Dokʉ̈ Körɛ̂nte 14:13 - Mbëtï Ndjapä: TÄFO MADƗ̈

¹³ Bëte rə̂ kä ndə̂ akrə ndə̂ tche to pö la ama gö ngbî ngbî, äwäpä tche yu Ndjapä tche za gbôgbô ndə̂ Yingö ndə̂kə̂ to tchêngbâ pö nə̈ sə̈ tchë.

Dokʉ̈ Körɛ̂nte 14:13 Iomraidhean Croise

Mâreke 11:24

Bëte rə̂ kä ndə̂ më tô rə̂ sə̈ nyê: Ndə̂ nyê âsə̈ to pö sə̈ Ndjapä, rə gbɛ̂ ndə̂ nyê yukû nə̈ tchânə̂ yê, äwäpä nyë gamba rə̂ pä nyë gbô rə nə̈ nə̂, Ndjapä âzadje rə̂ sə̈ nyê.

Abadjângele 1:14

Logbɛ̂, andjë päla tchê tə̂ andjê gbɛ̂ balë ndə̂kə̂ to pö sə̈ Ndjapä, andjê la angâ aɛ̈chë, la Malê, anyï Jezü ndjë la ayîngâ Jezü.

Abadjângele 8:15

Ndə̂ Pîêre la Jâan âsə̈ wutu bhâye, andjë tô pö sə̈ Ndjapä ndə̂kə̂ pa azü ndə̂ Samarï gbo Kpɨ̂ki Yingö.

Dokʉ̈ Körɛ̂nte 12:10

Tche zä gbôgbô ndə̂kə̂ mbo akpɨ̈ngbɨ̈ rə sə̈ ngâ akrə, kə̈ zâ gbôgbô ndə̂kə̂ to ndə̂ma Ndjapä sə̈ ngânə̈, kə̈ zâ gbôgbô ndə̂kə̂ krʉ tchə̂lə̂ Kpɨ̂ki Yingö la angbongbo yingö sə̈ ngânə̈, kə̈ zâ gbôgbô ndə̂kə̂ to pö la ama gö ngbî ngbî sə̈ ngânə̈, ânyë kə̈ zâ gbôgbô sə̈ ngânə̈ ndə̂kə̂ to ndə̂ma pö ndə̂ ama gö ngbî ngbî lâme sə̈ angâ yê.

Dokʉ̈ Körɛ̂nte 12:30

Azü gbɛ̂ kä ndə̂ âwâ la gbôgbô ndə̂kə̂ tcha a-earə̂ tə̂kömbô? Azü gbɛ̂ kä ndə̂ âwâ la gbôgbô ndə̂kə̂ to pö la ama gö ngbî ngbî? Azü gbɛ̂ kä ndə̂ âwâ la gbôgbô ndə̂kə̂ to tchêngbâ ama gö ngbî ngbî nə̈?

Dokʉ̈ Körɛ̂nte 14:12

Nyënyê ndjë gbɛ̂ ndə̂ nyë wâ la gʉ tə̂ gbölösə̂nə̈ ndə̂kə̂ gbo arə ndə̂ Yingö, äwäpä köbo âwa, nyê pu köbo ndə̂kə̂ gbo arə ndə̂ Yingö ndə̂ âmbo rə̂ pä Egilîze kpokpo tə̂ yê.

Dokʉ̈ Körɛ̂nte 14:14

Bëte âdə mê âto pö sə̈ Ndjapä la ama gö ngbî ngbî, yingö ndə̂ mê kä lakə̂ to pö sə̈ Ndjapä, praâbalë kə̂ wunsə̂ rə ndə̂ mê mbôâbo kua balë-a.

Dokʉ̈ Körɛ̂nte 14:26

Käko arə̂mä, azə̂ âmbo atöko? Âdə nyë âpalatə̂ nyê, ngânə̈ balë lə̂ gbâtə̂ nyê pä düwü, ngânə̈ nyisə̂ rə âdəndjë rə̂ ndə̂ tche to pö ndə̂ ngâ rə ndə̂ Ndjapä nyîsə̂ nə̈ sə̈ tchë, ngânə̈ to pö la ama gö ngbî ngbî, ânyë ngânə̈ to tchêngbâ pö nə̈ la ma gö ndə̂ azü nə̈. Rə gbɛ̂ ndə̂ nyê mbo rə̂, äwäpä rə nə̈ lâme kpokpo azü ndə̂ Egilîze.