Dokʉ̈ Körɛ̂nte 14:6 - Mbëtï Ndjapä: TÄFO MADƗ̈

⁶ Ndə̂ azə̈ sə̂ âtə arə̂mä, âdə mê ânə ndə̂kə̂ wun nyê, ânyë kə̈ tô pö sə̈ nyê la angâ ama gö ngbî, nyë âgbo tchôtchô rə lə̂ köbosə̂ mê atöko? Ndə̂kə̂ pa nyë gbo tchôtchô rə, äwäpä ngâ rə ndə̂ Ndjapä nyîsə̂ nə̈ sə̈ mê, mê to rə̂ sə̈ nyê, kə̂ mbo rə̂ ndə̂kə̂ pa nyë wunsə̂ rə, kə̂ to ndə̂ma Ndjapä sə̈ nyê, kə̂ nyisə̂ rə sə̈ nyê.

Dokʉ̈ Körɛ̂nte 14:6 Iomraidhean Croise

Matiyə̈ 11:25

Lo nə̈ lâme, Jezü tô rə̂ päkëdə̂: «Bha mê, Gbölö Gbïɛ̈ ndə̂ tchêlafô la tchêbêche, më zä ayîabâ sə̈ mö, bëte mo vüsə̂ rə lâme tə̂ azü ndə̂ küma andjê wâ lanə̈ la a-earə̂ kə̂ wunsə̂ rə, ânyë kə̈ nyîsə̂ nə̈ sə̈ akpîɛ̂kpîɛ̂ azü.

Matiyə̈ 16:17

Jezü tô rə̂ ndə̂nə̈ sə̈ tchë päkëdə̂: «Mômô kä tə̂ zə̈ Chemön, modô ndə̂ Jönâse! Bëte pö ndə̂ mo tô rə̂ lâme âtôâbo bhândə̂ azü-a, praâbalë ätö bhândə̂ Bha ndə̂ tche sə̂ bhâ lafô.

Matiyə̈ 16:26

Âdə akrə âgbo rə tchêbêche âtə gbɛ̂, ânyë tchîsûwu ndə̂ yê yû, giamâ kä ndə̂ tche gbo rə̂ ngbânə̈? Giamâ kä ndə̂ akrə kʉ rə̂ ânyë kə̂ yo rə̂ la tchîsûwu ndə̂ yê?

Abadjângele 2:42

Andjë zätə̂ andjê gbɛ̂ ndə̂kə̂ dje abadjângele lakə̂ nyisə̂ rə ndə̂ andjê logbɛ̂. Andjë mända rə, kə̂ sə balë, kə̂ zɨ rə balë, kə̂ to pö sə̈ Ndjapä.

Rômo 15:14

Arə̂mâ ndə̂ mê, më wünsə̂ nə̈ tə̂ lëge nə̈ bhâtə̂ su mê pä gʉgʉ kə̂ mbo tchôtchô rə sɨ̂sɨ̈ lə̂ su nyê; më wünsə̂ nə̈ pä nyë wünsə̂ rə lə̂ köbo nə̈ ânyë kə̈ wâ ndjë ndə̂kə̂ za wängö lə̂ gbâtə̂ nyê la angâ nyê.

Rômo 16:17

Arə̂mä, rə ndə̂ mê yûkû nə̈ sə̈ nyê kä âtə: La nyê gbö tə̂ azü ndə̂ andjë nə la apö ndə̂ âkrʉ tchə̂lə̂ azü la apö ndə̂ âmbo rə̂ pä azü te lə̂ ngbongbo rə. Azü nə̈ gbôtə̂ köbo pö ndə̂ ârâ nyîsə̂ nə̈ sə̈ andjê lâme nə̂. Nyë gïtə̂ nyê tə̂ azü lâme bhâchï.

Rômo 6:17

Azə̈ zä ayîabâ sə̈ Ndjapä bëte dokʉ̈tchê alême, nyë wätə̂ angbâa ndə̂ ngbongbo rə. Angaâtə, nyë gâmba rə̂ nə̂ la su nyê gbɛ̂ la lëge pö ndə̂ a nyîsə̂ nə̈ sə̈ azü gbɛ̂ ânyë nyë djê rə̂ lâme.

