Dokʉ̈ Körɛ̂nte 15:2 - Mbëtï Ndjapä: TÄFO MADƗ̈

² Âdə nyê âbata Tchôtchô Pö nə̈ batə̂ rə̂ ndə̂ më mû rə̂ sə̈ nyê, nyê tchadje lə̂ kuzü lə̂ köbosə̂ nə̈; ârə̂ âdəabô də̂ käko, dëkë kə̂ za su nyê sə̈ Ndjapä wä ämbänə̈.

Dokʉ̈ Körɛ̂nte 15:2 Iomraidhean Croise

Lûke 8:13

Angânə̈ wä batə̂ cho ndə̂ âwâ la täme. Andjë djë pö Ndjapä nə̈, kə̈ gâmba rə̂ la mômô. Praâbalë pö Ndjapä nə̈ mbôâbo chëchë nə̈ bhâlə̂ su andjê-a. Andjë zä su andjê tâ kütû ndə̂ kpîɛ̂kpîɛ̂ lö, âdə ngâ gbôgbô rə âsə̈ gbo andjê, djîrə̂ andjë gbotə̂ köbo su andjê ndə̂ andjë zâ rə̂ sə̈ Ndjapä lâme-ê.

Abadjângele 2:47

Andjë sə̈ lakə̂ voga Ndjapä, ânyë azü gbɛ̂ nyîndə̂ andjê. Logbɛ̂ Gbölö Gbïɛ̈ mbö rə̂ ânyë angâ azü ndə̂ andjë tchâ lə̂ kuzü lî lə̂ gbâtə̂ andjê.

Abadjângele 8:13

Chemön zâ ndjë su yê sə̈ Krîsiti, kə̈ gbô batɛ̂me, kə̈ sə̂ logbɛ̂ ndrotə̂ Fïlîpe. Tchə̂lə̂ küma yê djîngɨli lakə̂ wun agbölö akpɨ̈ngbɨ̈ rə la arə ndə̂ ârôpâ küma azü ndə̂ Fïlîpe sə̂ lakə̂ mbo rə̂.

Rômo 1:16

Më wâbo la ganô ndə̂kə̂ mu Tchôtchô Pö ndə̂ Ndjapä-a. Tchôtchô Pö nə̈ wätə̂ gbôgbô ndə̂ Ndjapä ndə̂ tche zâ rə̂ ndə̂kə̂ tcha azü gbɛ̂ ndə̂ andjë zâ su andjê sə̈ Jezü Krîsiti. Tche tchä ajuîfu dokʉ̈tchê, la tchêngbâ nə̈, tche tchâ azü ndə̂ andjë wâbô wâtə̂ ajuîfu.

Rômo 11:22

Wunsaâ, Ndjapä nyïsə̂ dâkâ ndə̂ yê, kə̈ wâ ndjë tə̂ Ndjapä ndə̂ tche wa ngbanga. Tche wä ndjë ngbanga pâ azü ndə̂ andjë tê, praâbalë tche mbö dâkâ bëte mö ndə̂ gbô mö ndə̂po lə̂ dâkâ nə̈. Ârə̂ âdəabô də̂ käko, momö ndjë, a âwa mö batə̂ ngâ matö yö.

Dokʉ̈ Körɛ̂nte 1:18

Tə̂ lëge nə̈ pö ndə̂ yö ndə̂ gba wätə̂ pö nyî lə̂ la azü ndə̂ andjë wâ ndə̂kə̂ tchu. Praâbalë andə̂ azə̂ ndə̂ azə̈ wâ lə̂ köbo ndə̂kə̂ tchâ lə̂ kuzü, pö nə̈ wätə̂ gbôgbô ndə̂ Ndjapä.

Dokʉ̈ Körɛ̂nte 1:21

Bëte azü pâ cho âtə, lə̂ köbosə̂ küma andjê ndə̂ âwâ lanə̈, andjë wûn-âbo sə̂ Ndjapä la küma yê ndə̂ âwâ lanə̈ lâme-a. Ädə̈ käko ânyë âdâka lə̂ la Ndjapä ndə̂kə̂ tcha andjanə̈ ndə̂ andjë zâ su andjê sə̈ tchë kütû lə̂ köbosə̂ pö ndə̂ ârâ mû rə̂, ndə̂ âwâ batə̂ pö nyî lâme.

Dokʉ̈ Körɛ̂nte 11:2

Më gämba nyê bëte logbɛ̂ sə̂ mê kä lakə̂ te lə̂ nyê, ânyë nyë kä lakə̂ mbo rə gundə̂sə̂ apö ndə̂ mê nyisə̂ nə̈ sə̈ nyê.

Dokʉ̈ Körɛ̂nte 15:14

Âdə Krîsiti âjoabô jô lə̂ kuzü, dëkë kə̂ mu pö ndə̂ ârâ wä ämbänə̈, kə̂ za su nyê sə̈ Ndjapä wä ndjë ämbänə̈.

Bïchuû Körɛ̂nte 2:15

Käko azə̈ wä batə̂ ngâ kâdâ-yömbö ndə̂ tchâfo nə̈ fô la köbo nə̈ ânyë Krîsiti wâ rə̂ la ngela sə̈ Ndjapä. Azə̈ wä batə̂ kâdâ-yömbö lâme lə̂ gbâtə̂ azü ndə̂ andjë wâ lə̂ köbo ndə̂kə̂ tcha lə̂ kuzü, ndjë la andjanə̈ ndə̂ köbo yû tə̂ andjê.

Bïchuû Körɛ̂nte 6:1

Ndə̂ azə̈ sə̂ lakə̂ mbo kua la Ndjapä, ârâ yükû nə̈ sə̈ nyê ndə̂kə̂ gboabô gbôtə̂ tchôtchô su ndə̂ Ndjapä mbô rə̂ tə̂ azə̂ ämbänə̈-ê.

