Dokʉ̈ Körɛ̂nte 15:23 - Mbëtï Ndjapä: TÄFO MADƗ̈

²³ Praâbalë lö akrə balë balë âta tâ ânyë tche jo lə̂ kuzü: Dokʉ̈ akrə nə̈ də̈ Krîsiti, pânə̈ azü ndə̂ Krîsiti joadje kpô lo kə̂ ka ndə̂ yê.

Dokʉ̈ Körɛ̂nte 15:23 Iomraidhean Croise

Matiyə̈ 16:27

Bëte Modô ndə̂ Akrə âkadje ngbâ yê la aânje ndə̂ yê lə̂ gbôgbô ndə̂ Bha nə̈. Tchê kʉadje rə ndə̂ akrə balë balë sə̈ tchë gundə̂sə̂ rə ndə̂ tche mbô rə̂.

Matiyə̈ 16:28

Ɛn-ɛn, tə̂ lëge nə̈ më tö rə̂ sə̈ nyê: Angâ azü lə̂ gbâtə̂ nyê tchâtə tchuabô tee-a zoo, kə̂ wun Modô ndə̂ Akrə ndə̂ tche ka batə̂ Gbïɛ̈.»

Abadjângele 26:23

‹Krîsiti wun-adje yûkü, tchetchë kä ndə̂ âdə̂ dokʉ̈ akrə ndə̂ tche jô lə̂ gûtə̂ akuzü, tchê muadje pö ndə̂ ngbänga sə̈ azü pâ mawo ndə̂ azə̂, ndjë la azü ndə̂ andjë wâbô wâtə̂ ajuîfu.›»

Dokʉ̈ Körɛ̂nte 15:20

Praâbalë tə̂ lëge nə̈, Krîsiti də̈ dokʉ̈ akrə ndə̂ tche jô lə̂ kuzü, ndə̂kə̂ nyisə̂ nə̈ pä azü ndə̂ andjë tchû, andjê joadje ndjë lə̂ kuzü.

Dokʉ̈ Körɛ̂nte 15:52

kpro kâkë, batə̂ rə̂ ndə̂ akrə tchî la yê, sə̂nə̈ ndə̂ adɨ̂ tätälîtä kɨ. Bëte tätälîtä âkɨadje, akuzü joadje la tə̂ ndə̂ âkä ndɨabô ndɨ̂-î, ânyë azə̈ ndə̂ azə̈ nə̈, tə̂ azə̂ wadje ngbî.

Dokʉ̈ Körɛ̂nte 3:23

Praâbalë nyënyê, nyë wätə̂ azü ndə̂ Krîsiti, ânyë Krîsiti wâtə̂ akrə ndə̂ Ndjapä.

Dokʉ̈ Körɛ̂nte 6:14

Ndjapä ndə̂ tche jô Gbölö Gbïɛ̈ lə̂ kuzü lâme, tchê joadje ndjë azə̂ lə̂ kuzü lə̂ köbosə̂ gbôgbô ndə̂ yê.

Bïchuû Körɛ̂nte 10:7

Nyë sə̈ lakə̂ wun arə batə̂ rə̂ ndə̂ azü wun rə. Âdə ngâ akrə âwunsə̂ nə̈ pä ânyë də̈ akrə ndə̂ Krîsiti, äwäpä tche wunsə̂ nə̈ angêta tratralë pä ârâ ndjë gbɛ̂ ârâ wä ndjë tə̂ azü ndə̂ Krîsiti.

Gälâte 3:29

Âdə nyë âwatə̂ azü ndə̂ Krîsiti, dëkë nyë wätə̂ azü pâ mawo ndə̂ Abrahâmo. Nyë âgbo arə ndə̂ Ndjapä bâta rə̂ pra nyê gundə̂sə̂ kə̂ zâ bâlâ ndə̂ yê.

Gälâte 5:24

Andjanə̈ ndə̂ andjë wâ balë la Krîsiti, andjë wôn ngbongbo gʉ su andjê la kua nə̈ pâ yö ndə̂ gba nə̂.

Fïlîpe 3:11

Käko rə ndə̂ su mê wâ pânə̈ wä kâkë: Mëmê ndjë gbɛ̂, mê joadje lə̂ kuzü.

Dokʉ̈ Tësälönîke 2:19

Käko tə̂ lo ndə̂kə̂ ka ndə̂ Gbölö Gbïɛ̈ Jezü, giamâ kä ndə̂ ârâ za su ârâ pânə̈, giamâ kä âkə̂ watə̂ mômô ndə̂ ârâ, giamâ kä ndə̂ ârâ gbo rə̂ ngbâ kua ndə̂ ârâ mbô rə̂ ndjoa etə̂ manə̈? Âdə̂âbo nyê?

Apökälîbïchi 1:5

Äfü pä Jezü Krîsiti kʉ arə lâme sə̈ nyê, tchetchë ndə̂ tche to tchêngbâ apö djîrə̂, tche wätə̂ dokʉ̈ Modô, kə̈ wâtə̂ dokʉ̈ akrə ndə̂ tche jô lə̂ gûtə̂ akuzü. Tche wätə̂ makündji ndə̂ agbïɛ̈ ndə̂ tchêbêche! Krîsiti nyïndə̂ azə̂, ânyë kə̈ jî azə̂ lə̂ ngbongbo rə ndə̂ azə̂ lə̂ köbosə̂ jï yê,