Dokʉ̈ Körɛ̂nte 15:10 - Mbëtï Ndjapä: TÄFO MADƗ̈

¹⁰ Praâbalë lə̂ köbosə̂ tchôtchô su ndə̂ Ndjapä, më də̈ akrə ndə̂ nyê wun mê angêta âtə. Tchôtchô su ndə̂ Ndjapä mbô rə̂ tə̂ mê, tchêngbâ nə̈ wâbo ämbänə̈-a, praâbalë më mbö kua ârô adɨ̂ abadjângele gbɛ̂. Âdə̂âbo mëmê kä ndə̂ âmbô kua nə̈-a, praâbalë tchôtchô su ndə̂ Ndjapä ndə̂ âwâ la mê kä ndə̂ âmbô rə̂.

Dokʉ̈ Körɛ̂nte 15:10 Iomraidhean Croise

Matiyə̈ 10:20

Bëte âdə̂âbo nyënyê kä ndə̂ âtoadje pö nə̈-a. Yingö ndə̂ Bha nyê Ndjapä kä ndə̂ âpoadje lə̂ nyê.

Matiyə̈ 25:16

Akrə ndə̂ tche wâ la mîɛ̈-makətche ndə̂ lôlo ngbangbo mïndûu ê kə̈ bhî küma yê pânə̈, kə̈ gbô ngânə̈ ngbangbo mïndûu ëpânə̈.

Rômo 11:1

Käko më yü tchô päkëdə̂: Ndjapä gbôtə̂ azü gö ndə̂ yê nə̂? Âdə̂âbo käko-a! Bëte mëmê la tə̂ mê, më wätə̂ akrə ndə̂ Isarayële lə̂ bûngrɨ̂ ndə̂ Abrahâmo, pâ mawo ndə̂ Bejamɛ̈n.

Rômo 12:3

Ndjapä mbö tchôtchô su tə̂ mê. Bëte rə̂ kä ndə̂, më nyîndə̂ kə̂ to rə̂ sə̈ nyê balë balë gbɛ̂, äwäpä nyë wun-abô tə̂ nyê wûn batə̂ agbölö azü-î. Praâbalë nyë wüntə̂ nyê batə̂ ambämbä azü, gundə̂sə̂ rə ndə̂ Kpɨ̂ki Yingö za rə̂ sə̈ akrə balë balë.

Dokʉ̈ Körɛ̂nte 15:11

Käko mëmê âdəndjë adɨ̂ abadjângele nə̈, pö ndə̂ ârâ sə̂ lakə̂ mu rə̂ kä lâme, pö ndə̂ nyë zâ su nyê sə̈ Ndjapä tə̂ pö ndə̂nə̈ kä lâme.

Dokʉ̈ Körɛ̂nte 15:2

Âdə nyê âbata Tchôtchô Pö nə̈ batə̂ rə̂ ndə̂ më mû rə̂ sə̈ nyê, nyê tchadje lə̂ kuzü lə̂ köbosə̂ nə̈; ârə̂ âdəabô də̂ käko, dëkë kə̂ za su nyê sə̈ Ndjapä wä ämbänə̈.

Dokʉ̈ Körɛ̂nte 3:10

Lə̂ köbosə̂ tchôtchô su ndə̂ Ndjapä mbô rə̂ tə̂ mê, më mbö kua nə̈ batə̂ ngâ tchôtchô earə̂ kə̂ mbo nda, ânyë kə̈ mbô da nda nə̈. Ngâ akrə ngbî mbô nda ëpânə̈. Praâbalë äwäpä la akrə balë balë gbo lə̂ känyï ndə̂ tche mbo rə̂ la nda nə̈ ëpânə̈.

Dokʉ̈ Körɛ̂nte 3:6

Mëmê kä ndə̂ âchî rə nə̈, Äpölôse sû ngû tâ, praâbalë Ndjapä kä ndə̂ âmbo rə̂ pä äkʉche.

