Dokʉ̈ Körɛ̂nte 14:3 - Mbëtï Ndjapä: TÄFO MADƗ̈

³ Praâbalë akrə ndə̂ tche to ndə̂ma Ndjapä, tche tö pö nə̈ sə̈ azü. Tche tö apö ndə̂ âmbo rə̂ pä akrə kpokpo tə̂ yê, tche zä wängö ndə̂ Ndjapä sə̈ azü, kə̂ za wängö ndə̂ âza gbôgbô tə̂ su azü.

Dokʉ̈ Körɛ̂nte 14:3 Iomraidhean Croise

Lûke 3:18

Jâan tö angâ apö tə̂ gbölösə̂nə̈ ndə̂kə̂ za gbôgbô tə̂ su azü, lakə̂ nyisə̂ Tchôtchô Pö sə̈ andjê.

Abadjângele 13:15

Pânə̈ ndə̂ a dɨ̂ a-Mbëtï-ndïɛ̈ la andə̂ earə̂ ndə̂ma Ndjapä, amakündji ndə̂ nda kə̂ voga Ndjapä tô rə̂ sə̈ Pôlo la Bärnäbâse päkëdə̂: «Arə̂mä, âdə nyë âwa la angâ apö ndə̂ âza gbôgbô tə̂ su azü gö nə̈, nyë tö rə̂!»

Abadjângele 14:22

Andjë zä wängö sə̈ adjisîpili ndə̂kə̂ za gbôgbô tə̂ su andjê, kə̈ yûkû nə̈ sə̈ andjê ndə̂kə̂ pa andjë ndəpo kpôpâ su andjê ndə̂ andjë zâ rə̂ sə̈ Jezü. Andjë tö rə̂ sə̈ azü nə̈ päkëdə̂: «Äwäpä azə̈ wun yûkü tə̂ gbölösə̂nə̈ ânyë kə̂ li bhâlə̂ Gbölö gö-gbïɛ̈ ndə̂ Ndjapä.»

Abadjângele 15:32

Jüdâse la Sïlâse ndə̂ andjë wâtə̂ a-earə̂ ndə̂ma Ndjapä tô pö sə̈ andjê tə̂ gbölösə̂nə̈ ndə̂kə̂ za gbôgbô tə̂ su andjê ânyë kə̈ mbô rə̂ pä andjë kpokpo tə̂ andjê.

Abadjângele 4:36

Ngâ köchë kä tâ ndə̂ rə̈ yê wû pä Jozêfu, abadjângele ë rə̂ tə̂ yê pä Bärnäbâse ndə̂ ânyîndə̂ kə̂ to rə̂ pä: «Earə̂ kə̂ za gbôgbô tə̂ su.» Tche də̈ ngâ akrə pâ mawo ndə̂ Levï, a zɨ̈ tchë bhâ Chîpre.

Abadjângele 9:31

Sə̂nə̈ lâme, Egilîze lə̂ agö ndə̂ Judë gbɛ̂, ndə̂ Galilë la Samarï wä alême la zɨtɨ su. Egilîze nə̈ gê lakə̂ kpe wa Gbölö Gbïɛ̈. Lə̂ köbosə̂ kə̂ za könô ndə̂ Kpɨ̂ki Yingö, azü nə̈ sə̂ lakə̂ ngba tə̂ gbölösə̂nə̈.

Rômo 12:8

Akrə ndə̂ tche wâ la rə ndə̂ Yingö ndə̂kə̂ za gbôgbô tə̂ su azü, äwäpä tche za wängö. Akrə ndə̂ tche kʉ arə sə̈ azü, äwäpä tche kʉ arə nə̈ la tchôtchô su yê. Akrə ndə̂ tche sə̂ tə̂ küma azü, äwäpä tche zä su yê gbɛ̂ tə̂ kua nə̈. Akrə ndə̂ tche wun nyonyo a-earə̂ yûkü, äwäpä tche mbo rə̂ la mômô tə̂ ma yê.

Rômo 14:19

Käko äwäpä azə̈ pü köbo rə ndə̂ ânə la zɨtɨ su la rə ndə̂ âmbo rə̂ pä azə̈ kpokpo tə̂ azə̂ lə̂ gbâtə̂ azə̂ lə̂ köbosə̂ kə̂ za su azə̂ sə̈ Ndjapä.

Rômo 15:2

Äwäpä akrə balë balë lə̂ gbâtə̂ azə̂ pu köbo ndə̂kə̂ mbo rə ndə̂ âfû tə̂ angâ yê, tə̂ pö ndə̂ dâkâ ndə̂ andjê, käko ânyë andjë kpokpo tə̂ andjê lə̂ su andjê ndə̂ andjë zâ rə̂ sə̈ Jezü.

