Dokʉ̈ Körɛ̂nte 14:2 - Mbëtï Ndjapä: TÄFO MADƗ̈

² Bëte akrə ndə̂ tche to pö la ama gö ngbî ngbî, tche tôâbo pö nə̈ sə̈ azü-a, praâbalë tche to rə̂ sə̈ Ndjapä. Ngâ akrə balë djêâbo tchə̂lə̂ pö nə̈-a, tche tö pö ndə̂ arə ndə̂ gbô rə̂ wâ lə̂ küwû nə̈ lə̂ köbosə̂ Kpɨ̂ki Yingö.

Dokʉ̈ Körɛ̂nte 14:2 Iomraidhean Croise

Matiyə̈ 13:11

Tche tô rə̂ ndə̂nə̈ sə̈ andjê päkëdə̂: «Andə̂ nye nə̈, Ndjapä zä rə̂ sə̈ nyê ndə̂kə̂ wunsə̂ alëge pö ndə̂ Gbölö gö-gbïɛ̈ ndə̂ tchêlafô ndə̂ âwâ wü. Andə̂ andjë nə̈, Ndjapä zâbo rə̂ sə̈ andjê ndə̂kə̂ wunsə̂ nə̈-a.

Mâreke 16:17

Asɨ̂nyî rə ndə̂ âzadje tchêngbâ andjanə̈ ndə̂ andjê zadje su andjê sə̈ mê wä kâkë: Andjê groadje angbongbo atchozö la rə̈ mê, kə̂ toadje pö la angâ atäfo ama gö.

Mâreke 4:11

Tche tô rə̂ sə̈ andjê päkëdə̂: «Andə̂ nye nə̈, Ndjapä zä rə̂ sə̈ nyê ndə̂kə̂ wunsə̂ apö ndə̂ Gbölö gö-gbïɛ̈ ndə̂ Ndjapä ndə̂ âwâ lə̂ küwû nə̈, praâbalë andə̂ azü də sûwu, andjë djë andə̂ andjë nə̈ kütû lə̂ köbosə̂ andoka,

Abadjângele 10:46

Azü ndə̂ Krîsiti lâme djë azü nə̈ ndə̂ andjë sə̂ lakə̂ to pö la ama gö ndə̂ a wûn-âbô sə̂nə̈ wûn-î, lakə̂ voga gbölö ndə̂ Ndjapä. Pîêre kä zâ pö kə̈ tô rə̂ päkëdə̂:

Abadjângele 19:6

Pôlo tô könô yê pâ küma andjê ânyë Kpɨ̂ki Yingö jrê pâ andjê, andjë jêtə̂ kə̂ to pö la ama gö ndə̂ a wûn-âbô sə̂nə̈ wûn-î, lakə̂ to ndə̂ma Ndjapä.

Abadjângele 22:9

Azü ndə̂ andjë sə̂ ndrotə̂ mê wûn ngbänga nə̈, praâbalë andjë djêâbo tchə̂lə̂ gɨ̈ akrə ndə̂ âtô pö sə̈ mê lâme-a.

Rômo 16:25

Äwäpä azə̈ voga Ndjapä! Tche wä la gbôgbô ndə̂kə̂ mbo rə̂ pä nyë kpokpo lə̂ köbosə̂ kə̂ za su nyê sə̈ Ndjapä, gundə̂sə̂ Tchôtchô Pö ndə̂ Jezü Krîsiti ndə̂ më mû rə̂. Tchôtchô Pö nə̈ wätə̂ rə ndə̂ tche nyîkrə rə̂ dokʉ̈tchê bhâlə̂ su yê, ndə̂ ândə̂po lə̂ küwû nə̈ logbɛ̂, ânyë tche nyîsə̂ nə̈ sə̈ azə̂ angêta.

