Dokʉ̈ Körɛ̂nte 15:20 - Mbëtï Ndjapä: TÄFO MADƗ̈

²⁰ Praâbalë tə̂ lëge nə̈, Krîsiti də̈ dokʉ̈ akrə ndə̂ tche jô lə̂ kuzü, ndə̂kə̂ nyisə̂ nə̈ pä azü ndə̂ andjë tchû, andjê joadje ndjë lə̂ kuzü.

Dokʉ̈ Körɛ̂nte 15:20 Iomraidhean Croise

Abadjângele 2:24

Praâbalë Ndjapä jô tchë lə̂ kuzü lakə̂ ji tchë lə̂ nyonyo ndə̂ kuzü, bëte kuzü wâbo la gbôgbô ndə̂kə̂ kitə̂ yê-a.

Abadjângele 26:23

‹Krîsiti wun-adje yûkü, tchetchë kä ndə̂ âdə̂ dokʉ̈ akrə ndə̂ tche jô lə̂ gûtə̂ akuzü, tchê muadje pö ndə̂ ngbänga sə̈ azü pâ mawo ndə̂ azə̂, ndjë la azü ndə̂ andjë wâbô wâtə̂ ajuîfu.›»

Rômo 8:11

Âdə Kpɨ̂ki Yingö ndə̂ tche jô Jezü lə̂ kuzü âsə lə̂ su nyê, käko Ndjapä ndə̂ tche jô Krîsiti lə̂ kuzü lâme, tchê zadje ndjë tchîsûwu sə̈ tə̂ nyê ndə̂ âwâ ndə̂kə̂ tchûtchü lâme, lə̂ köbosə̂ Yingö ndə̂ yê ndə̂ âsə̂ lə̂ su nyê.

Dokʉ̈ Körɛ̂nte 15:23

Praâbalë lö akrə balë balë âta tâ ânyë tche jo lə̂ kuzü: Dokʉ̈ akrə nə̈ də̈ Krîsiti, pânə̈ azü ndə̂ Krîsiti joadje kpô lo kə̂ ka ndə̂ yê.

Dokʉ̈ Körɛ̂nte 15:6

La tchêngbâ nə̈ tche wûtu ëtə̂ arə̂mâ ndə̂, kə̂ ngba ndə̂ andjê rô ngbangbo mïndûu (500) kpö sə̂nə̈ balë. Gbô gbogbôsə̂ andjê kä la tʉ̈rʉ̂ la andjê, angânə̈ tchû nə̂.

Kölôse 1:18

Tche də̈ küma Egilîze ndə̂ âdə̂ tə̂ yê, arə gbɛ̂ tö tə̂ yê, tchetchë kä ndə̂ âjô lə̂ kuzü dokʉ̈tchê ndə̂kə̂ pa lə̂ arə gbɛ̂, tche sə lə̂ dokʉ̈ tchô.

Dokʉ̈ Tësälönîke 4:16

Bëte Ndjapä zadje ma, a djeadje ndjë tchə̂lə̂ gɨ̈ ngâ makündji ndə̂ aânje la tätälîtä ndə̂ Ndjapä. Käko Gbölö Gbïɛ̈ la tə̂ yê toadje bhâ lafô kə̂ jreadje. Azü ndə̂ andjë zâ su andjê sə̈ Krîsiti ânyë kə̈ tchû, andjë kä ndə̂ âjo lə̂ kuzü dokʉ̈tchê.

Dokʉ̈ Pîêre 1:3

Azə̈ vöga Ndjapä, Bha Gbölö Gbïɛ̈ ndə̂ azə̂ Jezü Krîsiti! Lə̂ köbosə̂ gbölö dâkâ ndə̂ yê, tche mbö rə̂ ndə̂kə̂ pa a ka zɨ̂ azə̂ tə̂ täfo nə̈, lə̂ köbosə̂ nə̈ ndə̂ Krîsiti jô lə̂ kuzü. Käko azə̈ zä su azə̂ pâ rə ndə̂ âwâbô wâ ndə̂kə̂ tchu.

Apökälîbïchi 1:5

Äfü pä Jezü Krîsiti kʉ arə lâme sə̈ nyê, tchetchë ndə̂ tche to tchêngbâ apö djîrə̂, tche wätə̂ dokʉ̈ Modô, kə̈ wâtə̂ dokʉ̈ akrə ndə̂ tche jô lə̂ gûtə̂ akuzü. Tche wätə̂ makündji ndə̂ agbïɛ̈ ndə̂ tchêbêche! Krîsiti nyïndə̂ azə̂, ânyë kə̈ jî azə̂ lə̂ ngbongbo rə ndə̂ azə̂ lə̂ köbosə̂ jï yê,

Apökälîbïchi 14:13

Pânə̈ më kâ djê ngâ tchə̂lə̂ gɨ̈ bhâ lafô päkëdə̂: «Mbo pö âtə lə̂ mbëtï päkëdə̂: ‹Mômô kä tə̂ azü ndə̂ andjë tchû angêta bëte kua ndə̂ Gbölö Gbïɛ̈!› ‹Ɛn-ɛn, Kpɨ̂ki Yingö tö rə̂ päkëdə̂: Mômô kä tə̂ andjê. Andjê yadje tə̂ andjê la tchêngbâ gbôgbô kua ndə̂ andjë mbô rə̂, bëte kua ndə̂ andjë mbô rə̂ lâme zä tchêngbâ andjê!›»