Dokʉ̈ Körɛ̂nte 14:31 - Mbëtï Ndjapä: TÄFO MADƗ̈

³¹ Käko nyënyê gbɛ̂ nyë wä ndə̂kə̂ to ndə̂ma Ndjapä, praâbalë äwäpä nyë to rə̂ balë balë. Käko kä ndə̂ azü gbɛ̂ manda ngâ rə, ânyë kə̂ gbo gbôgbô tə̂ su andjê.

Dokʉ̈ Körɛ̂nte 14:31 Iomraidhean Croise

Rômo 1:12

Rə ndə̂ më nyîndə̂ kə̂ to rə̂ wä kâkë: Më nyïndə̂ kə̂ wutu bhândə̂ nyê ânyë azə̂ la nyê gbɛ̂ gbo gbôgbô lə̂ su azə̂. Nyê gbo gbôgbô lə̂ su nyê lə̂ köbosə̂ su mê ndə̂ më zâ rə̂ sə̈ Krîsiti. Mê gbo ndjë gbôgbô lə̂ su mê lə̂ köbosə̂ su nyê ndə̂ nyë zâ rə̂ sə̈ Krîsiti.

Dokʉ̈ Körɛ̂nte 14:19

Praâbalë âdə mê âkrʉ tchâtchu kpûlû azü ndə̂ Krîsiti, më nyïndə̂ kə̂ to apö mïndûu ndə̂ azü dje tchə̂lə̂ nə̈, ânyë âkpokpo andjê, ärö anə̈ ndə̂kə̂ pa më to pö sâke lə̂ könô gbɛ̂ (10 000) la ama gö ngbî ngbî.

Dokʉ̈ Körɛ̂nte 14:3

Praâbalë akrə ndə̂ tche to ndə̂ma Ndjapä, tche tö pö nə̈ sə̈ azü. Tche tö apö ndə̂ âmbo rə̂ pä akrə kpokpo tə̂ yê, tche zä wängö ndə̂ Ndjapä sə̈ azü, kə̂ za wängö ndə̂ âza gbôgbô tə̂ su azü.

Dokʉ̈ Körɛ̂nte 14:30

Âdə ngâ akrə ngbî âgbo ngâ pö dəndə̂ Ndjapä, äwäpä akrə ndə̂ tche sə̂ lakə̂ to pö lâme ngbo ma yê ëtâ.

Dokʉ̈ Körɛ̂nte 14:32

Akrə ndə̂ tche to ndə̂ma Ndjapä kä ndə̂ âwâ la kümändëmä pâ rə ndə̂ Yingö za rə̂ sə̈ tchë ndə̂kə̂ to ndə̂ma Ndjapä nə̈ lâme.

Dokʉ̈ Körɛ̂nte 14:35

Âdə andjê ânyində̂ kə̂ wunsə̂ ngâ pö pâ ngâ rə, äwäpä andjë yu aköchë ndə̂ andjê bhâlə̂ manda. Âwâbo la köbo nə̈ ndə̂kə̂ pa ɛ̈chë to pö lə̂ kpûlû azü-a.

Bïchuû Körɛ̂nte 1:4

Tche zä gbôgbô tə̂ su azə̂ lə̂ arə yûkü gbɛ̂ ndə̂ âgbô azə̂, käko ânyë lə̂ köbosə̂ gbôgbô ndə̂ tche zâ rə̂ tə̂ su azə̂, azə̈ gbo ndjë köbo ndə̂kə̂ za gbôgbô tə̂ su azü ndə̂ andjë wâ lə̂ arə yûkü balë balë gbɛ̂. Azə̂ âza gbôgbô tə̂ su andjê.

Ëfêze 6:22

Më wän kütû tchë sə̈ nyê ndə̂kə̂ to pö pâ ârâ sə̈ nyê, kə̂ za wängö ndə̂kə̂ za gbôgbô tə̂ su nyê.

Kölôse 2:2

Më nyïndə̂ nə̈ pä su andjê wa la gbôgbô, äwäpä andjë wa balë lə̂ köbosə̂ kə̂ nyində̂ ngâ, kə̂ gbo atchôtchô arə lə̂ köbosə̂ kə̂ wunsə̂ rə. Käko ânyë andjê wun-adje sə̂ apö ndə̂ Ndjapä nyîkrə rə̂, ndə̂ gbô rə̂ wâ lə̂ küwû nə̈: Pö nə̈ lâme də̈ Krîsiti.

Dokʉ̈ Tësälönîke 4:18

Nyë zä wängö ndə̂kə̂ za gbôgbô tə̂ su angâ nyê lə̂ gbâtə̂ nyê la pö lâme.

Dokʉ̈ Tësälönîke 5:11

Bëte rə̂ kä ndə̂, nyë zä wängö ndə̂kə̂ za gbôgbô tə̂ su angâ nyê lə̂ gbâtə̂ nyê, kə̂ mbo rə̂ ndə̂kə̂ pa nyë kpokpo tə̂ nyê batə̂ rə̂ ndə̂ nyë sə̂ lakə̂ mbo rə̂ lâme.

Dokʉ̈ Tësälönîke 5:14

Arə̂mä, ârâ zä wängö sə̈ nyê ndə̂kə̂ pa nyë gbɨtɨ tü andjanə̈ ndə̂ andjë mboabô rə mbô lə̂ köbo nə̈ lâme-ê, kə̂ za wängö ndə̂kə̂ za gbôgbô tə̂ su andjanə̈ ndə̂ andjë zôgo. Nyë zä könô sə̈ andjänə̈ ndə̂ andjë wâbô wâ la gbôgbô-ê, kə̂ rʉatə̂ su nyê la azü gbɛ̂.

Dokʉ̈ Tësälönîke 5:20

nyë wün-äbô apö ndə̂ a-earə̂ ndə̂ma Ndjapä wûn batə̂ mbämbä pö-ê.