Dokʉ̈ Körɛ̂nte 10:23

Angânə̈ tö rə̂ päkëdə̂: «A zä köbo sə̈ akrə ndə̂kə̂ mbo arə gbɛ̂», ɛn-ɛn! Praâbalë âdə̂âbo rə gbɛ̂ kä âkə̈ dâka-a. «A zä köbo sə̈ akrə ndə̂kə̂ mbo arə gbɛ̂», ɛn-ɛn! Praâbalë, âdə̂âbo rə gbɛ̂ kä ndə̂ âmbo rə̂ pä Egilîze kpokpo tə̂ yê-a.

Dokʉ̈ Körɛ̂nte 14:12

Nyënyê ndjë gbɛ̂ ndə̂ nyë wâ la gʉ tə̂ gbölösə̂nə̈ ndə̂kə̂ gbo arə ndə̂ Yingö, äwäpä köbo âwa, nyê pu köbo ndə̂kə̂ gbo arə ndə̂ Yingö ndə̂ âmbo rə̂ pä Egilîze kpokpo tə̂ yê.

Dokʉ̈ Körɛ̂nte 14:17

Tə̂ lëge nə̈, pö ndə̂ zə̈ nə̈ ndə̂ mo to rə̂ sə̈ Ndjapä lakə̂ za ayîabâ sə̈ tchë, watə̂ tchôtchô nə̈. Praâbalë âzâbo könô sə̈ ngâ zə̈ ndə̂kə̂ kpokpo tə̂ yê-a.

Dokʉ̈ Körɛ̂nte 14:26

Käko arə̂mä, azə̂ âmbo atöko? Âdə nyë âpalatə̂ nyê, ngânə̈ balë lə̂ gbâtə̂ nyê pä düwü, ngânə̈ nyisə̂ rə âdəndjë rə̂ ndə̂ tche to pö ndə̂ ngâ rə ndə̂ Ndjapä nyîsə̂ nə̈ sə̈ tchë, ngânə̈ to pö la ama gö ngbî ngbî, ânyë ngânə̈ to tchêngbâ pö nə̈ la ma gö ndə̂ azü nə̈. Rə gbɛ̂ ndə̂ nyê mbo rə̂, äwäpä rə nə̈ lâme kpokpo azü ndə̂ Egilîze.

Dokʉ̈ Körɛ̂nte 14:31

Käko nyënyê gbɛ̂ nyë wä ndə̂kə̂ to ndə̂ma Ndjapä, praâbalë äwäpä nyë to rə̂ balë balë. Käko kä ndə̂ azü gbɛ̂ manda ngâ rə, ânyë kə̂ gbo gbôgbô tə̂ su andjê.

Dokʉ̈ Körɛ̂nte 8:1

Âdə andə̂ gûsû ndə̂ a wâ rə̂ la ngela sə̈ angakʉ̈lä: Tə̂ lëge nə̈, «azə̂ gbɛ̂ də̈ a-earə̂ kə̂ wunsə̂ rə», batə̂ rə̂ ndə̂ nyê to tchê rə̂. Kə̂ wunsə̂ rə lâme mbö rə̂ pä azü bhi gogo andjê, praâbalë kə̂ nyində̂ ngâ mbö rə̂ ânyë akrə ndə̂ Krîsiti ge lə̂ Yingö.

Bïchuû Körɛ̂nte 1:4

Tche zä gbôgbô tə̂ su azə̂ lə̂ arə yûkü gbɛ̂ ndə̂ âgbô azə̂, käko ânyë lə̂ köbosə̂ gbôgbô ndə̂ tche zâ rə̂ tə̂ su azə̂, azə̈ gbo ndjë köbo ndə̂kə̂ za gbôgbô tə̂ su azü ndə̂ andjë wâ lə̂ arə yûkü balë balë gbɛ̂. Azə̂ âza gbôgbô tə̂ su andjê.

Bïchuû Körɛ̂nte 2:7

Bëte rə̂ kä, äwäpä nyë ko pö lə̂ küma yê, kə̂ mbo rə̂ pä tche gbo gbôgbô tə̂ su yê, ânyë nyonyo roabô rôpâ yê.

Ëfêze 4:29

Âwâbo pä ngâ ngbongbo pö balë wutu lə̂ ma nyê-a. Praâbalë âdə köbo âwa, nyê to kütû tchôtchô pö ndə̂ âmbo rə̂ pä angâ nyê kpokpo tə̂ andjê, ânyë âmbo dâkâ tə̂ azü ndə̂ andjë dje nyê.

Ëfêze 6:22

Më wän kütû tchë sə̈ nyê ndə̂kə̂ to pö pâ ârâ sə̈ nyê, kə̂ za wängö ndə̂kə̂ za gbôgbô tə̂ su nyê.