Dokʉ̈ Körɛ̂nte 12:10

Tche zä gbôgbô ndə̂kə̂ mbo akpɨ̈ngbɨ̈ rə sə̈ ngâ akrə, kə̈ zâ gbôgbô ndə̂kə̂ to ndə̂ma Ndjapä sə̈ ngânə̈, kə̈ zâ gbôgbô ndə̂kə̂ krʉ tchə̂lə̂ Kpɨ̂ki Yingö la angbongbo yingö sə̈ ngânə̈, kə̈ zâ gbôgbô ndə̂kə̂ to pö la ama gö ngbî ngbî sə̈ ngânə̈, ânyë kə̈ zâ gbôgbô sə̈ ngânə̈ ndə̂kə̂ to ndə̂ma pö ndə̂ ama gö ngbî ngbî lâme sə̈ angâ yê.

Dokʉ̈ Körɛ̂nte 12:28

Ädə̈ käko ânyë azü ndə̂ Ndjapä kʉ̂ andjê lə̂ Egilîze tə̂ dokʉ̈ nə̈ də̈ abadjângele. Abïchuû nə̈ də̈ a-earə̂ ndə̂ma Ndjapä. Avötaâ azü nə̈ də̈ a-earə̂ kə̂ nyisə̂ rə, pânə̈ azü ndə̂ tche zâ gbôgbô sə̈ andjê ndə̂kə̂ mbo akpɨ̈ngbɨ̈ rə, pânə̈ azü ndə̂ tche zâ gbôgbô sə̈ andjê ndə̂kə̂ tcha a-earə̂ tə̂kömbô, azü ndə̂ tche zâ gbôgbô sə̈ andjê ndə̂kə̂ za könô sə̈ angâ andjê, azü ndə̂ tche zâ gbôgbô sə̈ andjê ndə̂kə̂ sə tə̂ küma angâ andjê, azü ndə̂ tche zâ gbôgbô sə̈ andjê ndə̂kə̂ to pö la ama gö ngbî ngbî ndə̂ andjë wûn-âbô sə̂nə̈ wûn-î.

Dokʉ̈ Körɛ̂nte 13:1

Âdə mê âto pö la ama gö ndə̂ azü la andə̂ aânje, ânyë kə̂ nyində̂ ngâ wâbô wâ lə̂ mê-ê, dëkë më wä batə̂ ngâ ajorʉa ndə̂ âkɨ âdəndjë ngâ kâlângbä ndə̂ âkɨ ngbôô.

Dokʉ̈ Körɛ̂nte 13:2

Âdə mê âwa la gbôgbô ndə̂ Kpɨ̂ki Yingö ndə̂kə̂ to ndə̂ma Ndjapä, âdə mê âwunsə̂ dju arə ndə̂ âwâ lə̂ küwû nə̈, âdə mê âwunsə̂ rə gbɛ̂, âdə kə̂ za su mê sə̈ Krîsiti âwa gbölö ndə̂kə̂ to rə̂ sə̈ aga pä tche gitə̂ yê lə̂ kpâlâ yê chï, ânyë âgîtə̂ yê chï, ânyë kə̂ nyində̂ ngâ wâbô wâ lə̂ mê-ê, më wâbo tə̂ ngâ rə-a.

Dokʉ̈ Körɛ̂nte 14:16

Käko âdə mo âsə lakə̂ to pö sə̈ Ndjapä lakə̂ za ayîabâ sə̈ tchë lə̂ köbosə̂ yingö, mbämbä akrə lə̂ kpûlû nə̈ âmbo atöko ânyë kə̂ kɨ «Amin» pâ kə̂ to pö sə̈ Ndjapä ndə̂ zə̈ nə̈? Ndə̂ tche djêâbô tchə̂lə̂ pö ndə̂ zə̈ nə̈ djê lâme?

Dokʉ̈ Körɛ̂nte 14:26

Käko arə̂mä, azə̂ âmbo atöko? Âdə nyë âpalatə̂ nyê, ngânə̈ balë lə̂ gbâtə̂ nyê pä düwü, ngânə̈ nyisə̂ rə âdəndjë rə̂ ndə̂ tche to pö ndə̂ ngâ rə ndə̂ Ndjapä nyîsə̂ nə̈ sə̈ tchë, ngânə̈ to pö la ama gö ngbî ngbî, ânyë ngânə̈ to tchêngbâ pö nə̈ la ma gö ndə̂ azü nə̈. Rə gbɛ̂ ndə̂ nyê mbo rə̂, äwäpä rə nə̈ lâme kpokpo azü ndə̂ Egilîze.

