Dokʉ̈ Körɛ̂nte 14:20 - Mbëtï Ndjapä: TÄFO MADƗ̈

²⁰ Arə̂mä, äwäpä kə̂ za küma nyê wabô wâ batə̂ andə̂ abechë-ê, âdə andə̂ kə̂ mbo ngbongbo rə âdə rə̂, ɛn-ɛn! Äwäpä nyë wa batə̂ ayɛ̈yɛ̈ abechë. Praâbalë âdə ârə̂ âwa ndə̂kə̂ za küma, äwäpä nyë za küma nyê batə̂ adjêdjena azü.

Dokʉ̈ Körɛ̂nte 14:20 Iomraidhean Croise

Matiyə̈ 11:25

Lo nə̈ lâme, Jezü tô rə̂ päkëdə̂: «Bha mê, Gbölö Gbïɛ̈ ndə̂ tchêlafô la tchêbêche, më zä ayîabâ sə̈ mö, bëte mo vüsə̂ rə lâme tə̂ azü ndə̂ küma andjê wâ lanə̈ la a-earə̂ kə̂ wunsə̂ rə, ânyë kə̈ nyîsə̂ nə̈ sə̈ akpîɛ̂kpîɛ̂ azü.

Matiyə̈ 18:3

kə̈ tô rə̂ sə̈ andjê päkëdə̂: «Ɛn-ɛn, tə̂ lëge nə̈ më tö rə̂ sə̈ nyê: Âdə su nyê âdoabô tə̂ yê dô, kə̂ wa batə̂ su yɛ̈yɛ̈ bechë âtə, nyê liabô lə̂ Gbölö gö-gbïɛ̈ ndə̂ tchêlafô tee-a.

Matiyə̈ 19:14

Jezü tô rə̂ sə̈ andjê päkëdə̂: «Nyë gbötə̂ abechë andjë nə̂ pu mê, nyë kïäbô kîtə̂ köbo tə̂ andjê, bëte Gbölö gö-gbïɛ̈ ndə̂ tchêlafô wätə̂ andə̂ andjanə̈ ndə̂ andjë wâ batə̂ abechë lâme.»

Matiyə̈ 19:4

Jezü tô rə̂ ndə̂nə̈ sə̈ andjê päkëdə̂: «Pö ndə̂ Mbëtï Ndjapä tô rə̂ alême nyë dɨ̂âbo rə̂? ‹Tə̂ dokʉ̈ nə̈, Ndjapä ndə̂ tche mbô rə gbɛ̂, tche mbö köchë la ɛ̈chë.›

Mâreke 10:15

Ɛn-ɛn, tə̂ lëge nə̈ më tö rə̂ sə̈ nyê: Akrə ndə̂ tche mbôâbô mbô la sə̂ Gbölö gö-gbïɛ̈ ndə̂ Ndjapä batə̂ abechë âtə-ê, tchê liabô balë atə̂lə̂ nə̈ tee-a.»

Lûke 18:17

Ɛn-ɛn, tə̂ lëge nə̈ më tö rə̂ sə̈ nyê: Akrə ndə̂ tche mbôâbô mbô la sə̂ Gbölö gö-gbïɛ̈ ndə̂ Ndjapä batə̂ abechë âtə, tchê liabô balë atə̂lə̂ nə̈ tee-a.»

Rômo 1:13

Arə̂mä, më nyïndə̂ nə̈ pä nyë wunsə̂ nə̈ pä më nyïkrə rə̂ tə̂ su mê tə̂ngâlo ndə̂kə̂ e atə̂ndə̂ nyê. Praâbalë köbo mîɛ tə̂ mê zoo angêta. Më nyïndə̂ kə̂ wutu bhâye ndə̂kə̂ pa më mbo kua ndə̂kə̂ gbo azü bëte Krîsiti lə̂ gö ndə̂ nyê ndjë batə̂ rə̂ ndə̂ më gbô andjê lə̂ angâ agö ngbî.

