Dokʉ̈ Körɛ̂nte 14:32 - Mbëtï Ndjapä: TÄFO MADƗ̈

³² Akrə ndə̂ tche to ndə̂ma Ndjapä kä ndə̂ âwâ la kümändëmä pâ rə ndə̂ Yingö za rə̂ sə̈ tchë ndə̂kə̂ to ndə̂ma Ndjapä nə̈ lâme.

Dokʉ̈ Körɛ̂nte 14:32 Iomraidhean Croise

Abadjângele 13:1

Lə̂ Egilîze ndə̂ Äntïyôche, a-earə̂ ndə̂ma Ndjapä la aköchë ndə̂ andjë nyisə̂ rə kä tâ: Bärnäbâse, Simeyön ndə̂ a ê rə̂ tə̂ yê pä bübü akrə, Lüsïûse akrə gö ndə̂ Sïrêne, Manayë ndə̂ andjë kʉ̂che la gbölö kömändâ Hërôde, la Sôlo.

Dokʉ̈ Körɛ̂nte 14:31

Käko nyënyê gbɛ̂ nyë wä ndə̂kə̂ to ndə̂ma Ndjapä, praâbalë äwäpä nyë to rə̂ balë balë. Käko kä ndə̂ azü gbɛ̂ manda ngâ rə, ânyë kə̂ gbo gbôgbô tə̂ su andjê.

Dokʉ̈ Körɛ̂nte 14:33

Bëte Ndjapä də̈ Ndjapä ndə̂ tche mbo rə la köbo nə̈, kə̈ wâtə̂ Ndjapä ndə̂ zɨtɨ su. Batə̂ rə̂ ndə̂ a mbo rə̂ lə̂ a-Egilîze gbɛ̂ ndə̂ azü ndə̂ Ndjapä,

Bïchuû Tësälönîke 2:2

Âdə ngâ akrə âto rə̂ päkëdə̂: Lö kə̂ ka ndə̂ Gbölö Gbïɛ̈ wûtu nə̂, tchə̂lə̂ küma nyê djingɨliabô djîngɨli gasa-ê, nyë mböäbô ndjë wa mbô-ê. Âdə tche âto rə̂ pä pö nə̈ tö lə̂ ma Ndjapä, âdəndjë rə̂ ndə̂ pö nə̈ tö lə̂ ma ârâ, âdəndjë rə̂ ndə̂ ârâ kä âkə̈ wân mbëtï sə̈ nyê, nyë nyïäbô nyîndə̂ nə̈-ê.

Dokʉ̈ Jâan 4:1

Arə̂mâ ndə̂ mê ndə̂ më nyîndə̂ nyê tə̂ gbölösə̂nə̈, nyë gämbabô pö ndə̂ azü ndə̂ andjë to rə̂ pä anyë kä la yingö lâme gâmba-ê. Praâbalë äwäpä nyë wun kə̂ sə ndə̂ andjê, lakə̂ mbo rə ndə̂ andjê. Käko nyê wunsə̂ nə̈ pä yingö ndə̂ âwâ lə̂ andjê lâme tö bhândə̂ Ndjapä, bëte angbängbä a-earə̂ ndə̂ma Ndjapä ndə̂ yepa zâ tchêbêche nə̂ gbɛ̂.

Apökälîbïchi 22:6

Pânə̈ ânje nə̈ tô rə̂ sə̈ mê päkëdə̂: «Apö nə̈ wätə̂ lëge nə̈, kə̈ wâ ndə̂kə̂ pa akrə za su yê pânə̈. Gbölö Gbïɛ̈ Ndjapä ndə̂ tche zâ Yingö ndə̂ yê sə̈ a-earə̂ ndə̂ma yê, wän ânje ndə̂ yê ndə̂kə̂ nyisə̂ rə ndə̂ âwâ ndə̂kə̂ wutu angaâtə sə̈ a-earə̂ kua ndə̂ yê.»