Dokʉ̈ Körɛ̂nte 14:15 - Mbëtï Ndjapä: TÄFO MADƗ̈

¹⁵ Më âmbo atöko? Mê toadje pö sə̈ Ndjapä lə̂ köbosə̂ Yingö, praâbalë mê toadje ndjë pö sə̈ Ndjapä lakə̂ wunsə̂ rə ndə̂ mê. Mê padje düwü lə̂ köbosə̂ Yingö, praâbalë mê padje ndjë düwü lakə̂ wunsə̂ rə ndə̂ mê.

Dokʉ̈ Körɛ̂nte 14:15 Iomraidhean Croise

Abadjângele 21:22

Azə̈ âmbo atöko? Andjë âdje rə̂ më djë tə̂ lëge nə̈ pä mo wûtu nə̂ ëtchâtə.

Rômo 1:9

Ndjapä ndə̂ më zâ su mê gbɛ̂ ndə̂kə̂ mbo kua ndə̂ yê lə̂ köbosə̂ nə̈ ndə̂ mê mu Tchôtchô Pö ndə̂ Modô ndə̂ yê, tche wûnsə̂ nə̈ nə̂ pä më tö lëge pö. Më tö pö ndə̂ nyê logbɛ̂,

Rômo 3:5

Praâbalë âdə kə̂ mbo ngbongbo rə ndə̂ azə̂ ânyisə̂ kə̂ wa djîrə̂ ndə̂ Ndjapä lə̂ la azü gbɛ̂ ësûwu, azə̂ âto rə̂ atöko? Azə̈ âtoadje rə̂ pä, Ndjapä wâbo djîrə̂ bëte mêrâ ndə̂ yê ndə̂ âtê pâ azə̂ lâme? (Më tö pö lâme batə̂ rə̂ ndə̂ azü to rə̂.)

Rômo 8:31

Azə̈ âka to rə̂ atöko? Âdə Ndjapä âwa la azə̂, tchabâ kä ndə̂ âkosə̂ azə̂?

Dokʉ̈ Körɛ̂nte 10:19

Më nyïndə̂ kə̂ to rə̂ atöko? Gûsû ndə̂ a wâ rə̂ la ngela sə̈ angakʉ̈lä lâme də̈ ngâ rə? Âdəndjë rə̂ angakʉ̈lä nə̈ la tə̂ andjê, andjë də̈ ngâ rə?

Dokʉ̈ Körɛ̂nte 14:14

Bëte âdə mê âto pö sə̈ Ndjapä la ama gö ngbî ngbî, yingö ndə̂ mê kä lakə̂ to pö sə̈ Ndjapä, praâbalë kə̂ wunsə̂ rə ndə̂ mê mbôâbo kua balë-a.

Dokʉ̈ Körɛ̂nte 14:19

Praâbalë âdə mê âkrʉ tchâtchu kpûlû azü ndə̂ Krîsiti, më nyïndə̂ kə̂ to apö mïndûu ndə̂ azü dje tchə̂lə̂ nə̈, ânyë âkpokpo andjê, ärö anə̈ ndə̂kə̂ pa më to pö sâke lə̂ könô gbɛ̂ (10 000) la ama gö ngbî ngbî.

Dokʉ̈ Körɛ̂nte 14:26

Käko arə̂mä, azə̂ âmbo atöko? Âdə nyë âpalatə̂ nyê, ngânə̈ balë lə̂ gbâtə̂ nyê pä düwü, ngânə̈ nyisə̂ rə âdəndjë rə̂ ndə̂ tche to pö ndə̂ ngâ rə ndə̂ Ndjapä nyîsə̂ nə̈ sə̈ tchë, ngânə̈ to pö la ama gö ngbî ngbî, ânyë ngânə̈ to tchêngbâ pö nə̈ la ma gö ndə̂ azü nə̈. Rə gbɛ̂ ndə̂ nyê mbo rə̂, äwäpä rə nə̈ lâme kpokpo azü ndə̂ Egilîze.

Ëfêze 6:18

Nyë tö pö sə̈ Ndjapä lə̂ aköbo nə̈ balë balë gbɛ̂, ndjë tə̂ logbɛ̂, kə̂ yukû arə tchânə̂ yê lə̂ köbosə̂ Yingö. Käko la nyê gbö logbɛ̂, nyë gböäbô gbôtə̂ kə̂ to pö sə̈ Ndjapä tə̂ pö ndə̂ azü ndə̂ yê gbɛ̂.

Fïlîpe 1:18

Praâbalë âdə kə̂ nyisə̂ rə ndə̂ andjê âwatə̂ lëge nə̈ âdəndjë rə̂ ndə̂ âwâ la ngbongbo su, äwä ämbänə̈! Gbölö rə nə̈ də̈ rə̂ ndə̂ andjë mû pö ndə̂ Krîsiti! Bëte rə̂ kä ndə̂ su mê wâ la mômô! Käko gbô su mê âwadje la mômô logbɛ̂.

Kölôse 3:16

Äwäpä Tchôtchô Pö ndə̂ Krîsiti ndə̂ atchôtchô arə sɨ̂sɨ̈ lə̂nə̈ wa lə̂ tchîsûwu ndə̂ nyê. Nyë nyisə̂ rə, kə̂ to tchôtchô pö sə̈ angâ nyê lə̂ gbâtə̂ nyê, lə̂ köbosə̂ küma ndə̂ âwâ lanə̈ gbɛ̂. Nyë pä düwü sə̈ Ndjapä la su nyê gbɛ̂ ndə̂kə̂ za ayîabâ sə̈ tchë, nyë pä adüwü ndə̂ Mbëtï Ndjapä, adüwü ndə̂kə̂ dɨ tchə̂lə̂ ma sə̈ Ndjapä, ndə̂ Yingö kʉ rə̂ sə̈ nyê.

Jâke 5:13

Ngâ akrə lə̂ gbâtə̂ nyê kä lə̂ nyonyo? Äwäpä tche to pö sə̈ Ndjapä. Ngâ akrə kä la mômô? Äwäpä tche pa düwü ndə̂kə̂ voga Ndjapä.

Jûde 1:20

Praâbalë nyënyê, arə̂mâ ndə̂ mê ndə̂ më nyîndə̂ nyê tə̂ gbölösə̂nə̈, nyë krʉ̈ pâ kə̂ za su nyê ndə̂ nyë zâ rə̂ sə̈ Krîsiti ndə̂ âwâ ngbî ânyë kə̈ dâka gbɛ̂. Nyë tö pö sə̈ Ndjapä lə̂ köbosə̂ Kpɨ̂ki Yingö.