Dokʉ̈ Körɛ̂nte 14:26 - Mbëtï Ndjapä: TÄFO MADƗ̈

²⁶ Käko arə̂mä, azə̂ âmbo atöko? Âdə nyë âpalatə̂ nyê, ngânə̈ balë lə̂ gbâtə̂ nyê pä düwü, ngânə̈ nyisə̂ rə âdəndjë rə̂ ndə̂ tche to pö ndə̂ ngâ rə ndə̂ Ndjapä nyîsə̂ nə̈ sə̈ tchë, ngânə̈ to pö la ama gö ngbî ngbî, ânyë ngânə̈ to tchêngbâ pö nə̈ la ma gö ndə̂ azü nə̈. Rə gbɛ̂ ndə̂ nyê mbo rə̂, äwäpä rə nə̈ lâme kpokpo azü ndə̂ Egilîze.

Dokʉ̈ Körɛ̂nte 14:26 Iomraidhean Croise

Rômo 1:13

Arə̂mä, më nyïndə̂ nə̈ pä nyë wunsə̂ nə̈ pä më nyïkrə rə̂ tə̂ su mê tə̂ngâlo ndə̂kə̂ e atə̂ndə̂ nyê. Praâbalë köbo mîɛ tə̂ mê zoo angêta. Më nyïndə̂ kə̂ wutu bhâye ndə̂kə̂ pa më mbo kua ndə̂kə̂ gbo azü bëte Krîsiti lə̂ gö ndə̂ nyê ndjë batə̂ rə̂ ndə̂ më gbô andjê lə̂ angâ agö ngbî.

Rômo 12:7

Âdə ngâ akrə âwa la rə ndə̂ Yingö ndə̂kə̂ mbo kua, äwäpä tche mbo kua nə̈. Akrə ndə̂ tche wâ la rə ndə̂ Yingö ndə̂kə̂ nyisə̂ rə, äwäpä tche nyisə̂ rə.

Rômo 14:19

Käko äwäpä azə̈ pü köbo rə ndə̂ ânə la zɨtɨ su la rə ndə̂ âmbo rə̂ pä azə̈ kpokpo tə̂ azə̂ lə̂ gbâtə̂ azə̂ lə̂ köbosə̂ kə̂ za su azə̂ sə̈ Ndjapä.

Rômo 15:2

Äwäpä akrə balë balë lə̂ gbâtə̂ azə̂ pu köbo ndə̂kə̂ mbo rə ndə̂ âfû tə̂ angâ yê, tə̂ pö ndə̂ dâkâ ndə̂ andjê, käko ânyë andjë kpokpo tə̂ andjê lə̂ su andjê ndə̂ andjë zâ rə̂ sə̈ Jezü.

Dokʉ̈ Körɛ̂nte 14:15

Më âmbo atöko? Mê toadje pö sə̈ Ndjapä lə̂ köbosə̂ Yingö, praâbalë mê toadje ndjë pö sə̈ Ndjapä lakə̂ wunsə̂ rə ndə̂ mê. Mê padje düwü lə̂ köbosə̂ Yingö, praâbalë mê padje ndjë düwü lakə̂ wunsə̂ rə ndə̂ mê.

Dokʉ̈ Körɛ̂nte 14:2

Bëte akrə ndə̂ tche to pö la ama gö ngbî ngbî, tche tôâbo pö nə̈ sə̈ azü-a, praâbalë tche to rə̂ sə̈ Ndjapä. Ngâ akrə balë djêâbo tchə̂lə̂ pö nə̈-a, tche tö pö ndə̂ arə ndə̂ gbô rə̂ wâ lə̂ küwû nə̈ lə̂ köbosə̂ Kpɨ̂ki Yingö.

Dokʉ̈ Körɛ̂nte 14:27

Âdə nyê ânyində̂ kə̂ to pö la ama gö ngbî ngbî, äwäpä azü bïchuû, âdəndjë vötaâ to rə̂, äröäbô anə̈ lâme rô-ê. Äwä ndə̂kə̂ to rə̂ balë balë, ânyë ngâ akrə balë sə lakə̂ to tchêngbâ pö nə̈ la ma gö ndə̂ azü nə̈.

