Dokʉ̈ Körɛ̂nte 15:1 - Mbëtï Ndjapä: TÄFO MADƗ̈

¹ Arə̂mä, më nyïndə̂ kə̂ kä kra tü nyê pâ Tchôtchô Pö ndə̂ më mû rə̂ sə̈ nyê alême, ndə̂ nyë gbô rə̂ ânyë gbô su nyê wâ pânə̈ lâme.

Dokʉ̈ Körɛ̂nte 15:1 Iomraidhean Croise

Jâan 12:48

Akrə ndə̂ tche kôsə̂ mê ânyë kə̈ mbôâbô rə mbô gundə̂sə̂ apö ndə̂ mê, tche kä la earə̂ kə̂ wa ngbanga ndə̂ yê tâ. Pö ndə̂ më tô rə̂ alême kä, pö nə̈ lâme kä ndə̂ âwadje ngbanga lə̂ küma yê tə̂ lö nə̈ ndə̂ tchêbêche krʉ.

Abadjângele 11:1

Abadjângele la arə̂mâ lə̂ Krîsiti ndə̂ andjë mbô gö bhâ Judë djê rə̂ pä, azü ndə̂ andjë wâbô wâtə̂ ajuîfu gämba pö Ndjapä.

Abadjângele 2:41

Azü ndə̂ andjë gâmba pö ndə̂ Pîêre, andjë gbô batɛ̂me. Tə̂ lö nə̈ lâme, azü ndola sâke vötaâ lî lə̂ gbâtə̂ azü ndə̂ Krîsiti.

Rômo 11:20

Äwätə̂ lëge nə̈. A wä amatö yö nə̈ bëte rə̂ ndə̂ andjë zâbô su andjê zâ sə̈ Ndjapä-ê. Andə̂ zə nə̈, gbô mö kä po tə̂ yö nə̈ bëte mo zâ su zə̈ sə̈ Ndjapä nə̂. Käko âwâbo pä mo bhi gogo zə̈-a, praâbalë äwäpä la zə̈ gbo-ê.

Rômo 2:16

Rə ndə̂ âwutu kraâ lə̂ la azü lo ngbanga nə̈ kä. Äwä gundə̂sə̂ Tchôtchô Pö ndə̂ mê mu rə̂ ndə̂ âtô rə̂ pä Ndjapä âwa ngbanga lə̂ köbosə̂ Jezü Krîsiti pâ arə gbɛ̂ ndə̂ azü mbo rə̂ lə̂ küwû nə̈.

Rômo 5:2

Lə̂ köbosə̂ Jezü lâme kä ndə̂ azə̈ zâ su azə̂ sə̈ Ndjapä ânyë Ndjapä mbô tchôtchô su tə̂ azə̂. Gbô azə̂ kä lə̂ köbosə̂ tchôtchô su ndə̂ yê angêta. Bëte rə̂ kä ndə̂ su azə̂ wâ la mômô bëte kə̂ wa gbölö ndə̂ Ndjapä ndə̂ azə̈ zâ su azə̂ ndə̂kə̂ krʉ bëte rə̂.

Dokʉ̈ Körɛ̂nte 16:13

Nyë löäbô lô-ê, nyë rʉ̈ätə̂ su nyê ndə̂ nyë zâ rə̂ sə̈ Krîsiti, nyë mbö rə batə̂ aköchë, kə̂ kpokpo tə̂ nyê.

Dokʉ̈ Körɛ̂nte 3:6

Mëmê kä ndə̂ âchî rə nə̈, Äpölôse sû ngû tâ, praâbalë Ndjapä kä ndə̂ âmbo rə̂ pä äkʉche.

Dokʉ̈ Körɛ̂nte 4:15

Bëte âdə azü sâke lə̂ könô gbɛ̂ kä ndə̂ ânyîsə̂ köbo ndə̂kə̂ wa balë la Krîsiti sə̈ nyê, arabha nyê ngbâbo ngbä-a: Mëmê kä ndə̂ âzɨ̂ nyê lə̂ köbosə̂ nə̈ ndə̂ më mû Tchôtchô Pö sə̈ nyê ânyë nyë wâ balë la Jezü Krîsiti.

Bïchuû Körɛ̂nte 1:24

Ârâ wâbo ndə̂kə̂ za nyê la gbôgbô pâ su nyê ndə̂ nyë zâ rə̂ sə̈ Ndjapä lâme-a, bëte nyë kpôkpo tə̂ nyê lə̂kə̂ za su nyê sə̈ Ndjapä nə̂, praâbalë ârâ nyïndə̂ kə̂ mbo kua balë la nyê ndə̂kə̂ pa nyë wa la mômô.

Dokʉ̈ Tësälönîke 1:6

Âdə andə̂ nye nə̈, nyë wûnsə̂ kə̂ mbo rə batə̂ ârâ nə̂ ndjë batə̂ andə̂ Gbölö Gbïɛ̈: Ndə̂ nyë gbô pö Ndjapä lə̂ gbölö yûkü, praâbalë Kpɨ̂ki Yingö zä mômô tə̂ su nyê.

Dokʉ̈ Tësälönîke 2:13

Bëte rə̂ kä ndə̂ ârâ ndjë gbɛ̂ ârâ zä ayîabâ sə̈ Ndjapä logbɛ̂ bëte sə̂nə̈ ndə̂ ârâ mû pö Ndjapä sə̈ nyê alême, nyë djê rə̂, ânyë kə̈ gbô rə̂ batə̂ lëge pö ndə̂ Ndjapä, âdə̂âbo batə̂ pö ndə̂ akrə-a. Praâbalë pö nə̈ tö bhândə̂ Ndjapä ânyë kə̈ mbô kua lə̂ su nyê, nyënyê ndə̂ nyë zâ su nyê sə̈ Krîsiti.

Dokʉ̈ Tësälönîke 4:1

Ndə̂kə̂ ka ndə̂nə̈, arə̂mä, ârâ nyïsə̂ köbo ndə̂ nyê sə la rə̂ ânyë âfu tə̂ Ndjapä alême nə̂. Tə̂ lëge nə̈, nyë sə̂ käko nə̂. Praâbalë angaâtə, ârâ yükû nə̈ sə̈ nyê lakə̂ za wängö sə̈ nyê la rə̈ Gbölö Gbïɛ̈ Jezü; nyë mbö rə̂ âkä ro anə̈ dokʉ̈tchê.

Bïchuû Tësälönîke 3:6

Arə̂mä, ârâ yükû nə̈ sə̈ nyê la rə̈ Gbölö Gbïɛ̈ Jezü Krîsiti, nyë gïäbô tə̂ nyê gî pu a-earə̂ dö-ê, ndə̂kə̂ mbo rə ndə̂ andjê wâ ngbî tə̂ pö ndə̂ ârâ nyîsə̂ nə̈ sə̈ nyê.

Dokʉ̈ Pîêre 5:12

Më mbö ndöndö mbëtï âtə sə̈ nyê lə̂ köbosə̂ Silvɛ̈n ndə̂ më wûn tchë batə̂ djîrə̂ ngâ azə̂ lə̂ Krîsiti. Më mbö rə̂ ndə̂kə̂ za gbôgbô tə̂ su nyê, ndjë ndə̂kə̂ nyisə̂ nə̈ sə̈ nyê pä pö nə̈ ndə̂ nyë ndə̂po lə̂ köbo nə̈ lâme wätə̂ lëge rə lə̂ köbosə̂ tchôtchô su ndə̂ Ndjapä.