Dokʉ̈ Körɛ̂nte 10:33

Nyë mbö rə batə̂ mê: Më sə̈ lakə̂ pu köbo gbɛ̂ ndə̂kə̂ daka lə̂ la azü gbɛ̂ lə̂ arə gbɛ̂. Më pûâbo rə kütû bëte mê la tə̂ mê-a, praâbalë më pü rə bëte angbängbä azü ndə̂kə̂ pa andjë tcha lə̂ kuzü.

Dokʉ̈ Körɛ̂nte 14:1

Nyë pü köbo dokʉ̈tchê ndə̂kə̂ nyində̂ angâ nyê. Nyë wä ndjë la gʉ ndə̂kə̂ gbo arə ndə̂ Kpɨ̂ki Yingö, praâbalë nyë pü köbo tə̂ gbölösə̂nə̈ ndə̂kə̂ to ndə̂ma Ndjapä.

Dokʉ̈ Körɛ̂nte 14:7

Rə nə̈ wä ndjë käko tə̂ pö ndə̂ arə ɛ̈ngbä batə̂ küdambala âdəndjë kundi: Âdə ârə̂ âkɨabô kɨ̂ ngbî ngbî tə̂ ngâ yê, akrə âmbo atöko ndə̂kə̂ dje tchə̂lə̂ gɨ̈ düwü ndə̂ küdambala âdəndjë andə̂ kundi nə̈?

Bïchuû Körɛ̂nte 11:6

Âdə më âwun-abô wûnsə̂ kə̂ to pö lə̂ köbo nə̈-ê, praâbalë andə̂ kə̂ wunsə̂ rə, më kä lə̂nə̈. Ârâ nyîsə̂ kə̂ wunsə̂ rə lâme nə̂ kraâ sə̈ nyê lə̂ arə gbɛ̂ ndjë lə̂ akänyï gbɛ̂.

Bïchuû Körɛ̂nte 12:1

Äwäpä më bhi gogo mê? Ngâ tchôtchô rə balë wâbo lə̂nə̈-a. Praâbalë më wä ndə̂kə̂ to pö ndə̂ arə ndə̂ Gbölö Gbïɛ̈ nyîsə̂ nə̈ sə̈ mê lə̂ ngâ rə batə̂ lü, ânyë kə̈ mbô rə̂ pä më wunsə̂ nə̈.

Bïchuû Körɛ̂nte 12:7

Rə ndə̂ Ndjapä nyîsə̂ nə̈ sə̈ mê wätə̂ rə ndə̂ ârôpâ küma azü. Ndə̂kə̂ pa më bhiabô gogo mê bhî tâ-ê, Ndjapä zä ngâ rə batə̂ chi lə̂ tə̂ mê, chi nə̈ wä batə̂ ngâ akrə ndə̂ Satäa wân tchë ndə̂kə̂ bhi mê, ânyë kə̈ kîtə̂ köbo tə̂ mê ndə̂kə̂ bhiabô gogo mê bhî-î.

Ëfêze 1:17

Më yükû nə̈ sə̈ Ndjapä ndə̂ Gbölö Gbïɛ̈ ndə̂ azə̂ Jezü Krîsiti, Bha ndə̂ tche wâ gbölö, ndə̂kə̂ pa tche za Yingö ndə̂ küma ndə̂ âwa lanə̈ sə̈ nyê. Yingö nə̈ nyiadje sə̂ apö pâ Ndjapä sə̈ nyê, kə̂ mbo rə̂ pä nyë wunsə̂ yê tə̂ lëge nə̈.

Ëfêze 3:4

Nyë âsə̈ dɨ mbëtï nə̈, kə̂ wun-adje rə̂ pä më wûnsə̂ pö ndə̂ Krîsiti ndə̂ âwâ lə̂ küwû nə̈ lâme nə̂.

Fïlîpe 3:15

Azə̂ gbɛ̂ ndə̂ azə̈ nêgbe lə̂ köbosə̂ arə ndə̂ Yingö, äwäpä kə̂ rɨ su azə̂ gbɛ̂ wa balë. Âdə ngâ pö âwa tâ ânyë pö tə̂ su nyê wâ ngbî, Ndjapä âkradje tchə̂lə̂ la nyê pâ pö nə̈ lâme.

