Dokʉ̈ Körɛ̂nte 15:19 - Mbëtï Ndjapä: TÄFO MADƗ̈

¹⁹ Âdə azə̂ âza su azə̂ pâ Krîsiti kütû bëte tchîsûwu ndə̂ azə̈ wâ la rə̂ angêta, dëkë azə̈ də̈ a-earə̂ nyonyo ârô adɨ̂ azü gbɛ̂.

Dokʉ̈ Körɛ̂nte 15:19 Iomraidhean Croise

Matiyə̈ 24:9

Käko azü âyoadje sə̂ nyê ëtchânə̂ angâ azü ndə̂kə̂ pa andjë mbo nyê la yûkü, kə̂ won-adje nyê. Azü gbɛ̂ ndə̂ andjë wâbô wâtə̂ ajuîfu koadje sə̂ nyê bëte mê.

Lûke 21:34

«La nyê gbö-ê, nyë zäbô su nyê zâ pâ kə̂ zɨ kɨ̈zɨ̂ lə̂ kpülü lakə̂ ndjo pî âropâ nyê, âdəndjë rə̂ nyë rɨ̈äbô tchə̂lə̂ nyê rɨ̂ pâ arə tchêbêche âtə-ê. Ârə̂ âdəabô də̂ käko, lo kə̂ ka ndə̂ Modô ndə̂ Akrə âtroadje nyê.

Lûke 8:14

Ndjî rəgʉ ndə̂ âtû lə̂ chi lâme wä batə̂ azü ndə̂ andjë djê pö Ndjapä nə̈, ânyë kə̂ dɨ su andjê, lakə̂ gbo rə ndə̂ andjê, ndjë la ngɨ̈ ndə̂ tchêbêche gʉ̂â andjê tâ, ânyë lêlê andjê gbôâbô köbo gbô ndə̂kə̂ negbe-ê.

Jâan 16:2

Bëte andjê groadje nyê lə̂ anda kə̂ voga Ndjapä. Pânə̈ lo nə̈ wutuadje ndə̂ andjanə̈ ndə̂ andjë won nyê toadje rə̂ bhâtə̂ su andjê pä, kua ndə̂ Ndjapä kä ndə̂ anyë mbô rə̂ lâme.

Jâan 16:33

Më tö pö lâme gbɛ̂ sə̈ nyê ndə̂kə̂ pa nyë wa la zɨtɨ su lə̂ köbosə̂ nə̈ ndə̂ nyë wâ balë la mê. Nyê wun-adje yûkü pâ cho âtə, praâbalë äwäpä nyë gbo gbôgbô tə̂ su nyê! Më rô tchêbêche âtə la gbôgbô nə̂!»

Abadjângele 14:22

Andjë zä wängö sə̈ adjisîpili ndə̂kə̂ za gbôgbô tə̂ su andjê, kə̈ yûkû nə̈ sə̈ andjê ndə̂kə̂ pa andjë ndəpo kpôpâ su andjê ndə̂ andjë zâ rə̂ sə̈ Jezü. Andjë tö rə̂ sə̈ azü nə̈ päkëdə̂: «Äwäpä azə̈ wun yûkü tə̂ gbölösə̂nə̈ ânyë kə̂ li bhâlə̂ Gbölö gö-gbïɛ̈ ndə̂ Ndjapä.»

Dokʉ̈ Tësälönîke 1:3

Lə̂ la Ndjapä, kua ndə̂ nyê mbo rə̂ lə̂kə̂ za su nyê ndə̂ nyë zâ rə̂ sə̈ Ndjapä lâme, sə̂nə̈ yûâbo tə̂ ârâ-a. Kə̂ nyində̂ angâ nyê ndə̂ âmbo rə̂ pä nyë mbo kua tə̂ gbölösə̂nə̈ lâme, sə̂nə̈ yûâbo tə̂ ârâ-a. Rə ndə̂ nyë krʉ̂ bëte rə̂ la su nyê ndə̂ gbô rə̂ ndə̂po pâ Gbölö Gbïɛ̈ ndə̂ azə̂ Jezü Krîsiti lâme, sə̂nə̈ yûâbo tə̂ ârâ-a.

Bïchuû Timotë 1:12

Bëte rə̂ kä ndə̂ mê rʉ̂âtə̂ su mê lə̂ arə yûkü. Praâbalë ganô mbôâbo mê-a, bëte më wünsə̂ akrə ndə̂ më zâ su mê sə̈ tchë. Më wünsə̂ nə̈ tə̂ lëge nə̈ pä tche kä la kümändëmä ndə̂kə̂ bata rə ndə̂ tche gbôtâ ëtchânə̂ mê zoo ëtə̂ lo nə̈ lâme.

Bïchuû Timotë 2:4

Âdə ngâ akrə âli lə̂ turûgu, ânyë kə̈ nyîndə̂ kə̂ mbo rə ndə̂ afû tə̂ gbölö akrə ndə̂ yê, tchê zabô su yê pâ akua ndə̂ ambämbä azü tee-a.

Bïchuû Timotë 3:12

Tə̂ lëge nə̈, azü gbɛ̂ ndə̂ andjë nyîndə̂ kə̂ zâtə̂ andjê gbɛ̂ sə̈ Ndjapä ânyë kə̈ nyîndə̂ kə̂ wa balë la Jezü Krîsiti, a âmboadje andjê la yûkü.

Dokʉ̈ Pîêre 1:21

Lə̂ köbosə̂ Krîsiti kä ndə̂ nyë zâ su nyê sə̈ Ndjapä, ndə̂ tche jô Krîsiti lə̂ kuzü ânyë kə̈ lûsə̂ yê. Käko ânyë su nyê ndə̂ nyë zâ rə̂ sə̈ Ndjapä la rə ndə̂ su nyê krʉ̂ bëte rə̂ lâme âwa pâ Ndjapä.

Apökälîbïchi 14:13

Pânə̈ më kâ djê ngâ tchə̂lə̂ gɨ̈ bhâ lafô päkëdə̂: «Mbo pö âtə lə̂ mbëtï päkëdə̂: ‹Mômô kä tə̂ azü ndə̂ andjë tchû angêta bëte kua ndə̂ Gbölö Gbïɛ̈!› ‹Ɛn-ɛn, Kpɨ̂ki Yingö tö rə̂ päkëdə̂: Mômô kä tə̂ andjê. Andjê yadje tə̂ andjê la tchêngbâ gbôgbô kua ndə̂ andjë mbô rə̂, bëte kua ndə̂ andjë mbô rə̂ lâme zä tchêngbâ andjê!›»