Dokʉ̈ Körɛ̂nte 14:33 - Mbëtï Ndjapä: TÄFO MADƗ̈

³³ Bëte Ndjapä də̈ Ndjapä ndə̂ tche mbo rə la köbo nə̈, kə̈ wâtə̂ Ndjapä ndə̂ zɨtɨ su. Batə̂ rə̂ ndə̂ a mbo rə̂ lə̂ a-Egilîze gbɛ̂ ndə̂ azü ndə̂ Ndjapä,

Dokʉ̈ Körɛ̂nte 14:33 Iomraidhean Croise

Lûke 2:14

«Azə̈ vöga Ndjapä ndə̂ tche sə̂ bhâ lafô, zɨtɨ su wä bêche âtə bëte azü ndə̂ tche nyîndə̂ andjê!»

Abadjângele 9:13

Änänîâse tô rə̂ ndə̂nə̈ päkëdə̂: «Gbölö Gbïɛ̈, më djë pö ndə̂ angbängbä azü tô rə̂ tə̂ köchë âtə, andjë tö ndjë pö ndə̂ angbongbo arə gbɛ̂ ndə̂ tche mbô rə̂ tə̂ azü ndə̂ zə̈ ndə̂ andjë sə̂ bhâ Jerûzalêmo.

Rômo 15:33

Äwäpä Ndjapä ndə̂ tche za zɨtɨ su sə̈ akrə sə la nyê gbɛ̂! Amin.

Dokʉ̈ Körɛ̂nte 11:16

Praâbalë âdə ngâ akrə ânyində̂ kə̂ kosə̂ pö lâme, äwäpä tche wunsə̂ nə̈ pä ngâ köbo ngbî ndə̂kə̂ pa ârâ la a-Egilîze ndə̂ Ndjapä mbo rə̂ wâbo-a.

Dokʉ̈ Körɛ̂nte 14:32

Akrə ndə̂ tche to ndə̂ma Ndjapä kä ndə̂ âwâ la kümändëmä pâ rə ndə̂ Yingö za rə̂ sə̈ tchë ndə̂kə̂ to ndə̂ma Ndjapä nə̈ lâme.

Dokʉ̈ Körɛ̂nte 14:40

praâbalë äwäpä rə nə̈ gbɛ̂ mbo la köbo nə̈, kə̂ mbo rə ndə̂ âwâ djîrə̂.

Dokʉ̈ Körɛ̂nte 4:17

Tə̂ pö ndə̂nə̈ kä ndə̂ më wân Timotë sə̈ nyê, modô ndə̂ mê ndə̂ më nyîndə̂ yê tə̂ gbölösə̂nə̈, ndə̂ gbô tchë sə̂ lə̂ köbo Gbölö Gbïɛ̈. Tche kä ndə̂ ânyiadje sə̂ köbo ndə̂ më sə̂ la rə̂ la tchêngbâ nə̈ ndə̂ më wâ balë la Krîsiti, batə̂ rə̂ ndə̂ më nyîsə̂ nə̈ katchôgbɛ̂, kulə̂ a-Egilîze.

Dokʉ̈ Körɛ̂nte 7:15

Praâbalë âdə tchanə̈ ndə̂ tche zâbô su yê zâ sə̈ Ndjapä lâme ânyində̂ kə̂ kosə̂ ɛ̈chë âdəndjë köchë ndə̂ yê, äwäpä a gbotə̂ yê tche kosə̂ yê. Käko ɛ̈chë nə̈ âdəndjë köchë nə̈ ndə̂ tche zâ su yê sə̈ Ndjapä lâme, ngâ rə ndə̂ âpala andjê wâbo-a, bëte Ndjapä ë nyê ndə̂kə̂ pa nyë sə la zɨtɨ su.

Dokʉ̈ Körɛ̂nte 7:17

Âdə andə̂ adɨ̂ azü nə̈, apö ndə̂ mê zama tə̂ pö ndə̂nə̈ kulə̂ a-Egilîze gbɛ̂ kä âtə: Äwäpä akrə balë balë ndəpo lə̂ köbo ndə̂ Gbölö Gbïɛ̈ zâ rə̂ sə̈ tchë. Äwäpä tche ndə̂po lə̂kə̂ sə ndə̂ yê dokʉ̈tchê tə̂ lo nə̈ ndə̂ Ndjapä ê tchë.

Bïchuû Körɛ̂nte 12:20

Wawa mbö mê ndə̂kə̂ pa âdə mê âsə̈ wutu bhândə̂ nyê, kə̂ wun kə̂ sə ndə̂ nyê âwa ngbî tə̂ anə̈ ndə̂ su mê nyîndə̂ nə̈, ânyë nyënyê ndjë gbɛ̂, nyê wun kə̂ sə ndə̂ mê âwa ngbî tə̂ anə̈ ndə̂ su nyê nyîndə̂ nə̈. Wawa mbö mê ndə̂kə̂ pa angbongbo arə kâkë wabô wâ lə̂ gbâtə̂ nyê: Kə̂ gama, gbölö su, mêrâ, kə̂ pu köbo ndə̂kə̂ wa batə̂ ngâ yê, kə̂ dro akrə la angbongbo apö, kə̂ to alû, kə̂ bhi gogo, kə̂ mbo angbongbo rə katchôgbɛ̂.

Gälâte 5:22

Praâbalë arə ndə̂ Kpɨ̂ki Yingö mbo rə̂ wä kâkë: Kə̂ nyində̂ ngâ, mômô, zɨtɨ su, kə̂ rʉatə̂ su, kə̂ mbo tchôtchô rə, kə̂ mbo dâkâ tə̂ azü, kə̂ za su sə̈ Ndjapä,

Bïchuû Tësälönîke 3:16

Äfü pä Gbölö Gbïɛ̈ la tə̂ yê, ndə̂ tche wâ la zɨtɨ su, za zɨtɨ su sə̈ nyê logbɛ̂ lə̂ arə gbɛ̂. Äfü pä Gbölö Gbïɛ̈ sə la nyê gbɛ̂.

Aheborö 13:20

Ndjapä ndə̂ tche za zɨtɨ su sə̈ akrə, tche mbö rə̂ pä Gbölö Gbïɛ̈ ndə̂ azə̂ Jezü jo lə̂ kuzü ânyë kə̈ wâtə̂ gbölö earə̂ kə̂ bata aɛ̈bro-ngbaga, lə̂ köbosə̂ jï yê ndə̂ tche zâ rə̂ la ngela, ânyë âbâta madɨ̈ ndə̂ âwâ pïï etə̂.