Dokʉ̈ Körɛ̂nte 14:39 - Mbëtï Ndjapä: TÄFO MADƗ̈

³⁹ Käko arə̂mä, nyë pü köbo ndə̂kə̂ to ndə̂ma Ndjapä. Nyë kïäbô kîtə̂ köbo tə̂ azü ndə̂ andjë nyîndə̂ kə̂ to pö la ama gö ngbî ngbî,

Dokʉ̈ Körɛ̂nte 14:39 Iomraidhean Croise

Dokʉ̈ Körɛ̂nte 12:31

Nyë pü köbo ndə̂kə̂ gbo gbôgbô ndə̂ Yingö za rə̂ sə̈ akrə ndə̂ âdâka kə̈ rô adɨ̂ nə̈ gbɛ̂. Praâbalë angaâtə, më ânyisə̂ ngâ köbo sə̈ nyê ndə̂ âdâka kə̈ rô adɨ̂ nə̈ gbɛ̂.

Dokʉ̈ Körɛ̂nte 13:2

Âdə mê âwa la gbôgbô ndə̂ Kpɨ̂ki Yingö ndə̂kə̂ to ndə̂ma Ndjapä, âdə mê âwunsə̂ dju arə ndə̂ âwâ lə̂ küwû nə̈, âdə mê âwunsə̂ rə gbɛ̂, âdə kə̂ za su mê sə̈ Krîsiti âwa gbölö ndə̂kə̂ to rə̂ sə̈ aga pä tche gitə̂ yê lə̂ kpâlâ yê chï, ânyë âgîtə̂ yê chï, ânyë kə̂ nyində̂ ngâ wâbô wâ lə̂ mê-ê, më wâbo tə̂ ngâ rə-a.

Dokʉ̈ Körɛ̂nte 14:1

Nyë pü köbo dokʉ̈tchê ndə̂kə̂ nyində̂ angâ nyê. Nyë wä ndjë la gʉ ndə̂kə̂ gbo arə ndə̂ Kpɨ̂ki Yingö, praâbalë nyë pü köbo tə̂ gbölösə̂nə̈ ndə̂kə̂ to ndə̂ma Ndjapä.

Dokʉ̈ Körɛ̂nte 14:3

Praâbalë akrə ndə̂ tche to ndə̂ma Ndjapä, tche tö pö nə̈ sə̈ azü. Tche tö apö ndə̂ âmbo rə̂ pä akrə kpokpo tə̂ yê, tche zä wängö ndə̂ Ndjapä sə̈ azü, kə̂ za wängö ndə̂ âza gbôgbô tə̂ su azü.

Dokʉ̈ Körɛ̂nte 14:38

Âdə ngâ akrə âwun-abô sə̂nə̈ wûn käko-ë, dëkë Ndjapä wûn-âbo ndjë sə̂ yê-a.

Dokʉ̈ Körɛ̂nte 14:5

Më nyïndə̂ nə̈ pä nyënyê gbɛ̂ nyê to pö la ama gö ngbî ngbî, praâbalë më nyïndə̂ nə̈ tə̂ gbogbôsə̂nə̈ pä nyë to ndə̂ma Ndjapä. Akrə ndə̂ tche tô ndə̂ma Ndjapä, tche mbö tchôtchô rə kə̈ rô akrə ndə̂ tche to pö la ama gö ngbî ngbî. Ndə̂kə̂ pa akrə ndə̂ tche to pö la ama gö ngbî ngbî mbo tchôtchô rə, äwäpä ngâ akrə to tchêngbâ pö nə̈ la ma gö ndə̂ azü nə̈, ânyë azü ndə̂ Egilîze nə̈ kpokpo tə̂ andjê.

Dokʉ̈ Tësälönîke 5:20

nyë wün-äbô apö ndə̂ a-earə̂ ndə̂ma Ndjapä wûn batə̂ mbämbä pö-ê.