Bïchuû Timotë 2:14

Apö lâme gbɛ̂, äwäpä mo ka tô tchêndə̂ nə̈, kə̂ to rə̂ sə̈ andjê tchâtchu Ndjapä ndə̂kə̂ pa andjë gbotə̂ kə̂ po tə̂ pö ndə̂ ada pö-ê. Ngâ rə balë wâbo lə̂kə̂ po nə̈ lâme-a, praâbalë ändɨ̈ andjanə̈ ndə̂ andjë dje rə̂.

Bïchuû Timotë 3:10

Praâbalë andə̂ zə nə̈, mö zâ tchêngbâ mê lə̂ arə kâkë nə̂: Kə̂ nyîsə̂ rə ndə̂ mê, kə̂ sə ndə̂ mê, arə ndə̂ më nyîndə̂ kə̂ mbo rə̂ lə̂ kua ndə̂ mê, kə̂ za su mê sə̈ Krîsiti, kə̂ rʉatə̂ su mê, kə̂ nyində̂ ngâ ndə̂ mê, kə̂ rʉatə̂ su mê lə̂ arə gbôgbô.

Bïchuû Timotë 3:16

Apö gbɛ̂ lə̂ Mbëtï Ndjapä tö lə̂ ma Ndjapä. Pö nə̈ däka ndə̂kə̂ nyisə̂ rə, ndə̂kə̂ nyisə̂ ngbongbo rə ndə̂ akrə sə̈ tchë, ndə̂kə̂ ka la akrə pâ tchôtchô köbo, ndə̂kə̂ nyisə̂ köbo ndə̂kə̂ mbo djîrə̂ rə tə̂ akrə,

Bïchuû Timotë 4:2

Äwäpä mo mu pö Ndjapä, kə̂ chi pânə̈ lə̂ tchôtchô lö ndjë lə̂ ngbongbo lö. Amö gbɨtɨ tü azü, kə̂ hro la andjê, kə̂ za wängö sə̈ andjê, lakə̂ rʉatə̂ su zə̈ logbɛ̂, la su ndə̂kə̂ nyisə̂ rə.

Tîte 3:8

Pö lâme wätə̂ lëge pö. Käko më nyïndə̂ nə̈ pä mo chi pânə̈ djîrə̂, ânyë azü gbɛ̂ ndə̂ andjë zâ su andjê sə̈ Krîsiti, andjë zatə̂ andjê gbɛ̂ ndə̂kə̂ mbo tchôtchô kua. Rə ndə̂ âdâka ânyë kə̈ kʉ̂sə̂ kə̂ za könô sə̈ azü kä lâme.

Aheborö 13:9

Âwâbo pä nyë gbotə̂ köbo sə̈ azü, andjë bolo nyê lakə̂ nyisə̂ angâ apö ngbî ngbî sə̈ nyê-a, bëte äwäpä su nyê kpokpo tə̂ yê lə̂ köbosə̂ tchôtchô su ndə̂ Ndjapä, âdə̂âbo tə̂ pö ndə̂ kɨ̈zɨ̂-a. Azü ndə̂ andjë bata ndïɛ̈ ndə̂ kɨ̈zɨ̂ lâme, andjë gbôâbo ngâ rə ngbânə̈ balë-a.

Bïchuû Pîêre 1:5

Bëte rə̂ kä, äwäpä nyë za gbôgbô ndə̂ nyê gbɛ̂ ndə̂kə̂ mbotə̂ nyê djîrə̂ ëpâ kə̂ za su nyê sə̈ Jezü. Nyë zä kə̂ wunsə̂ rə ëpâ kə̂ mbotə̂ nyê djîrə̂;

Bïchuû Pîêre 3:18

Praâbalë äwäpä nyë ge lə̂ tchôtchô su lakə̂ wunsə̂ Gbölö Gbïɛ̈ ndə̂ azə̂ Jezü Krîsiti Earə̂ kə̂ tcha azə̂. Voga wätə̂ andə̂ ye nə̈, angêta ndjë tə̂ logbɛ̂ logbɛ̂! Amin.

Bïchuû Jâan 1:9

Akrə balë balë gbɛ̂ ndə̂ tche sə̂âbô sə̂ lə̂kə̂ nyisə̂ rə ndə̂ Krîsiti, ânyë kə̈ wân tâ ngbî, dëkë tche wâbo balë la Ndjapä-a. Akrə ndə̂ tche sə̂ lə̂kə̂ nyisə̂ rə ndə̂ Krîsiti, akrə nə̈ lâme kä balë la Bha azə̂ la Modô ndə̂ yê.