gbôtə̂ arə nə̂ gbɛ̂ ëtchânə̂ yê, kə̈ wûn ndjë sə̂nə̈ pä tche tö alême bhândə̂ Ndjapä, tchê kä doadje ndjë tə̂ yê pu Ndjapä.

Jâan 3:35

Bha nyïndə̂ Modô ndə̂ yê, ânyë kə̈ gbôtə̂ rə gbɛ̂ ëtchânə̂ yê.

Rômo 8:38

Tə̂ lëge nə̈, më wûnsə̂ nə̈ nə̂ pä ngâ rə ndə̂kə̂ krʉ tchə̂lə̂ azə̂ la Krîsiti wâbo-a: Âdə̂âbo kuzü-a, âdə̂âbo rə̂ ndə̂ azə̈ wâ la tʉ̈rʉ̂ la azə̂-a, âdə̂âbo aânje-a, âdə̂âbo agbôgbô yingö ndə̂ andjë wâ la gbôgbô lə̂ yi-a, âdə̂âbo arə ndə̂ tchô angêta âdəndjë arə ndə̂ tchô lâmbo-a,

Ëfêze 5:20

Nyë zä ayîabâ sə̈ Ndjapä Bha logbɛ̂ tə̂ pö ndə̂ rə gbɛ̂ la rə̈ Gbölö Gbïɛ̈ ndə̂ azə̂ Jezü Krîsiti.

Kölôse 2:10

Nyë wâ la tchîsûwu ndə̂ âsɨ̂sɨ̈ gbɛ̂ lə̂ köbosə̂ Krîsiti ndə̂ tche wâtə̂ küma angbongbo atchozö ndə̂ andjë wâ la gbôgbô.

Kölôse 2:15

Ndjapä jï ndjë gbôgbô ndə̂ angbongbo atchozö ndə̂ kümändëmä, kə̈ nyîsə̂ andjê kraâ lə̂ la azü, kə̂ gbɨ̂tɨ andjê batə̂ a-earə̂ kânga lə̂ kpûlû azü ndə̂ andjë zâ tchêngbâ Modô ndə̂ yê, ndə̂ tche mbô kʉ̈ʉ̈ ânyë kə̈ rô la gbôgbô.

Dokʉ̈ Timotë 6:15

Tche âkangbâ yê tə̂ lo nə̈ ndə̂ Ndjapä nyîkrə rə̂. Ndjapä ndə̂ a to tchôtchô pö ndə̂ yê, tche wä gbokôngô, ânyë kə̈ wâ pâ arə gbɛ̂. Tche wätə̂ Gbïɛ̈ ndə̂ agbïɛ̈ gbɛ̂, Gbölö Gbïɛ̈ ndə̂ agbölö gbïɛ̈ gbɛ̂.

Dokʉ̈ Pîêre 4:7

Ma arə gbɛ̂ ndô tə̂kə̂ krʉ nə̂. Käko äwäpä nyë mbo rə batə̂ azü ndə̂ küma andjê wâ lanə̈, nyë zɨ̈äbô rə zɨ̂ lakə̂ ndjo rə âro masə̂nə̈-ê, ânyë kə̂ gbo köbo ndə̂kə̂ to pö sə̈ Ndjapä.

Bïchuû Pîêre 1:11

Käko a âjiadje köbo sə̈ nyê ngbɨngbɨngbɨ ndə̂kə̂ li bhâlə̂ Gbölö gö-gbïɛ̈ ndə̂ logbɛ̂, ndə̂ Gbölö Gbïɛ̈ ndə̂ azə̂, la Jezü Krîsiti Earə̂ kə̂ tcha azə̂.