Kölôse 4:8

Më wän tchë sə̈ nyê ndə̂kə̂ to apö pâ ârâ sə̈ nyê, kə̂ za gbôgbô tə̂ su nyê.

Dokʉ̈ Tësälönîke 2:11

Nyë wûn ndjë sə̂nə̈ nə̂ pä ârâ mbö rə tə̂ akrə balë balë batə̂ rə̂ ndə̂ bha bechë mbo rə̂ tə̂ abechë ndə̂ yê.

Dokʉ̈ Tësälönîke 2:3

Kə̂ mu pö ndə̂ ârâ nə̈ krʉ̂âbo pâ yepa-a, âwâbo lə̂ köbosə̂ ngbongbo pö tə̂ su akrə-a, kə̈ wâbo ndjë ndə̂kə̂ bolo azü-a.

Dokʉ̈ Tësälönîke 3:2

ânyë kə̈ wân Timotë ngâ ârâ lə̂ Krîsiti sə̈ nyê; tche də̈ akrə ndə̂ andjë mbo kua balë la Ndjapä, kua ndə̂kə̂ mu Tchôtchô Pö ndə̂ Krîsiti. Ârâ wän tchë sə̈ nyê ndə̂kə̂ mbo rə̂ ânyë nyê kpokpo tə̂ nyê, kə̂ mbo rə̂ ânyë nyê gbo gbôgbô lə̂kə̂ za su nyê sə̈ Krîsiti,

Dokʉ̈ Tësälönîke 4:1

Ndə̂kə̂ ka ndə̂nə̈, arə̂mä, ârâ nyïsə̂ köbo ndə̂ nyê sə la rə̂ ânyë âfu tə̂ Ndjapä alême nə̂. Tə̂ lëge nə̈, nyë sə̂ käko nə̂. Praâbalë angaâtə, ârâ yükû nə̈ sə̈ nyê lakə̂ za wängö sə̈ nyê la rə̈ Gbölö Gbïɛ̈ Jezü; nyë mbö rə̂ âkä ro anə̈ dokʉ̈tchê.

Dokʉ̈ Tësälönîke 4:18

Nyë zä wängö ndə̂kə̂ za gbôgbô tə̂ su angâ nyê lə̂ gbâtə̂ nyê la pö lâme.

Bïchuû Tësälönîke 3:12

Azü käko lâme, ârâ yükû nə̈ sə̈ andjê, kə̈ zâ wängö sə̈ andjê la rə̈ Gbölö gbïɛ̈ Jezü Krîsiti: Äwäpä andjë sə gii-ï, kə̂ mbo kua ânyë kə̂ zɨ rə ngbâ kua ndə̂ andjê mbo rə̂ la tə̂ andjê.

Dokʉ̈ Timotë 1:4

Amö to rə̂ sə̈ andjê pä andjë zabô tə̂ andjê zâ ndə̂kə̂ dɨ andə̂ma apö yepa-ê, lakə̂ dɨ arə̈ angbängbä araâta andjê-ê. Arə lâme mbö rə̂ pä azü gama andjê lə̂ gbâtə̂ andjê, praâbalë âdə̂âbo rə ndə̂ su Ndjapä nyîndə̂ nə̈ kä lâme-a, ndə̂ a wunsə̂ nə̈ lə̂ köbosə̂ kə̂ za su sə̈ Ndjapä.

Dokʉ̈ Timotë 4:13

Dokʉ̈tchê ndə̂kə̂ pa më nə, amö zatə̂ zə̈ gbɛ̂ ndə̂kə̂ dɨ Mbëtï Ndjapä, kə̂ za wängö sə̈ azü, lakə̂ nyisə̂ rə.

Dokʉ̈ Timotë 6:2

Angbâa ndə̂ a-earə̂ andjê wâtə̂ azü ndə̂ Krîsiti, andjë wätə̂ arə̂mâ ndə̂ andjê lə̂ Krîsiti. Âdə̂âbo anə̈ lâme kä ndə̂ âkitə̂ köbo tə̂ andjê ndə̂kə̂ lusə̂ a-earə̂ andjê nə̈-a, praâbalë äwäpä angbâa nə̈ ka mbô kua ndə̂ a-earə̂ andjê nə̈ âro anə̈ dokʉ̈tchê, bëte a-earə̂ andjê nə̈, ndə̂ andjë gbo rə ngbâ kua ndə̂ angbâa lâme, andjë wâ nə̂ tə̂ azü ndə̂ Krîsiti, kə̈ wâtə̂ arə̂mâ ndə̂ andjê, ânyë Ndjapä nyïndə̂ andjê tə̂ gbölösə̂nə̈. Rə ndə̂ âwâ pä mo nyisə̂ nə̈, kə̂ zama tə̂ pö ndə̂nə̈ kä âtə:

Bïchuû Timotë 4:2

Äwäpä mo mu pö Ndjapä, kə̂ chi pânə̈ lə̂ tchôtchô lö ndjë lə̂ ngbongbo lö. Amö gbɨtɨ tü azü, kə̂ hro la andjê, kə̂ za wängö sə̈ andjê, lakə̂ rʉatə̂ su zə̈ logbɛ̂, la su ndə̂kə̂ nyisə̂ rə.

