Dokʉ̈ Körɛ̂nte 15:13 - Mbëtï Ndjapä: TÄFO MADƗ̈

¹³ Âdə azü âwabô wâ ndə̂kə̂ jo lə̂ kuzü, dëkë Krîsiti jôâbo ndjë lə̂ kuzü nə̂-a.

Dokʉ̈ Körɛ̂nte 15:13 Iomraidhean Croise

Abadjângele 23:8

Asadusïɛ̈n tö andə̂ andjë nə̈ pä akuzü joabô tee-a, ânje âdəndjë yingö wâbo-a. Praâbalë afarizïɛ̈n tö andə̂ andjë nə̈ pä arə lâme gbɛ̂ kä tâ.

Rômo 8:11

Âdə Kpɨ̂ki Yingö ndə̂ tche jô Jezü lə̂ kuzü âsə lə̂ su nyê, käko Ndjapä ndə̂ tche jô Krîsiti lə̂ kuzü lâme, tchê zadje ndjë tchîsûwu sə̈ tə̂ nyê ndə̂ âwâ ndə̂kə̂ tchûtchü lâme, lə̂ köbosə̂ Yingö ndə̂ yê ndə̂ âsə̂ lə̂ su nyê.

Rômo 8:23

Âdə̂âbo kütû arə pâ cho âtə balë kä ndə̂ âdɨ tchə̂lə̂ ma andjê-a. Azəzə̂ ndə̂ azə̈ gbô Yingö batə̂ dokʉ̈ tchôtchô rə ndə̂ Ndjapä zâ rə̂ sə̈ azə̂, azə̈ dɨ̈ ndjë tchə̂lə̂ ma azə̂ lə̂ su azə̂. Azə̈ sə̈ bëte Ndjapä ndə̂kə̂ pa tche kʉ azə̈ ndə̂kə̂ watə̂ abechë ndə̂ yê ânyë kə̂ ji azə̂ tchâtchâ ngbâa, azə̂ la tə̂ azə̂ gbɛ̂.

Dokʉ̈ Körɛ̂nte 15:12

Âdə ârâ sə lakə̂ mu pö, ârâ tö rə̂ pä Krîsiti jô lə̂ kuzü nə̂. Ämbö atöko ânyë angâ azü lə̂ gbâtə̂ nyê to rə̂ pä akuzü wâbo ndə̂kə̂ jo lə̂ kuzü lâme?

Dokʉ̈ Körɛ̂nte 15:14

Âdə Krîsiti âjoabô jô lə̂ kuzü, dëkë kə̂ mu pö ndə̂ ârâ wä ämbänə̈, kə̂ za su nyê sə̈ Ndjapä wä ndjë ämbänə̈.

Dokʉ̈ Körɛ̂nte 15:20

Praâbalë tə̂ lëge nə̈, Krîsiti də̈ dokʉ̈ akrə ndə̂ tche jô lə̂ kuzü, ndə̂kə̂ nyisə̂ nə̈ pä azü ndə̂ andjë tchû, andjê joadje ndjë lə̂ kuzü.

Dokʉ̈ Tësälönîke 4:14

Bëte âdə azə̂ âgamba rə̂ pä Jezü tchû kə̈ jô lə̂ kuzü nə̂, dëkë azü ndə̂ andjë wâ balë la Krîsiti ânyë kə̈ tchû lâme, Ndjapä joadje andjê lə̂ kuzü ânyë kə̂ paladje andjê ndə̂kə̂ sə la Jezü sə̂nə̈ balë.

Bïchuû Timotë 4:8

Angaâtə, a bâta kurône sə̈ mê ngbâ djîrə̂ kua ndə̂ mê nə̂, ndə̂ Gbölö Gbïɛ̈ zadje rə̂ sə̈ mê tə̂ lo kə̂ ka ndə̂ yê. Tə̂ lo nə̈ lâme, tchetchë ndə̂ tche wâtə̂ djîrə̂ earə̂ kə̂ wa ngbanga, tchetchë kä ndə̂ âzadje kurône nə̈ sə̈ mê, âdə̂âbô kütû mê balë-a, praâbalë tche âkʉ ndjë rə̂ sə̈ azü gbɛ̂ ndə̂ andjë nyîndə̂ lo kə̂ ka ndə̂ yê.

Aheborö 13:20

Ndjapä ndə̂ tche za zɨtɨ su sə̈ akrə, tche mbö rə̂ pä Gbölö Gbïɛ̈ ndə̂ azə̂ Jezü jo lə̂ kuzü ânyë kə̈ wâtə̂ gbölö earə̂ kə̂ bata aɛ̈bro-ngbaga, lə̂ köbosə̂ jï yê ndə̂ tche zâ rə̂ la ngela, ânyë âbâta madɨ̈ ndə̂ âwâ pïï etə̂.

Aheborö 2:14

Bëte rə̂ ndə̂ abechë nə̈ lâme wâ la tə̂ akrə la jï akrə balë, Jezü la tə̂ yê dötə̂ yê kə̈ wâ ndjë batə̂ andjê, ânyë kə̈ zâ tə̂ akrə. Käko lə̂ köbosə̂ kuzü ndə̂ yê, tche ndɨ̂ gbôgbô ndə̂ Jâbolo ndə̂ tche wâ la rə̂ alême pâ kuzü,

Dokʉ̈ Pîêre 1:3

Azə̈ vöga Ndjapä, Bha Gbölö Gbïɛ̈ ndə̂ azə̂ Jezü Krîsiti! Lə̂ köbosə̂ gbölö dâkâ ndə̂ yê, tche mbö rə̂ ndə̂kə̂ pa a ka zɨ̂ azə̂ tə̂ täfo nə̈, lə̂ köbosə̂ nə̈ ndə̂ Krîsiti jô lə̂ kuzü. Käko azə̈ zä su azə̂ pâ rə ndə̂ âwâbô wâ ndə̂kə̂ tchu.

Apökälîbïchi 1:18

më kä la tʉ̈rʉ̂ la mê. Më tchû alême nə̂, praâbalë angaâtə më kä la tʉ̈rʉ̂ la mê ndə̂ logbɛ̂ logbɛ̂. Më kä la gbôgbô pâ kuzü, ndjë pâ tchô ndə̂ akuzü.