Dokʉ̈ Körɛ̂nte 14:5 - Mbëtï Ndjapä: TÄFO MADƗ̈

⁵ Më nyïndə̂ nə̈ pä nyënyê gbɛ̂ nyê to pö la ama gö ngbî ngbî, praâbalë më nyïndə̂ nə̈ tə̂ gbogbôsə̂nə̈ pä nyë to ndə̂ma Ndjapä. Akrə ndə̂ tche tô ndə̂ma Ndjapä, tche mbö tchôtchô rə kə̈ rô akrə ndə̂ tche to pö la ama gö ngbî ngbî. Ndə̂kə̂ pa akrə ndə̂ tche to pö la ama gö ngbî ngbî mbo tchôtchô rə, äwäpä ngâ akrə to tchêngbâ pö nə̈ la ma gö ndə̂ azü nə̈, ânyë azü ndə̂ Egilîze nə̈ kpokpo tə̂ andjê.

Dokʉ̈ Körɛ̂nte 14:5 Iomraidhean Croise

Mâreke 16:17

Asɨ̂nyî rə ndə̂ âzadje tchêngbâ andjanə̈ ndə̂ andjê zadje su andjê sə̈ mê wä kâkë: Andjê groadje angbongbo atchozö la rə̈ mê, kə̂ toadje pö la angâ atäfo ama gö.

Rômo 14:19

Käko äwäpä azə̈ pü köbo rə ndə̂ ânə la zɨtɨ su la rə ndə̂ âmbo rə̂ pä azə̈ kpokpo tə̂ azə̂ lə̂ gbâtə̂ azə̂ lə̂ köbosə̂ kə̂ za su azə̂ sə̈ Ndjapä.

Dokʉ̈ Körɛ̂nte 12:10

Tche zä gbôgbô ndə̂kə̂ mbo akpɨ̈ngbɨ̈ rə sə̈ ngâ akrə, kə̈ zâ gbôgbô ndə̂kə̂ to ndə̂ma Ndjapä sə̈ ngânə̈, kə̈ zâ gbôgbô ndə̂kə̂ krʉ tchə̂lə̂ Kpɨ̂ki Yingö la angbongbo yingö sə̈ ngânə̈, kə̈ zâ gbôgbô ndə̂kə̂ to pö la ama gö ngbî ngbî sə̈ ngânə̈, ânyë kə̈ zâ gbôgbô sə̈ ngânə̈ ndə̂kə̂ to ndə̂ma pö ndə̂ ama gö ngbî ngbî lâme sə̈ angâ yê.

Dokʉ̈ Körɛ̂nte 13:1

Âdə mê âto pö la ama gö ndə̂ azü la andə̂ aânje, ânyë kə̂ nyində̂ ngâ wâbô wâ lə̂ mê-ê, dëkë më wä batə̂ ngâ ajorʉa ndə̂ âkɨ âdəndjë ngâ kâlângbä ndə̂ âkɨ ngbôô.

Dokʉ̈ Körɛ̂nte 13:4

Akrə ndə̂ tche nyîndə̂ ngâ yê, tche rʉ̈ätə̂ su yê, tche mbö dâkâ, tche mbôâbo gbölö su-a, kə̈ mbôâbo tə̂ yê gbölö-a, kə̈ bhîâbo gogo yê-a.

Dokʉ̈ Körɛ̂nte 14:1

Nyë pü köbo dokʉ̈tchê ndə̂kə̂ nyində̂ angâ nyê. Nyë wä ndjë la gʉ ndə̂kə̂ gbo arə ndə̂ Kpɨ̂ki Yingö, praâbalë nyë pü köbo tə̂ gbölösə̂nə̈ ndə̂kə̂ to ndə̂ma Ndjapä.

Dokʉ̈ Körɛ̂nte 14:17

Tə̂ lëge nə̈, pö ndə̂ zə̈ nə̈ ndə̂ mo to rə̂ sə̈ Ndjapä lakə̂ za ayîabâ sə̈ tchë, watə̂ tchôtchô nə̈. Praâbalë âzâbo könô sə̈ ngâ zə̈ ndə̂kə̂ kpokpo tə̂ yê-a.