Tîte 1:9

Äwäpä tche zatə̂ yê gbɛ̂ pâ pö Ndjapä, ndə̂ âwâtə̂ pö ndə̂kə̂ za su sə̈ Krîsiti, ânyë kə̈ wâ gundə̂sə̂ pö ndə̂ a nyîsə̂ nə̈ dokʉ̈tchê. Käko tchê wadje tə̂ akrə ndə̂ tche kʉ̂sə̂ kə̂ za wängö sə̈ azü tə̂ pö ndə̂ lëge pö ndə̂ a nyîsə̂ nə̈ sə̈ andjê, ndjë kə̂ nyisə̂ nə̈ sə̈ a-earə̂ kə̂ kosə̂ lëge pö pä, andjë tchâ köbo nə̂.

Tîte 2:15

Käko kä ndə̂ mo wâ ndə̂kə̂ to pö, kə̂ za wängö sə̈ azü, kə̂ gbɨtɨ tü azü la gbôgbô. Âwâbo pä ngâ akrə balë talusə̂ zə̈-a.

Tîte 2:6

Äwä ndjë pä mo za wängö sə̈ abechë-ɛ̈köchë ndə̂kə̂ pa andjë to pö la köbo nə̈

Tîte 2:9

Äwäpä angbâa dje ma a-earə̂ andjê lə̂ arə gbɛ̂. Äwäpä andjë mbo rə ndə̂ âfû tə̂ a-earə̂ andjê, kə̂ gabô ma andjê gâ la andjê-ê.

Aheborö 10:25

Azə̈ gböäbô gbôtə̂ kə̂ palatə̂ azə̂ la angâ azə̂-ê, batə̂ rə̂ ndə̂ angâ azü mbo tchê rə̂, praâbalë azə̈ zä wängö lə̂ gbâtə̂ azə̂ la angâ azə̂ âro anə̈ dokʉ̈tchê, bëte azə̈ wûnsə̂ nə̈ nə̂ pä lö Gbölö Gbïɛ̈ wâ nə̂ tchêtchêtchê.

Aheborö 13:22

Arə̂mä, më yükû nə̈ sə̈ nyê ndə̂kə̂ pa nyê rʉatə̂ su nyê, kə̂ gamba apö gbɛ̂ ndə̂ më tô rə̂ ndə̂kə̂ za gbôgbô tə̂ su nyê. Ndə̂kə̂ wun rə̂ djîrə̂, më wân-âbo ngrɨ̈ngrɨ̈ mbëtï sə̈ nyê-a.

Aheborö 3:13

Praâbalë nyë zä wängö ndə̂kə̂ za gbôgbô tə̂ su angâ nyê lə̂ gbâtə̂ nyê lə̂ alö balë balë, ndə̂ lö ndə̂ tchô «Angêta» ndə̂po lakə̂ e, ndə̂ Mbëtï Ndjapä tô pö ndə̂nə̈, ânyë ngâ akrə balë lə̂ gbâtə̂ nyê koabô sə̂kə̂ dje pö kô-ê, ânyë ngbongbo rə boloabô tchë bôlo-ê.

Dokʉ̈ Pîêre 5:12

Më mbö ndöndö mbëtï âtə sə̈ nyê lə̂ köbosə̂ Silvɛ̈n ndə̂ më wûn tchë batə̂ djîrə̂ ngâ azə̂ lə̂ Krîsiti. Më mbö rə̂ ndə̂kə̂ za gbôgbô tə̂ su nyê, ndjë ndə̂kə̂ nyisə̂ nə̈ sə̈ nyê pä pö nə̈ ndə̂ nyë ndə̂po lə̂ köbo nə̈ lâme wätə̂ lëge rə lə̂ köbosə̂ tchôtchô su ndə̂ Ndjapä.

Jûde 1:20

Praâbalë nyënyê, arə̂mâ ndə̂ mê ndə̂ më nyîndə̂ nyê tə̂ gbölösə̂nə̈, nyë krʉ̈ pâ kə̂ za su nyê ndə̂ nyë zâ rə̂ sə̈ Krîsiti ndə̂ âwâ ngbî ânyë kə̈ dâka gbɛ̂. Nyë tö pö sə̈ Ndjapä lə̂ köbosə̂ Kpɨ̂ki Yingö.