Rômo 16:19

Arə̂mä, andə̂ nye nə̈, azü gbɛ̂ wûnsə̂ nə̈ nə̂ pä nyë wätə̂ azü ndə̂kə̂ dje pö. Bëte rə̂ kä ndə̂, su mê fû la nyê. Praâbalë më nyïndə̂ nə̈ pä nyë watə̂ azü ndə̂ küma andjê wâ lanə̈ ndə̂kə̂ mbo tchôtchô rə batə̂ rə̂ ndə̂ su nyê grô lakə̂ kosə̂ ngbongbo rə.

Dokʉ̈ Körɛ̂nte 13:11

Ndə̂ gbô mê ndə̂po tə̂ bechë, më tö pö batə̂ abechë, kə̂ za küma mê wä batə̂ andə̂ abechë. Praâbalë sə̂nə̈ ndə̂ më âsə̈ kʉche, më gbôtə̂ kə̂ mbo rə batə̂ abechë-ê.

Dokʉ̈ Körɛ̂nte 14:19

Praâbalë âdə mê âkrʉ tchâtchu kpûlû azü ndə̂ Krîsiti, më nyïndə̂ kə̂ to apö mïndûu ndə̂ azü dje tchə̂lə̂ nə̈, ânyë âkpokpo andjê, ärö anə̈ ndə̂kə̂ pa më to pö sâke lə̂ könô gbɛ̂ (10 000) la ama gö ngbî ngbî.

Dokʉ̈ Körɛ̂nte 2:6

Dëkë, ârâ nyïsə̂ köbo ndə̂ küma akrə wa lanə̈ sə̈ azü ndə̂ Krîsiti ndə̂ andjë dû lə̂kə̂ za su andjê sə̈ Ndjapä. Küma ndə̂ âwa lanə̈ lâme tôâbo pâ cho âtə-a, kə̈ tôâbo ndjë tə̂ a-earə̂ kümändëmä ndə̂ andjë wâ la gbôgbô pâ cho âtə-a. Arə lâme gbɛ̂ wä ndə̂kə̂ ndɨ̂ndɨ̈.

Ëfêze 4:13

zoo ndə̂kə̂ pa azə̈ gbɛ̂ wa balë lə̂kə̂ za su sə̈ Ndjapä lakə̂ wunsə̂ Modô ndə̂ yê. Käko azə̂ wadje tə̂ adjêdjena azü lə̂ su azə̂ ndə̂ azə̈ zâ rə̂ sə̈ Ndjapä, ânyë azə̈ ge zoo kə̂ wa batə̂ Krîsiti lə̂ gbölö ndə̂ yê.

Fïlîpe 1:9

Më tö pö sə̈ Ndjapä bëte nyê kâkë: Äwäpä kə̂ nyində̂ angâ nyê lə̂ gbâtə̂ nyê e kütû ë atə̂ tchâtchu nə̈, käko tchə̂lə̂ la nyê kra ndə̂kə̂ wunsə̂ rə djîrə̂,

Fïlîpe 3:15

Azə̂ gbɛ̂ ndə̂ azə̈ nêgbe lə̂ köbosə̂ arə ndə̂ Yingö, äwäpä kə̂ rɨ su azə̂ gbɛ̂ wa balë. Âdə ngâ pö âwa tâ ânyë pö tə̂ su nyê wâ ngbî, Ndjapä âkradje tchə̂lə̂ la nyê pâ pö nə̈ lâme.

Dokʉ̈ Pîêre 2:2

Batə̂ rə̂ ndə̂ angbelɛ̂-bechë mbo gʉ ngo anyï andjê, äwäpä nyë mbö ndjë gʉ pö Ndjapä ndə̂ ngâ ngbongbo rə balë wâbo wâ lə̂nə̈-ê. Käko lə̂ köbosə̂ kə̂ ndjo rə̂, nyê geadje ânyë kə̂ tchadje lə̂ kuzü.

Bïchuû Pîêre 3:18

Praâbalë äwäpä nyë ge lə̂ tchôtchô su lakə̂ wunsə̂ Gbölö Gbïɛ̈ ndə̂ azə̂ Jezü Krîsiti Earə̂ kə̂ tcha azə̂. Voga wätə̂ andə̂ ye nə̈, angêta ndjë tə̂ logbɛ̂ logbɛ̂! Amin.