Dokʉ̈ Körɛ̂nte 14:40

praâbalë äwäpä rə nə̈ gbɛ̂ mbo la köbo nə̈, kə̂ mbo rə ndə̂ âwâ djîrə̂.

Bïchuû Körɛ̂nte 12:19

Ndə̂nə̈ gû nə̂ ndə̂ nyë wûn rə̂ pä ârâ sə̈ lakə̂ pu köbo ndə̂kə̂ wa djîrə̂ lə̂ la nyê? Ɛ̂n-ɛ̈n! Âdə̂âbo käko-a. Bëte rə̂ ndə̂ ârâ wâ balë la Krîsiti, ârâ tö pö lâme lə̂ la Ndjapä. Arə̂mâ ndə̂ mê ndə̂ më nyîndə̂ nyê tə̂ gbölösə̂nə̈, rə gbɛ̂ ndə̂ më mbô rə̂ lâme, më mbö rə̂ ndə̂kə̂ pa Egilîze ndə̂ nyê kpokpo tə̂ yê.

Bïchuû Körɛ̂nte 13:10

Bëte rə̂ kä ndə̂ gbô mê sə̂ ngrɨ̈ tə̂ nyê, kə̈ mbô mbëtï âtə ndə̂kə̂ wan rə̂ sə̈ nyê. Käko âdə mê âwutu bhâye, kə̂ hroabô hrô la nyê-ê lə̂ köbosə̂ gbôgbô ndə̂ Gbölö Gbïɛ̈ zâ rə̂ sə̈ mê ndə̂kə̂ mbo rə̂ pä Egilîze ndə̂ nyê kpokpo tə̂ yê, âdə̂âbo ndə̂kə̂ ndɨ rə̂ ndɨ̈-a.

Ëfêze 4:12

Tche kʉ̈ arə nə̈ lâme käko ndə̂kə̂ pa azü ndə̂ Ndjapä gbo köbo ndə̂kə̂ mbo kua ndə̂ Ndjapä zâ rə̂ sə̈ andjê ânyë tə̂ Krîsiti ge,

Ëfêze 4:16

Lə̂ köbosə̂ yê kä ndə̂ atchâme-tə̂ gbɛ̂ pâlatə̂ andjê kə̈ wâ balë. Andjë täkpa tə̂ andjê lə̂ köbosə̂ anë kʉ̂tê. Âdə tchâme-tə̂ akrə balë balë âsə lakə̂ mbo kua ndə̂ yê, kʉ̂tê nə̈ gbɛ̂ âge kə̂ nyikrətə̂ yê lə̂kə̂ nyində̂ ngâ.

Ëfêze 4:29

Âwâbo pä ngâ ngbongbo pö balë wutu lə̂ ma nyê-a. Praâbalë âdə köbo âwa, nyê to kütû tchôtchô pö ndə̂ âmbo rə̂ pä angâ nyê kpokpo tə̂ andjê, ânyë âmbo dâkâ tə̂ azü ndə̂ andjë dje nyê.

Ëfêze 5:19

Nyë ngbötə̂ nyê kə̂ pa adüwü ndə̂ Mbëtï Ndjapä, adüwü ndə̂kə̂ za voga sə̈ Ndjapä la adüwü ndə̂ Kpɨ̂ki Yingö za rə̂ sə̈ nyê, nyë pä düwü kə̂ voga Gbölö Gbïɛ̈ la su nyê gbɛ̂.

Dokʉ̈ Tësälönîke 5:11

Bëte rə̂ kä ndə̂, nyë zä wängö ndə̂kə̂ za gbôgbô tə̂ su angâ nyê lə̂ gbâtə̂ nyê, kə̂ mbo rə̂ ndə̂kə̂ pa nyë kpokpo tə̂ nyê batə̂ rə̂ ndə̂ nyë sə̂ lakə̂ mbo rə̂ lâme.