Dokʉ̈ Körɛ̂nte 14:37 - Mbëtï Ndjapä: TÄFO MADƗ̈

³⁷ Âdə ngâ akrə âwuntî pä anyë də̈ earə̂ ndə̂ma Ndjapä, âdəndjë akrə ndə̂ tche wâ la Kpɨ̂ki Yingö, äwäpä tche wunsə̂ nə̈ lə̂ pö ndə̂ më mbô rə̂ sə̈ nyê âtə pä agbôgbô pö ma Gbölö Gbïɛ̈ kä.

Dokʉ̈ Körɛ̂nte 14:37 Iomraidhean Croise

Lûke 10:16

Jezü kä tô rə̂ sə̈ adjisîpili ndə̂ yê päkëdə̂: «Âdə ngâ akrə âdje nyê, dëkë mëmê kä ndə̂ tche djê mê. Âdə ngâ akrə âkosə̂ nyê, dëkë mëmê kä ndə̂ tche kôsə̂ mê. Âdə akrə nə̈ âkosə̂ mê, dëkë tche kösə̂ akrə ndə̂ tche wän mê.»

Rômo 12:3

Ndjapä mbö tchôtchô su tə̂ mê. Bëte rə̂ kä ndə̂, më nyîndə̂ kə̂ to rə̂ sə̈ nyê balë balë gbɛ̂, äwäpä nyë wun-abô tə̂ nyê wûn batə̂ agbölö azü-î. Praâbalë nyë wüntə̂ nyê batə̂ ambämbä azü, gundə̂sə̂ rə ndə̂ Kpɨ̂ki Yingö za rə̂ sə̈ akrə balë balë.

Dokʉ̈ Körɛ̂nte 14:29

Âdə andə̂ azü ndə̂ andjë wâtə̂ a-earə̂ ndə̂ma Ndjapä, äwäpä azü bïchuû âdəndjë vötaâ to rə̂, ânyë adɨ̂ azü nə̈ chi ndə̂ pö nə̈ ndə̂ andjë to rə̂ lâme.

Dokʉ̈ Körɛ̂nte 14:36

Pö ndə̂ Ndjapä tö bhândə̂ nyê âkə̈ wûtu? Kütû nyê balë kä ndə̂ âgbô pö nə̈?

Dokʉ̈ Körɛ̂nte 14:38

Âdə ngâ akrə âwun-abô sə̂nə̈ wûn käko-ë, dëkë Ndjapä wûn-âbo ndjë sə̂ yê-a.

Dokʉ̈ Körɛ̂nte 2:15

Akrə ndə̂ tche wâ la Kpɨ̂ki Yingö, tche wünsə̂ kə̂ krʉ tchə̂lə̂ tchôtchô rə la ngbongbo rə gbɛ̂, praâbalë ngâ akrə balë ndə̂ tche wâ ndə̂kə̂ to ngâ pö pâ yê wâbo-a.

Dokʉ̈ Körɛ̂nte 3:1

Arə̂mä, andə̂ me nə̈ më gbôâbo köbo ndə̂kə̂ to pö sə̈ nyê batə̂ rə̂ ndə̂ a to pö sə̈ azü ndə̂ andjë wâ la Kpɨ̂ki Yingö-a, praâbalë më tö pö sə̈ nyê kütû batə̂ rə̂ ndə̂ a to rə̂ sə̈ azü ndə̂ andjë wûn-âbô sə̂ Ndjapä wûn-î, la azü ndə̂ Krîsiti ndə̂ gbô andjê wâtə̂ abechë lə̂kə̂ za su sə̈ Ndjapä.

Dokʉ̈ Körɛ̂nte 7:25

Âdə andə̂ andjanə̈ ndə̂ andjë tôâbô aɛ̈chë âdəndjë aköchë tô-ê, Gbölö Gbïɛ̈ zâbo ma sə̈ mê pâ andjê-a. Praâbalë më ânyisə̂ kə̂ wun tchô ndə̂ mê batə̂ akrə, ndə̂ nyë wâ ndə̂kə̂ za su nyê pâ pö ndə̂ yê, bëte Gbölö Gbïɛ̈ wün nyonyo mê.

Dokʉ̈ Körɛ̂nte 7:40

Bhâtə̂ su mê, âdə ɛ̈chë nə̈ âtoabô ngâ köchë tô-ê, tchê səadje la mômô. Mëmê ndjë gbɛ̂ më wün rə̂ pä më kä la Yingö ndə̂ Ndjapä.