Dokʉ̈ Körɛ̂nte 4:7

Tchabâ kä ndə̂ âtô rə̂ sə̈ mö pä momö kä ndə̂ âwâ gbölö pâ angâ zə̈ gbɛ̂? Arə ndə̂ mo wâ la rə̂, Ndjapä də̂âbo tchë ndə̂ tche kʉ̂ rə̂ sə̈ mö? Âdə Ndjapä âdə tchë ndə̂ tche kʉ̂ rə̂ sə̈ mö, bëte giamâ kä ndə̂ mo bhi gogo zə̈ âwûntî pä a kʉ̂âbo rə̂ kʉ̈ sə̈ mö?

Bïchuû Körɛ̂nte 12:11

Më wä batə̂ earə̂ nyî! Nyënyê kä ndə̂ âmbô rə̂ pä më wa käko. Nyënyê âme kä ndə̂ âwâ ndə̂kə̂ to tchôtchô pö pâ mê. Âdə më âwabô wâtə̂ ngâ rə-ê, agbögbölö abadjângele ndə̂ nyê lâme rôâbo mê la ngâ rə balë-a.

Bïchuû Körɛ̂nte 3:5

Ârâ wâbo ndə̂kə̂ wuntə̂ ârâ la tə̂ ârâ pä ârâ wä la gbôgbô ndə̂kə̂ mbo ngâ rə-a, praâbalë ârâ mbö kua la gbôgbô ndə̂ âtô bhândə̂ Ndjapä.

Bïchuû Körɛ̂nte 6:1

Ndə̂ azə̈ sə̂ lakə̂ mbo kua la Ndjapä, ârâ yükû nə̈ sə̈ nyê ndə̂kə̂ gboabô gbôtə̂ tchôtchô su ndə̂ Ndjapä mbô rə̂ tə̂ azə̂ ämbänə̈-ê.

Gälâte 2:8

Bëte Ndjapä ndə̂ tche zâ gbôgbô sə̈ Pîêre ndə̂kə̂ watə̂ badjângele ndə̂ azü ndə̂ andjë wâ gasa, tche zä ndjë gbôgbô sə̈ mê ndə̂kə̂ watə̂ badjângele ndə̂ azü ndə̂ andjë wâbô wâtə̂ ajuîfu.

Fïlîpe 2:13

Bëte Ndjapä kä âkə̂ za gʉ tə̂ su nyê ndə̂kə̂ mbo rə nə̈, ânyë kə̂ za köbo sə̈ nyê ndə̂kə̂ mbo rə gundə̂sə̂ rə ndə̂ tche nyîkrə rə̂ tə̂ su yê.

Fïlîpe 4:13

Më wä ndə̂kə̂ mbo arə lâme gbɛ̂ bëte Krîsiti kä ndə̂ âzâ gbôgbô sə̈ mê.

Dokʉ̈ Tësälönîke 5:12

Arə̂mä, ârâ yükû nə̈ sə̈ nyê ndə̂kə̂ pa nyë lusə̂ andjanə̈ ndə̂ andjë mbo kua lə̂ gbâtə̂ nyê, ndə̂ andjë nyisə̂ köbo sə̈ nyê la rə̈ Gbölö Gbïɛ̈, lakə̂ gbɨtɨ tü nyê.

Dokʉ̈ Timotë 4:10

Âdə azə̂ âsə̈ wun yûkü, ndjë âdə azə̈ âsə lakə̂ mbo kʉ̈ʉ̈, bëte azə̈ zä su azə̂ pâ Ndjapä ndə̂ tche wâ la tʉ̈rʉ̂ la yê. Tche wätə̂ earə̂ kə̂ tcha azü gbɛ̂, tə̂ gbogbôsə̂nə̈ tche tchä azü ndə̂ andjë zâ su andjê sə̈ Krîsiti.