Dokʉ̈ Körɛ̂nte 14:16 - Mbëtï Ndjapä: TÄFO MADƗ̈

¹⁶ Käko âdə mo âsə lakə̂ to pö sə̈ Ndjapä lakə̂ za ayîabâ sə̈ tchë lə̂ köbosə̂ yingö, mbämbä akrə lə̂ kpûlû nə̈ âmbo atöko ânyë kə̂ kɨ «Amin» pâ kə̂ to pö sə̈ Ndjapä ndə̂ zə̈ nə̈? Ndə̂ tche djêâbô tchə̂lə̂ pö ndə̂ zə̈ nə̈ djê lâme?

Dokʉ̈ Körɛ̂nte 14:16 Iomraidhean Croise

Matiyə̈ 15:36

Tche kʉ̂ mâpa mïndûu manə̈ bïchuû la agiangû lâme, kə̈ zâ ayîabâ sə̈ Ndjapä, kə̈ tchô tchə̂lə̂ nə̈, kə̈ kʉ̂ rə̂ sə̈ adjisîpili ânyë andjë krʉ̂ tchə̂lə̂ nə̈ tə̂ kpûlû azü nə̈ gbɛ̂.

Matiyə̈ 28:20

Nyë nyïsə̂ nə̈ sə̈ andjê ndə̂kə̂ bata arə gbɛ̂ ndə̂ më tô pö ndə̂nə̈ sə̈ nyê. Äwäpä nyë wunsə̂ nə̈ pä, më kä la nyê logbɛ̂, ndjoa ësə̂nə̈ ndə̂ tchêbêche krʉ tâ.»

Matiyə̈ 6:13

Amö gboabô gbôtə̂ ârâ ndə̂kə̂ pa ârâ te lə̂ arə ndə̂ âbolo azü-î. Praâbalë amö ji ârâ tchânə̂ Ngbongbo akrə. [Bëte kümändëmä la gbôgbô lakə̂ lusə̂tə̂ də̈ andə̂ zə nə̈ ndə̂ logbɛ̂ logbɛ̂! Amin.›]

Mâreke 16:20

Âdə andə̂ adjisîpili nə̈, andjê âe katchôgbɛ̂ lakə̂ mu Tchôtchô Pö. Gbölö Gbïɛ̈ zâ gbôgbô sə̈ andjê ndə̂kə̂ mbo rə̂ pä pö Ndjapä watə̂ lëge pö, lə̂ köbosə̂ akpɨ̈ngbɨ̈ rə ndə̂ âza tchêngbâ akua ndə̂ andjê.]

Jâan 21:25

Angâ arə kä tâ ndə̂ Jezü mbô rə̂. Âdə a âmbo rə̂ mbö balë balë gbɛ̂ lə̂ mbëtï, më wünsə̂ nə̈ pä ngâ tchô wâbo ndə̂kə̂ pa a kʉ ambëtï lâme tâ pâ cho âtə-a.

Jâan 7:15

Ndə̂ ajuîfu djê pö lâme, tchə̂lə̂ küma andjê djîngɨli, andjë tô rə̂ päkëdə̂: «Köchë âtə wünsə̂ mbëtï atöko ndə̂ tche mândabô mbëtï mânda âtə?»

Abadjângele 4:13

Ndə̂ a-earə̂ kə̂ wa ngbanga nə̈ wûn rə̂ pä Pîêre la Jâan tö pö la gbôgbô, ânyë kə̈ wûn ndjë sə̂nə̈ pä, andjë də̈ ambämbä azü ndə̂ andjë wûn-âbo sə̂ mbëtï-a, tchə̂lə̂ küma andjê gbɛ̂ djîngɨli. Andjë wûnsə̂ nə̈ pä, aköchë âtə sə̈ alêe ndrotə̂ Jezü.

Dokʉ̈ Körɛ̂nte 11:24

kə̈ zâ ayîabâ sə̈ Ndjapä, kə̈ tchô tchə̂lə̂ nə̈ ânyë kə̈ tô rə̂ päkëdə̂: «Rə âtə də̈ tə̂ mê, ndə̂ âwâ bëte nyê. Nyë mbö rə lâme ndə̂kə̂ pa sə̂ mê te lə̂ nyê.»

Dokʉ̈ Körɛ̂nte 14:14

Bëte âdə mê âto pö sə̈ Ndjapä la ama gö ngbî ngbî, yingö ndə̂ mê kä lakə̂ to pö sə̈ Ndjapä, praâbalë kə̂ wunsə̂ rə ndə̂ mê mbôâbo kua balë-a.

Dokʉ̈ Körɛ̂nte 14:2

Bëte akrə ndə̂ tche to pö la ama gö ngbî ngbî, tche tôâbo pö nə̈ sə̈ azü-a, praâbalë tche to rə̂ sə̈ Ndjapä. Ngâ akrə balë djêâbo tchə̂lə̂ pö nə̈-a, tche tö pö ndə̂ arə ndə̂ gbô rə̂ wâ lə̂ küwû nə̈ lə̂ köbosə̂ Kpɨ̂ki Yingö.

Dokʉ̈ Körɛ̂nte 16:24

Më nyïndə̂ nyê gbɛ̂ lə̂ köbosə̂ nə̈ ndə̂ azə̈ wâ balë la Jezü Krîsiti.

Bïchuû Körɛ̂nte 1:20

Bëte lə̂ köbosə̂ yê kä ndə̂ arə gbɛ̂ ndə̂ Ndjapä zâ bâlâ tə̂ pö ndə̂nə̈ watə̂ «ɛn-ɛn». Käko lə̂ köbosə̂ Jezü Krîsiti kä ndə̂ azə̈ to rə̂ pä: «Amin» sə̈ Ndjapä bëte kə̂ lusə̂tə̂ ndə̂ yê.

Apökälîbïchi 22:20

Akrə ndə̂ tche tô pö ndə̂ arə lâme, tche tö rə̂ päkëdə̂: «Ɛn-ɛn, më âka angaâtə!» Amin! Nə atâ Gbölö Gbïɛ̈ Jezü!

Apökälîbïchi 5:14

Arə voanə̈ ndə̂ âwâ la tʉ̈rʉ̂ la lâme tô rə̂ päkëdə̂: «Amin!» Ânyë akpôkpô azü nə̈ gʉ̂te kə̈ sə̂ lakə̂ voga tchë.

Apökälîbïchi 7:12

Andjë sə̈ lakə̂ to rə̂ päkëdə̂: «Amin! Voga, golowäre, küma ndə̂ âwâ lanə̈, ayîabâ, kə̂ lusə̂tə̂, kümändëmä la gbôgbô wätə̂ andə̂ Ndjapä ndə̂ azə̂ ndə̂ tche wâ pïï etə̂! Amin.»