Dokʉ̈ Körɛ̂nte 14:29 - Mbëtï Ndjapä: TÄFO MADƗ̈

²⁹ Âdə andə̂ azü ndə̂ andjë wâtə̂ a-earə̂ ndə̂ma Ndjapä, äwäpä azü bïchuû âdəndjë vötaâ to rə̂, ânyë adɨ̂ azü nə̈ chi ndə̂ pö nə̈ ndə̂ andjë to rə̂ lâme.

Dokʉ̈ Körɛ̂nte 14:29 Iomraidhean Croise

Abadjângele 13:1

Lə̂ Egilîze ndə̂ Äntïyôche, a-earə̂ ndə̂ma Ndjapä la aköchë ndə̂ andjë nyisə̂ rə kä tâ: Bärnäbâse, Simeyön ndə̂ a ê rə̂ tə̂ yê pä bübü akrə, Lüsïûse akrə gö ndə̂ Sïrêne, Manayë ndə̂ andjë kʉ̂che la gbölö kömändâ Hërôde, la Sôlo.

Dokʉ̈ Körɛ̂nte 12:10

Tche zä gbôgbô ndə̂kə̂ mbo akpɨ̈ngbɨ̈ rə sə̈ ngâ akrə, kə̈ zâ gbôgbô ndə̂kə̂ to ndə̂ma Ndjapä sə̈ ngânə̈, kə̈ zâ gbôgbô ndə̂kə̂ krʉ tchə̂lə̂ Kpɨ̂ki Yingö la angbongbo yingö sə̈ ngânə̈, kə̈ zâ gbôgbô ndə̂kə̂ to pö la ama gö ngbî ngbî sə̈ ngânə̈, ânyë kə̈ zâ gbôgbô sə̈ ngânə̈ ndə̂kə̂ to ndə̂ma pö ndə̂ ama gö ngbî ngbî lâme sə̈ angâ yê.

Dokʉ̈ Körɛ̂nte 13:2

Âdə mê âwa la gbôgbô ndə̂ Kpɨ̂ki Yingö ndə̂kə̂ to ndə̂ma Ndjapä, âdə mê âwunsə̂ dju arə ndə̂ âwâ lə̂ küwû nə̈, âdə mê âwunsə̂ rə gbɛ̂, âdə kə̂ za su mê sə̈ Krîsiti âwa gbölö ndə̂kə̂ to rə̂ sə̈ aga pä tche gitə̂ yê lə̂ kpâlâ yê chï, ânyë âgîtə̂ yê chï, ânyë kə̂ nyində̂ ngâ wâbô wâ lə̂ mê-ê, më wâbo tə̂ ngâ rə-a.

Dokʉ̈ Körɛ̂nte 14:28

Âdə ngâ akrə âsəabô sə̂ ndə̂kə̂ to tchêngbâ pö nə̈, äwäpä andjë ngbo ma andjê lə̂ gbâtə̂ azü ëtâ. Äwä ndə̂kə̂ pa akrə balë balë lə̂ gbâtə̂ andjê lâme to kütû pö nə̈ sə̈ tchë la tə̂ yê, ndjë sə̈ Ndjapä.

Dokʉ̈ Körɛ̂nte 14:30

Âdə ngâ akrə ngbî âgbo ngâ pö dəndə̂ Ndjapä, äwäpä akrə ndə̂ tche sə̂ lakə̂ to pö lâme ngbo ma yê ëtâ.

Dokʉ̈ Körɛ̂nte 14:32

Akrə ndə̂ tche to ndə̂ma Ndjapä kä ndə̂ âwâ la kümändëmä pâ rə ndə̂ Yingö za rə̂ sə̈ tchë ndə̂kə̂ to ndə̂ma Ndjapä nə̈ lâme.

Dokʉ̈ Körɛ̂nte 14:37

Âdə ngâ akrə âwuntî pä anyë də̈ earə̂ ndə̂ma Ndjapä, âdəndjë akrə ndə̂ tche wâ la Kpɨ̂ki Yingö, äwäpä tche wunsə̂ nə̈ lə̂ pö ndə̂ më mbô rə̂ sə̈ nyê âtə pä agbôgbô pö ma Gbölö Gbïɛ̈ kä.

Dokʉ̈ Körɛ̂nte 14:39

Käko arə̂mä, nyë pü köbo ndə̂kə̂ to ndə̂ma Ndjapä. Nyë kïäbô kîtə̂ köbo tə̂ azü ndə̂ andjë nyîndə̂ kə̂ to pö la ama gö ngbî ngbî,