Dokʉ̈ Körɛ̂nte 8:2

Âdə ngâ akrə âwun rə̂ pä anyë wûnsə̂ rə nə̂, dëkë tche wûn-âbo sə̂ rə batə̂ rə̂ ndə̂ a wunsə̂ rə-a.

Bïchuû Körɛ̂nte 10:12

Tə̂ lëge nə̈, angâ azü wüntə̂ andjê batə̂ agbölö azü, praâbalë ârâ kʉ̂âbo sə̂kə̂ wa batə̂ andjê-a, âdəndjë ndə̂kə̂ wuntə̂ ârâ batə̂ andjê-a. Lə̂ la andjê, andjë wüntə̂ andjê la tə̂ andjê batə̂ azü ndə̂ sə̂ andjê lû kə̈ rô adɨ̂ azü gbɛ̂, andjë wün kə̂ sə ndə̂ andjê kə̈ tâkpa rə̂ la andə̂ azü gbɛ̂, dëkë küma andjê wâbo lanə̈-a.

Bïchuû Körɛ̂nte 10:7

Nyë sə̈ lakə̂ wun arə batə̂ rə̂ ndə̂ azü wun rə. Âdə ngâ akrə âwunsə̂ nə̈ pä ânyë də̈ akrə ndə̂ Krîsiti, äwäpä tche wunsə̂ nə̈ angêta tratralë pä ârâ ndjë gbɛ̂ ârâ wä ndjë tə̂ azü ndə̂ Krîsiti.

Bïchuû Körɛ̂nte 11:4

Bëte nyë rʉ̈ätə̂ su nyê la azü ndə̂ andjë nə̂ ndə̂kə̂ mu pö sə̈ nyê pâ ngâ Jezü ngbî tə̂ Jezü ndə̂ ârâ mû pö ndə̂ yê sə̈ nyê lâme. Nyë kä ndjë tchêtchêtchê ndə̂kə̂ nyində̂ ngâ yingö ngbî tə̂ Yingö ndə̂ nyë gbô tchë dokʉ̈tchê lâme. Nyë kä ndjë tchêtchêtchê ndə̂kə̂ gamba ngâ tchôtchô pö ngbî tə̂ Tchôtchô Pö ndə̂ nyë djê rə̂ dokʉ̈tchê!

Gälâte 6:8

Âdə ngâ akrə âlu angbongbo arə ndə̂ gʉ su yê la tə̂ yê, ndjî rəgʉ ndə̂ tchê soadje rə̂ ngbânə̈, ädə̈ arə ndə̂ ngbongbo gʉ su yê mbô rə̂, ndə̂ ânyîndə̂ kə̂ to rə̂ pä kuzü. Praâbalë âdə tche âlu arə ndə̂ Yingö, ndjî rəgʉ ndə̂ tche soadje rə̂ ngbânə̈ ädə̈ ndjî rəgʉ ndə̂ Yingö, ndə̂ ânyîndə̂ kə̂ to rə̂ päkëdə̂: Tchîsûwu ndə̂ logbɛ̂ logbɛ̂.

Bïchuû Pîêre 3:2

Më nyïndə̂ nə̈ pä apö ndə̂ a-earə̂ ndə̂ma Ndjapä ndə̂ andjë dâka gbɛ̂ tô rə̂ sə̈ nyê dokʉ̈tchê alême, sə̂nə̈ te lə̂ nyê. Ndjë akümändëmä ndə̂ abadjângele nyîsə̂ nə̈ sə̈ nyê alême pâ pö ndə̂ Gbölö Gbïɛ̈ Earə̂ kə̂ tcha azə̂ lâme, më nyïndə̂ nə̈ pä sə̂nə̈ te lə̂ nyê.

Dokʉ̈ Jâan 4:6

Praâbalë andə̂ azə̈ nə̈, azə̈ wätə̂ azü ndə̂ Ndjapä. Akrə ndə̂ tche wûnsə̂ Ndjapä, tche djë azə̂. Praâbalë akrə ndə̂ tche wâbô wâtə̂ akrə ndə̂ Ndjapä, tche djêâbo azə̂-a. Käko kä ndə̂ azə̈ wunsə̂ kə̂ krʉ tchə̂lə̂ Yingö ndə̂ lëge pö la yingö ndə̂ ânyisə̂ ngbongbo köbo.

Jûde 1:17

Âdə andə̂ nye nə̈, arə̂mâ ndə̂ mê ndə̂ më nyîndə̂ nyê tə̂ gbölösə̂nə̈, äwäpä pö ndə̂ abadjângele ndə̂ Gbölö Gbïɛ̈ ndə̂ azə̂ Jezü Krîsiti tô rə̂ dokʉ̈tchê alême te lə̂ nyê.