Dokʉ̈ Körɛ̂nte 15:51

Më nyïndə̂ kə̂ nyisə̂ ngâ rə ndə̂ gbô rə̂ wâ lə̂ küwû nə̈ sə̈ nyê: Azə̂ tchuabô gbɛ̂ tee-a, praâbalë tə̂ azə̂ gbɛ̂ âwadje ngbî,

Dokʉ̈ Körɛ̂nte 2:10

Bëte Ndjapä nyïsə̂ arə lâme sə̈ azə̂ lə̂ köbosə̂ Yingö ndə̂ yê. Bëte Yingö pü dju apö gbɛ̂, ndjë la arə ndə̂ Ndjapä nyîkrə rə̂ bhâlə̂ su yê ndə̂ gbô rə̂ wâ lə̂ küwû nə̈.

Dokʉ̈ Körɛ̂nte 2:7

Ârâ nyïsə̂ köbo ndə̂ küma Ndjapä wâ lanə̈, ndə̂ âwâ lə̂ küwû nə̈, ndə̂ tche vûsə̂ nə̈ tə̂ azü. Praâbalë dokʉ̈tchê ndə̂kə̂ pa Ndjapä mbo arə gbɛ̂, tche nyîkrə pö ndə̂ küma ndə̂ âwa lanə̈ lâme nə̂, ndə̂kə̂ pa azə̈ gbo kə̂ lusə̂tə̂ lə̂ köbosə̂ nə̈.

Ëfêze 6:19

Nyë tö ndjë pö sə̈ Ndjapä bëte mê ndə̂kə̂ pa tche za pö ndə̂ yê ëlə̂ ma mê ânyë mê muabô Tchôtchô Pö ndə̂ rə ndə̂ âwâ lə̂ küwû nə̈ mû la wa-ê.

Kölôse 2:2

Më nyïndə̂ nə̈ pä su andjê wa la gbôgbô, äwäpä andjë wa balë lə̂ köbosə̂ kə̂ nyində̂ ngâ, kə̂ gbo atchôtchô arə lə̂ köbosə̂ kə̂ wunsə̂ rə. Käko ânyë andjê wun-adje sə̂ apö ndə̂ Ndjapä nyîkrə rə̂, ndə̂ gbô rə̂ wâ lə̂ küwû nə̈: Pö nə̈ lâme də̈ Krîsiti.

Dokʉ̈ Timotë 3:16

Ɛn-ɛn, pö ndə̂ âwâ lə̂ küwû nə̈ pâ kə̂ zatə̂ andjê gbɛ̂ sə̈ Ndjapä, ndə̂ a wûtu la pö ndə̂nə̈ wä gbölö, ngâ akrə ndə̂kə̂ kosə̂ nə̈ sə̂âbo-a. Pö nə̈ wä kâkë: Krîsiti mätə̂ yê lə̂ tə̂ akrə, Kpɨ̂ki Yingö tô pö ndə̂ yê pä tche wä djîrə̂, aânje chêko tchë, a mu pö ndə̂ yê sə̈ azü ndə̂ andjë wâbô wâtə̂ ajuîfu, angbängbä azü pâ cho zä su andjê sə̈ tchë, Ndjapä kênga tchë lə̂ golowäre ndə̂ yê.

Dokʉ̈ Timotë 3:9

Adiâkere də̈ azü ndə̂ andjë bata alëge apö pâ kə̂ za su sə̈ Krîsiti ndə̂ a nyîsə̂ nə̈, la tchôtchô kə̂ rɨ tchə̂lə̂ su.

Apökälîbïchi 10:7

Praâbalë lə̂ alö ndə̂ mïndûu manə̈ bïchuû ânje nə̈ hrʉadje tätälîtä ndə̂ yê, tchâme Ndjapä âmboadje arə ndə̂ tche nyîkrə rə̂ ndə̂ gbô rə̂ wâ lə̂ küwû nə̈. Tche âmbo rə̂ gundə̂sə̂ nə̈ ndə̂ tche tô rə̂ alême sə̈ a-earə̂ ndə̂ma Ndjapä ndə̂ andjë wâtə̂ a-earə̂ kua ndə̂ yê.»