Gälâte 3:4

Arə gbɛ̂ ndə̂ âgbô nyê lə̂ köbosə̂ Yingö alême, ägbö nyê ämbänə̈? Më wûn-âbo andə̂ me nə̈ pä äwä ämbänə̈-a!

Ëfêze 2:8

Bëte a tchä nyê lə̂ köbosə̂ tchôtchô su, lə̂ köbosə̂ kə̂ za su nyê sə̈ Ndjapä. Kə̂ tcha lə̂ kuzü lâme tôâbo bhândə̂ nyê-a, Ndjapä kä âkə̈ zâ rə̂.

Kölôse 1:23

Praâbalë äwäpä su nyë ndə̂ nyë zâ rə̂ sə̈ Ndjapä ndəpo la gbôgbô ânyë kə̂ kpokpo tə̂ yê. Nyë ëäbô ê ngrɨ̈ tə̂ rə ndə̂ su nyê wâ pânə̈ ndə̂ nyë krʉ̂ bëte rə̂ lâme sə̂nə̈ ndə̂ nyë djê Tchôtchô Pö lâme, ndə̂ a mû rə̂ sə̈ azü pâ cho gbɛ̂, ndə̂ mëmê Pôlo, më mbôtə̂ mê tə̂ earə̂ kua ndə̂kə̂ mu Tchôtchô Pö nə̈.

Bïchuû Tësälönîke 2:15

Käko arə̂mä, nyë kpökpo tə̂ nyê, kə̂ bata pö ndə̂ ârâ mû rə̂ sə̈ nyê alême, lə̂ ma ârâ âdəndjë lə̂ mbëtï ndə̂ ârâ wân rə̂ sə̈ nyê.

Bïchuû Timotë 1:9

Tchetchë kä ndə̂ âtchâ azə̂, kə̈ ê azə̂ kə̈ kʉ̂ azə̂ ngbî bëte tchë lâme. Kə̂ e tchô nə̈ lâme wâbo lə̂ köbosə̂ kua ndə̂ azə̂-a, praâbalë äwä lə̂ köbosə̂ rə ndə̂ tche nyîkrə rə̂, la tchôtchô su yê. A zä tchôtchô su nə̈ lâme sə̈ azə̂, lə̂ köbosə̂ kə̂ wa balë la Jezü Krîsiti, dokʉ̈tchê ndə̂kə̂ pa a mbo arə gbɛ̂.

Aheborö 10:23

Äwäpä su azə̂ ndəpo pâ rə ndə̂ azə̈ krʉ̂ bëte rə̂ tchânə̂ Ndjapä, ndə̂ azə̈ mu pö ndə̂nə̈, bëte Ndjapä mbö rə gundə̂sə̂ bâlâ ndə̂ yê.

Aheborö 2:1

Bëte rə̂ kä, äwäpä la azə̂ gbo pâ apö gbɛ̂ ndə̂ azə̈ djê rə̂, ânyë kə̂ gboabô gbôtâ lə̂ köbo-ê.

Aheborö 3:14

Angaâtə, azə̈ la Krîsiti kä lakə̂ mbo kua balë, ndə̂ gbô azə̂ sə̂ lakə̂ za su azə̂ tâ la gbôgbô zoo âwutu ëtə̂ manə̈ batə̂ rə̂ ndə̂ azə̈ zâ su azə̂ tâ lə̂ dokʉ̈ nə̈.

Aheborö 3:6

Praâbalë Krîsiti mbö kua nə̈ lə̂ köbo nə̈ batə̂ Modô ndə̂ a zâ tchë tə̂ küma nda Ndjapä nə̈. Azə̈ kä ndə̂ âwâtə̂ nda nə̈, âdə azə̂ âbata su azə̂ gbɛ̂ pâ rə ndə̂ su azə̈ krʉ̂ bëte rə̂ la mômô.

Aheborö 4:14

Äwäpä azə̈ kpokpo tə̂ azə̂ pâ su azə̂ ndə̂ azə̈ zâ rə̂ sə̈ Ndjapä, ndə̂ azə̈ mu pö ndə̂nə̈, bëte azə̈ kä la gbölö earə̂ kə̂ wa ngela ndə̂ tche rô adɨ̂ nə̈ gbɛ̂, tche ë ndjoa bhâ tchâtchu Ndjapä, Jezü Modô ndə̂ Ndjapä kä.

Jâke 2:14

Arə̂mä ndə̂ mê, âdə ngâ akrə âto rə̂ päkëdə̂: «Anyë zâ su anyê sə̈ Krîsiti nə̂», ânyë kə̈ nyîâbô sə̂nə̈ nyî lə̂ kua nə̈-ê, kə̂ za su yê sə̈ Krîsiti nə̈ lâme âmboadje ngâ rə tə̂ yê? Kə̂ za su yê sə̈ Krîsiti nə̈ lâme tchadje tchë lə̂ kuzü?

Jâke 2:17

Äwä ndjë käko tə̂ pö ndə̂kə̂ za su sə̈ Ndjapä ndə̂ âwâbô wâ la kua ndə̂ yê tâ, dëkë kə̂ za su nə̈ lâme tchû nə̂.

Jâke 2:26

Käko äwä ndjë batə̂ rə̂ ndə̂ akrə âwabô wâ la yi lə̂ yê, dëkë tche tchû nə̂. Käko ndjë, kə̂ za su sə̈ Ndjapä ndə̂ âwâbô wâ la akua ndə̂ yê tâ, dëkë kə̂ za su nə̈ lâme tchû nə̂.